Pisto de verduras con piñóns

15 Xullo, 2015

Pisto de verduras con piñóns

Plato

Primeiro prato

Información nutricional:

Kcal: 203
Proteínas: 8,5%
Hidratos de carbono: 26,1%
Lípidos: 65,3%

Ingredientes

75 g cabaciño
75 g salsa tomate
25 g pemento vermello
25 g pemento verde
25 g cebola
10 g piñóns
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Cortar as verduras en dados. Refogar por orde de dureza no aceite de oliva, primeiro cebola e pementos, logo o cabaciño e finalmente a salsa de tomate. Poñer a punto de sal e cubrir cos piñóns torrados.

Vantaxes:
Os piñóns son ricos en calcio, magnesio e ferro, polo que son recomendables en persoas con osteoporose e descalcificación. Os seus ácidos graxos mono e poliinsaturados son moi adecuados para combater o colesterol e as enfermidades cardiovasculares.
A combinación de pemento verde e vermello, tomate, cebola e cabaciño, aporta ó organismo importantes cantidades de vitaminas do grupo B, A e C; e minerais, tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Filete de tenreira ao curry

Plato Segundo prato

Información nutricional:

Kcal: 629,9
Proteínas: 32,0%
Hidratos de carbono: 16,8%
Lípidos: 51,2%

Ingredientes

150 g filete de tenreira
1/2 vaso (100mL) caldo carne
50 g mazá golden
50 g arroz
25 g cebola
6 g fariña
1 cullerada sopeira (10mL) aceite oliva
curry
sal ao gusto
pementa branca

Instruccións

Tempo preparación: De 20 a 30 minutos

En primeiro lugar preparar a salsa de curry; refogar no aceite a cebola cortada en tiras sen que tome cor, engadir a mazá pelada e sen corazón, cortada en dados. Cubrir coa fariña e revolver uns instantes. Engadir o caldo de carne e deixar cocer 5 min., triturar e pasar por coador chino, dar o toque de curry e sal. Cortar os filetes, salpementar e marcar á prancha. Acompañar de arroz branco ó forno e salsear co curry.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Pasta con bacallau ao “alloarriero” e espinacas

Pasta con bacallau ao "alloarriero" e espinacas

Plato Segundo prato

Información nutricional:

Kcal: 331,6
Proteínas: 31,7%
Hidratos de carbono: 29,5%
Lípidos: 38,8%

Ingredientes

60 g pasta tiburón
75 g bacallau
75 g salsa tomate
50 g espinacas
25 g pemento vermello
25 g cebola
1 cullerada sopeira (10mL) aceite oliva
sal ao gusto
pementa branca
caiena
perexil

Instruccións

Tempo preparación: De 20 a 30 minutos

Cocer a pasta en auga fervendo con sal o tempo que indique o fabricante. Escorrer e refrescar. Refogar no aceite a cebola e o pemento vermello cortados finos, coa caiena. Engadir o bacallau esmigallado e a continuación engadir a salsa de tomate. Cocer as espinacas á parte, escorrer e engadir ó bacallau. Mesturar coa pasta e poñer a punto de sal e pementa. Cubrir con perexil.

Vantaxes:
Neste prato hai que ter en conta o aporte calórico da pasta e o poder antioxidante debido a substancias presentes no tomate, pemento e cebola. O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais. O bacallau salgado contén importantes cantidades de sodio, pero cando se pón a remollo, esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.

Ensalada de pasta

Plato Primeiro prato

Información nutricional:

Kcal: 333,9
Proteínas: 13,3%
Hidratos de carbono: 28,0%
Lípidos: 58,7%

Ingredientes

75 g pasta (farfalle tricolore)
30 g pauciños de cangrexo
20 g maionesa
20 g xamón cocido
20 g chícharos
10 g ketchup
perexil
sal ao gusto

Instruccións

Tempo preparación: De 15 a 20 minutos

Cocer a pasta en auga fervendo con sal o tempo que indique o fabricante. Escorrer e refrescar. Á parte, preparar unha salsa rosa con maionesa e ketchup. Mesturar a pasta coa salsa e engadir uns chícharos cocidos á parte e uns pauciños de cangrexo cortados en dados.

Vantaxes:
As principais características da pasta son o seu gran aporte en hidratos de carbono de absorción lenta (amidón) e en proteínas (glute), e o seu baixo contido en graxas. E ten a vantaxe de que é moi fácil de cociñar. Ademais hai que engadir as propiedades dos pauciños de cangrexo (surimi) que son un concentrado de proteínas insolubles e posúen baixa cantidade de lípidos.

Inconvenientes:
Debe controlarse o consumo de maionesa, debido ó seu alto contido en graxas.

Salmón en “papillote”

Salmón en "papillote"

Plato Segundo prato

Información nutricional:

Kcal: 218,3
Proteínas: 33,8%
Hidratos de carbono: 12,2%
Lípidos: 54,0%

Ingredientes

120 g salmón fresco
50 g feixóns verdes
50 g cenorias
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Limpar os feixóns verdes e pelar as cenorias. Cortar en bastóns e cocer por separado. Nun papel de forno colocar os feixóns e as cenorias e por riba deles o salmón con sal e aceite. Pechar o papel de forno coma un sobre, para que non se abra. Meter no forno 10 min. a 180ºC. Abrir o sobre no momento de ser consumido.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Noticias