Brócoli con salsa Soubise (bechamel con cebola)
Información nutricional:
Kcal: 301,3
Proteínas: 20,8%
Hidratos de carbono: 21,0%
Lípidos: 58,2%
Ingredientes
- 150 g brócoli
- 100 mL leite desnatado
- 40 g xamón serrano
- 40 g cebola
- 6 g fariña
- 1 cullerada (6mL) aceite oliva
- pementa branca
- noz moscada
- sal ao gusto
Instruccións
Tempo preparación: De 30 a 40 minutos
Cocer o brócoli ao vapor sen pasar en exceso. Preparar unha salsa bechamel con cebola: quentar o aceite e refogar sen que tome cor a cebola en xuliana, engadir a fariña removendo sen cesar. Engadir o leite quente e sen parar de remover. Dar o toque de pementa e noz moscada. Engadirlle uns tacos de xamón. Cubrir o brócoli coa salsa e servir.
Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.