Trátase das crías das anguías. Nacen no mar dos Sargazos, situado entre as Bermudas e Porto Rico, no Atlántico. Despois de nacer son arrastradas polas correntes ata chegar aos ríos europeos, onde os remontan. É este o momento da súa captura. Son incoloras, case transparentes e posúen un tamaño de 5 a 8 cm. As angulas frescas atópanse no mercado de decembro a abril, e as conxeladas están dispoñibles durante todo o ano. Na súa composición nutricional cabe destacar o seu contido en auga que é o máis baixo de todos os peixes. O seu valor enerxético (205 kcal) é o máis alto de todas as especies mariñas xunto co atún (200 kcal); e o seu elevado contido en lípidos (15,5 g) e tamén o máis alto de todos.