O queixo galego do país elabórase na zona central de Galicia como produto do leite de vaca das razas autóctonas galegas. O queixo contén unha importante cantidade de proteínas, ademais de calcio, esencial para os ósos; e vitamina A que, xunto ao calcio, intervén no crecemento e no desenvolvemento dos ósos e, ademais, axuda a reducir os niveis de colesterol. O mel que acompaña o queixo é beneficioso para persoas con problemas dixestivos debido ao seu poder alcalinizante. Ten un gran poder enerxético polo seu contido en hidratos de carbono en forma de azucres.