Na antigüidade non constituía un prato por si mesmo senón que servía como gornición. Este prato ía acompañado de carne de porco, touciño ou chourizo, fritos na tixola previamente. Na época de Coresma substituíase por ovos cocidos enteiros, aínda que tamén se podía acompañar de peixe. Os feixóns debido ao seu baixo contido en calorías son moi recomendables para incluír en dietas de adelgazamento. Son moi remineralizantes, doados de dixerir e moi pobres en sodio, o que os fai ideais para persoas hipertensas.