12 Xullo, 2017
Os principais supermercados do Grupo Cuevas instalaron colectores para a recollida de xoguetes, dentro da campaña “Comparte y recicla”, que promoven a nivel nacional Neox Kidz e a Fundación Crecer Jugando, coa colaboración de El Corte Inglés, Hipercor e as principais tendas de xoguetes. A campaña de recollida, que se desenvolve coa participación do Grupo Cuevas e Juguettos Ourense, estenderase ata o próximo 16 de xullo.
Ver imaxe
Máis información
5 Xullo, 2017
A compañía, que cumpre 150 anos no mercado, aumentou en 5,5 millóns a súa cifra de venda agregada en 2016, un 6% máis ca no exercicio anterior.
A súa fortaleza e a súa sólida posición quedan reflectidas no novo teito histórico do resultado bruto de explotación (ebitda), que volve subir a dobre díxito (16%) e acada por vez primeira os 3 millóns de euros.
Os investimentos totais creceron un 18% e superaron os 3,8 millóns o ano pasado, e as específicas do sector de alimentación disparáronse un 25%.
As subministracións de provedores galegos representan o 42% das compras totais que realiza a compañía centenaria.
A contratación indefinida e o emprego feminino gañan peso dentro do grupo.
Nota de prensa
4 Xullo, 2017
O Concurso de Debuxo Infantil “A que sabe ou verán?”, organizado polos supermercados Aquié, chega este ano á súa 9ª edición. Este concurso, que xa é un clásico entre os máis pequenos, recolle a visión máis divertida dos nenos sobre a época máis cálida do ano. Acompañados dos seus pais e dalgúns familiares, os gañadores recolleron os seus premios e diplomas no seu supermercado habitual.
Este ano, o premio leváronllo Naia, Ignacio e Uxía – 5, 9 e 10 anos, respectivamente- de Aquié O Porriño. Recolleu o seu premio, tamén en Aquié O Porriño, Alexia, de 7 anos, que resultou gañadora do premio de redes sociais. Á entrega de premios asistiron Orlando Márquez, Concelleiro de Parques e Xardíns do Concello do Porriño; Gino Roncal, Xefe de Publicidade de Atlántico Diario; e María González Lamelas, Directora de Supermercados de Grupo Cuevas. En Aquié Hórreo, os premios foron para Noa, Martina e María de 6, 10 e 10 anos, repectivamente, que recolleron os seus premios de mans de Sandra García, profesora na Escola de Arte e Superior de Deseño Mestre Mateo; Palmira Roo Ceo, Subdirectora Comercial de El Correo Gallego; e María González Lamelas, Directora Liña Supermercados Grupo Cuevas. Finalmente, en Aquié Fleming resultaron gañadores David, Asier e Carla, de 9,7 e 3 anos, respectivamente, que recibiron o seu recoñecemento por parte de Belén Iglesias, Concelleira de Cultura e Educación do Concello de Ourense; e José Paz, Xefe de Fotógrafos do diario La Región, como membros do Xurado; e de Marta Vázquez, do Supermercado Aquié de Fleming.
Parabén a todos os participantes!
Aquié O Porriño Premios
Premios Aquié Hórreo
Premios Aquié Fleming
3 Xullo, 2017
Un completo percorrido pola historia da fotografía baseado en diferentes modelos de cámaras antigas. Este é un pequeno adianto da nova exposición que percorrerá os supermercados Aquié nos próximos meses e que xa está dispoñible en Aquié Hórreo.
Cámaras de fol e placas con trípode e en formato portátil, a exitosa kodak brownie que data de 1920, as populares rolleyflex que utilizaron moitas estrelas do cinema e a música da época ou o pesada, pero precisa cámara ANACA dos estudos profesionais dos anos 50.
Se queres saber máis, só tes que achegarche ao teu Aquié habitual nas datas previstas para a súa exposición.
Aquié Hórreo: do 3 ao 27 de xullo.
Aquié Porriño: do 1 ao 29 de agosto.
Aquié Fleming: do 1 ao 28 de setembro.
Ver imaxe
Ver imaxe 2
26 Xuño, 2017
O pasado venres 23 e sábado 24, os Novos e Centenarios de Grupo Cuevas chegaron a Santiago a través dunha performance na rúa. Dous actores-promotores caracterizados como os mozos da prensa de finais do século XIX, percorreron as rúas da cidade, na contorna do supermercado Aquié, animando á xente para fotografarse con eles ao berro de “Extra!Extra! Grupo Cuevas cumpre 150 anos e busca aos Novos e Centenarios desta cidade!”.
Todos os Novos Centenarios que decidiron participar facendo unha instantánea do momento levaron un vale para trocar pola mochila do 150 aniversario xunto co xornal do día e a posibilidade de entrar no sorteo de 3 cámaras lombo instant de diferentes modelos. Dúas xornadas, a do venres e sábado, que estiveron cheas de diversión e sorrisos para conmemorar estes 150 anos.
Ver vídeo
