5 Abril, 2016
Grupo Cuevas inaugurou o pasado venres 1 de Abril un novo SPAR na localidade Ourensá de Moreiras (termo municipal de Toén), concretamente na Estrada Xeral Nº 68
O horario comercial de atención ao público será de luns a sábado de 9:30h a 14:00h e de 16:30h a 20:30h.
Esta nova tenda SPAR dispón de 160 m2 de superficie comercial e poñerá a disposición dos seus clientes unhas 2.000 referencias de produtos, tanto da marca propia SPAR como de marcas líderes do mercado.
O novo establecemento ten 2 empregados e conta con seccións asistidas de carnicería, charcutería e frutería.
Grupo Cuevas é socio e distribuidor exclusivo nas provincias de A Coruña, Lugo, Ourense e Pontevedra da marca SPAR, recoñecida a nivel mundial pola súa aposta pola innovación e a calidade en produtos propios.
SPAR, é a maior organización a nivel mundial do comercio detallista, estando presente en 40 países e cunha rede de máis de 12.000 tendas.
Ver imaxe
1 Abril, 2016
Con motivo do seu 50 Aniversario, a Asociación de Empresarios do Polígono San Cibrao celebra en Expourense a feira O Polígono Nunca Visto os días 1 e 2 de abril. Frunatur e Cuevas e Cía estarán presentes cunha caseta. O horario da feira é ininterrompido de 9:00 a 20:30.
22 Marzo, 2016
A revista Inforetail recolle no seu número 28 unha entrevista co director xeral de Grupo Cuevas, Artur Yuste, onde fala da innovación no punto de venda como unha oportunidade para o retail.
Reportaxe “Conectados co future”, revista Inforetail Nº28, páx. 34-45
17 Marzo, 2016
Unha vintena de alumnos de Economía de Bacharelato de Carmelitas participaron nunha clase moi especial: coñecer sobre o terreo como se leva a cabo a xestión empresarial dun modelo de supermercados como os da cadea Aquié, de Grupo Cuevas. Esta visita é unha das actividades previstas nun convenio de colaboración que AJE Ourense asinou con Carmelitas e con outros centros docentes, e cuxo principal obxectivo é fomenter a cultura emprendedora.
Ver imaxe
22 Febreiro, 2016
Un ano de ensaios co director do proxecto VIDA Rubén Riós, ao carón dun colectivo de persoas con capacidades diferentes e con infinitas ganas de amosar ao mundo do que son capaces, foi o detonante para levar a cabo a realización de dúas grandes obras audiovisuais tomando como base o espírito de unión e o traballo en equipo.
“Máis ca Vida” é un documental que recolle os testemuños reais do día a día do mundo que rodea a estas persoas. O documental plasma en imaxes os momentos de ensaios aos que tiveron que enfrontarse de cara á rodaxe en ligazón aos seus medos, alegrías, interrogantes, dificultades, fatigas… aos seus sentimentos.
A obra de ficción “Vida”, unha mistura de arte, entretemento e comunicación, convértese na primeira experiencia audiovisual deste grupo, que entrelazadas a un reparto artístico de primeira categoría como os recoñecidos actores Javier Gutiérrez, Cristina Castaño, Mariana Carballal, Estíbaliz Veiga, María Mera e Luis Iglesia entre outros, trasladarán ao espectador dunha maneira lúdica e enteiramente positiva e realista, as diferenzas sociais existentes invitando ao público á reflexión.
A obra estrearase o próximo 25 de febreiro no Autidorio Municipal de Ourense e estará en carteleira 3 fins de semana podéndose comprar as entradas en www.ataquilla.com
Grupo Cuevas, no seu compromiso coa cultura galega, é patrocinador da obra. Os nosos supermercados de Ourense (Aquié, Aquí e Plenus) sortearán en cada tenda unha entrada dobre para a sesión do día 11 de marzo.
Saber máis