Ensalada morna de verduras asadas e pataca
Información nutricional:
Kcal: 236,5
Proteínas: 8,1%
Hidratos de carbono: 53,4%
Lípidos: 38,5%
Ingredientes
- 50 g tomate
- 50 g berenxena
- 50 g cabaciño
- 40 g pemento vermello
- 30 g cebola
- 1 dente (5g) allo
- 1 (100g) pataca
- 1 cullerada (5mL) vinagre de módena
- 1 cullerada sopeira (10mL) aceite oliva
- sal ao gusto
Instruccións
Tempo preparación: De 30 a 40 minutos
Asar no forno os pementos, tomate, berenxena, cabaciño, cebola e allo. Retirar por orde de cocinado e pelar o que proceda. Cortar en cadrados. Cocer as patacas enteiras (mellor con pel), cortar en dados e mesturar coas verduras. Condimentar con aceite, vinagre e sal. Sérvese a temperatura ambiente.
Vantaxes:
Neste prato combínanse diversas verduras, cabaciño, berenxena, pemento, tomate e cebola, que aportan ao organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Presentan substancias cun elevado poder antioxidante, propiedade que favorece a loita fronte aos radicais libres que provocan o envellecemento celular.