Este peixe adóitase presentar en filetes ou toros, en lugar de enteiro, debido ao seu tamaño. Carece de espiñas e por iso está indicado para a poboación infantil e anciá. É un peixe azul pero con menos graxa que outros peixes azuis. Ten un contido elevado en fósforo e magnesio e é o peixe máis rico nestes minerais. O fósforo intervén na formación e no mantemento dos ósos e no desenvolvemento dos dentes. Pola súa parte, o magnesio axuda na absorción do calcio e, ademais, é un relaxante muscular.