Refogado de verduras
Información nutricional:
Kcal: 219,8
Proteínas: 8,5%
Hidratos de carbono: 37,0%
Lípidos: 54,5%
Ingredientes
- 90 g cabaciño
- 90 g berenxena
- 30 g pemento vermello
- 30 g pemento verde
- 60 g salsa tomate
- 25 g brótelos soia
- 30 g cebola
- 30 g cenoria
- 3 culleradas (15 mL) aceite oliva
- comiño
- sal ao gusto
Instruccións
Tempo preparación: De 15 a 20 minutos
Cortar en dados grandes (1,5x1,5cm) o cabaciño con pel, a berenxena e a cenoria, e en cadrados os pementos e a cebola. Refogar en tixola ou wok con aceite ata que estean "ó dente" segundo a orde de dureza. Engadir brótelos de soia e a salsa de tomate. Dar o toque de sal e comino.
Vantaxes:
Neste prato combínanse diversas verduras, cabaciño, cenoria, berenxena, pementos e cebola, que aportan ao organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Presentan substancias cun elevado poder antioxidante, propiedade que favorece a loita fronte aos radicais libres que provocan o envellecemento celular. Ademais a soia destaca polo seu elevado aporte de proteínas de alto valor biolóxico, fibra e lípidos, na súa maioría poliinsaturados fundamentais e beneficiosos para a saúde de vasos sanguíneos e corazón. A soia contén lecitina, graxa que se emprega como complemento dietético e aditivo emulsionante.