Crema de cabaciño
Información nutricional:
Kcal: 210,8
Proteínas: 12,5%
Hidratos de carbono: 44,4%
Lípidos: 43,1%
Ingredientes
- 1/2 vaso (120 mL) auga
- 1/2 vaso (120mL) leite desnatado
- 70 g cabaciño
- 1/2 (60 g) pataca
- 20 g porro
- 1 cullerada sopeira (10mL) aceite oliva
- sal ao gusto
Instruccións
Tempo preparación: De 30 a 40 minutos
Refogar no aceite o branco do porro. Engadir o cabaciño lavado e cortado en dados coa pel. Engadir a pataca cortada e mollar con auga e leite. Deixar cocer de 20 a 30 minutos. Triturar e coar por chinés. Poñer a punto de sal. Decorar con aceite virxe extra de oliva e uns picatostes.
Vantaxes:
O cabaciño caracterízase polo seu elevado contido en auga, seguido dos hidratos de carbono, e o seu baixo contido en lípidos e proteínas; estas características, ligadas a presenza de fibra, fan do cabaciño un alimento adecuado para dietas de adelgazamento. Contén vitamina A, B, C; magnesio, sodio, iodo, ferro, calcio e potasio; substancias que axudan na produción de glóbulos vermellos e brancos, na síntese do material xenético ou na formación de anticorpos do sistema inmunolóxico. Ademais, posúen acción antioxidante, regula os niveis de auga na célula, e mellora o funcionamento intestinal e dixestivo.