13 Xaneiro, 2017
Grupo Cuevas chega a esta edición de Xantar Salón Internacional de Turismo Gastronómico abandeirando o 5.º concurso gourmet, baixo o nome de “Jóvenes Centenarios”. O certame xirará ao redor das máximas que construíron a identidade de Grupo Cuevas ao longo da súa historia: a innovación e a experiencia, a modernidade e a tradición, o emprendemento, a alimentación sa e a solidez dun grupo netamente ourensán.
Dividido en dúas categorías, a profesional e a de afeccionado, o concurso terá como obxectivo promover a cociña autóctona a través dos produtos gourmet e das materias primas galegas de calidade, transformándoas en pratos tradicionais ou innovadores e que, dalgunha forma, recollan as esixencias sobre a que construíu a súa identidade o Grupo Cuevas.
Como firmes defensores da alimentación saudable e sa, Grupo Cuevas estará tamén presente na aula gastronómica que contará cunha completa axenda de shokcookings e conferencias. Nesta aula cociñarán tamén os oito finalistas do concurso gourmet, que prepararán, en directo, as receitas preseleccionadas polo xurado.
Finalmente, a entrega de premios terá lugar o domingo 5 de febreiro, durante a celebración da clausura oficial da 18.º edición de Xantar Salón Internacional de Turismo Gastronómico.
A presenza de Grupo Cuevas en Xantar forma parte dunha completa axenda de eventos que a compañía preparou para este 2017, con motivo do seu 150 aniversario.
1 Decembro, 2016
É a segunda apertura en pouco máis dun mes e terá unha superficie de 655 metros cadrados e creará dez empregos. Apenas un mes despois de abrir un establecemento baixo a marca Plenus na cidade de Lugo, o Grupo Cuevas abrirá unha nova tenda con este formato nunha céntrica rúa da Rúa, cunha superficie total de 655 metros cadrados e a creación de dez empregos. Con esta nova apertura, Cuevas intensifica o seu interese polo oriente ourensán, e duplica a rede deste tipo de centros en Galicia en pouco máis de dous anos e medio, co que alcanza xa os nove supermercados e unha superficie conxunta que se achega aos 5.000 metros cadrados repartidos entre Ourense, Lugo e Pontevedra. No caso de Ourense, será o primeiro das súas características na provincia, xa que os dous agora existentes están situados en diferentes rúas da cidade.
A marca Plenus foi creada en 2011 mediante un formato novo en España, cun concepto pensado para tendas de proximidade, tanto para pequenas como medianas poboacións, centrado en lograr unha importante redución de custos sen afectar a máxima calidade dos produtos, e cunha decidida aposta pola sección de frescos e os produtos galegos, así como unha oferta capaz de combinar primeiras marcas e prezos moi competitivos, con aproximadamente 3.000 referencias.
Con esta apertura na Rúa, Cuevas intensifica a expansión da súa oferta de marcas propias e acelera o crecemento da rede comercial da compañía no segmento polo miúdo, que se completa coas tendas Aquí e Aquié, e a insignia Cuevas-Spar que podería pechar este ano 2016 con preto dunha trintena de tendas abertas por toda a comunidade en apenas ano e medio (catro delas no oriente ourensán: Viana do Bolo, Manzaneda, Chandrexa e O Bolo), cumprindo así a previsión de 150 aperturas no próximos oito anos, o que consolida a evolución de Cuevas como o grupo de alimentación de máis rápido crecemento en Galicia.
Se se inclúe a distribución almacenista a través dos Cash&Carry, que aumentaron a súa superficie nun 52 % desde a chegada de Artur Yuste á dirección xeral, en 2010, a superficie de venda do Grupo Cuevas en Galicia a través dos distintos formatos achégase aos 35.000 metros cadrados, un 36 % na provincia de Ourense (seguida de Pontevedra, A Coruña e Lugo, por orde de de presenza), aínda que o plan de negocio e unha decidida aposta investidora prevé novas aperturas que permitirán alcanzar o 37.000 metros cadrados no curto prazo.
O Grupo Cuevas, que presentou recentemente os actos do seu 150 aniversario que levarán a cabo en 2017, superou en 2015 a barreira dos 500 empregos directos e máis de 200 indirectos, cunha cifra de negocio por encima dos 90 millóns de euros e un incremento do 52 % do resultado bruto de explotación (ebitda).
Ver imaxe
28 Novembro, 2016
Na súa XXI edición, o Premio Emprendedor do Ano de EY nomeou o noso director xeral, Artur Yuste xunto con Pelayo de la Mata, presidente de Varma, e José Luis Calvo, presidente de honra do Grupo Calvo. Eles son os candidatos que representarán a Zona Centro no Premio Emprendedor 2016 de EY.
Artur Yuste i Tarragó, director xeral de Grupo Cuevas, Pelayo de la Mata y Pobes, presidente de Varma, e José Luis Calvo Pumpido, presidente de honra do Grupo Calvo, foron hoxe proclamados oficialmente como finalistas da XXI edición do Premio Emprendedor do Ano de EY 2016 en representación da Zona Centro. O encontro tivo lugar no Hotel Ritz de Madrid.
O acto de proclamación congregou en Madrid a máis de 100 personalidades do mundo empresarial e institucional, así como a finalistas de anteriores edicións deste galardón de EY, como Jesús Alonso, Presidente do Grupo Daniel Alonso (Premio Emprendedor do Ano
Ver imaxe
Máis información sobre o premio
25 Novembro, 2016
A Federación Galega de Comercio recoñécenos co Premio Mercurio Traxectoria Comercio 2016. Nunha gala que tivo lugar onte pola tarde no Salón de Actos do Liceo de Ourense, e na que tamén se fixo entrega dos premios outorgados pola Federación de Comercio de Ourense.
Ver imaxe recollida do premio
Video entrega de premios
23 Novembro, 2016
O día 23 de novembro, presentamos ante os medios de comunicación na sede histórica do Museo Arqueolóxico Provincial de Ourense, a celebración do noso 150 aniversario durante o ano que vén.
O programa que se está ultimando outórgalles a máxima atención ás persoas, ao territorio e ás iniciativas sociais, culturais, deportivas e comerciais, baixo o lema “Mozos Centenarios”.
A conmemoración estará marcada polo “claim” que mellor define o que somos: “Mozos Centenarios”. Unha expresión que sintetiza á perfección a dualidade do noso carácter: innovación e emoción, modernidade e tradición, emprendemento e experiencia que alcanza a cifra de 150 anos.
No ámbito cultural imos elaborar unha gran reflexión creativa sobre a relatividade do tempo, coas achegas de artistas galegos, que participarán con distintas propostas e técnicas expresivas, sobre as que fallará un xurado especializado para outorgar o Premio Ignacio de las Cuevas. Unha selección de obras finalistas compoñerá unha exposición itinerante por Galicia na que participarán artistas e creadores.
Implicaremos tamén a sociedade galega neste 150 aniversario mediante varios eventos de “street marketing” nas cidades galegas nas que estamos presentes. Nestes eventos tentaremos articular experiencias exclusivas. E exclusiva será tamén unha gran gala conmemorativa compartida con todos os que nos acompañaron no camiño, que esperamos que sorprenda polo seu concepto. E o mesmo esperamos dunha xornada corporativa para todos os compañeiros que formamos Cuevas e que está pensada ao redor das emocións.
Lanzamos tamén o espazo web http://150aniversario.grupocuevas.com. Un sitio web que nos axudará a conectarnos con este fito histórico e que estará dispoñible a partir das 12.00 horas.
Esperamos que este 2017 nos sitúe en niveis históricos de emprego (estamos xa por riba dos 500 traballadores máis 200 indirectos) e de facturación.
“Neste 2017 poñeremos a atención nas persoas, o corazón na castaña, as enerxías no rural e o orgullo na nosa historia.” (Artur Yuste, director xeral).
SITE CONMEMORATIVOIMAGEN DA PRESENTACIÓN
Site conmemorativo
Imaxe da presentación