Vantaxes:
Pola súa riqueza en ácidos (málico, palmítico, p-cumárico e mirístico), vitamina C e sobre todo vitamina A, o mango constitúe unha boa fonte de antioxidantes, capaz de neutralizar radicais libres e dotar o organismo dun poder defensivo contra a degradación das células.
Vitaminas do grupo B, tamén presentes neste froito (B3 e B6), teñen un papel transcendental no metabolismo das graxas así como no coidado da pel e o cabelo.
Axuda a depurar o organismo grazas ás encimas proteolíticas, axudando a evitar a acumulación de nutrientes non aproveitables a nivel intestinal. Rica en fibra, minerais e moderada en canto a calorías.