21 Novembro, 2018
Javier Caamaño, director da liña de supermercados do Grupo Cuevas, foi entrevistado no día de onte polo programa "A Tarde" da Radio Galega, xunto con Concepción Pérez, profesora titular da Universidade de Vigo. Na entrevista falaron do contido da exposición "Auga!", así como da xornada de cata de augas "Os sabores das augas minerais naturais", que se desenvolveu durante todo o día de onte no supermercado Aquié de Ourense.
Escoitar entrevista
15 Novembro, 2018
Auga de néboa ou auga negra, entre as rarezas que mostra a nova exposición das tendas Aquié.
Nunha iniciativa pioneira nos supermercados españois, as tendas Aquié do Grupo Cuevas ofrecen, a través de distintas exposicións, unha experiencia integral de bos hábitos, que se poderán adquirir de forma natural e cómoda mentres se fai a compra. A nova proposta expositiva da marca ourensá está centrada en todo o que rodea ao mundo da auga, e incluirá unha sesión práctica prevista para o próximo día 20, en colaboración co Campus da auga, da UVigo.
A exposición, instalada onte na tenda Aquié de Doutor Fleming, en Ourense, e que se poderá ver ata o próximo 11 de decembro, distribúese por un sorprendente itinerario creado no interior da tenda, coa recreación de diferentes espazos e paneis explicativos sobre a orixe da auga, consellos sobre os momentos ou as cantidades ideais para bebela e xogos interactivos.
Haberá tamén un espazo específico para mostrar as augas galegas de manancial e as súas características, e unha mostra dalgunhas das augas máis singulares procedentes de diferentes países do mundo, entre elas algunhas rarezas como auga de néboa, auga de iceberg, auga negra ou auga filtrada con ouro.
Artur Yuste, director xeral do Grupo Cuevas, xustifica a innovadora iniciativa “porque queremos que as nosas tendas sexan tamén espazos de aprendizaxe e de coñecemento útil, onde se aproveite mellor e ademais se goce no tempo de compra, e onde se poidan adquirir ao mesmo tempo hábitos saudables que melloren a calidade de vida”.
A Universidade de Vigo terá unha presenza destacada na mostra, a través do Campus da Auga, que se concretará nunha sesión explicativa a cargo de expertos, que ensinarán a facer unha valoración completa das propiedades e calidades das augas que se consomen habitualmente, e a identificar os seus beneficios e os seus efectos para diferentes aplicacións saudables.
Ver imaxe
9 Novembro, 2018
Maite González foi entrevistada hoxe pola Cadena Cope de Ourense. Durante a súa intervención, a xerente de Cuevas & Cía falou da actual campaña da castaña, así como da presenza do Marron Glacé de Cuevas ao redor do mundo.
Escoitar entrevista
8 Outubro, 2018
O pasado 26 de setembro presentouse a III edición do Trail Ribeira Sacra 2018, que este ano se celebra este domingo 14 de outubro.
Estaremos moi pendentes da proba que, como cada ano, organiza o Grupo Cuevas Nogueira Trail.
Máis información
Este mes, Tomóvil estará presente nunha nova edición do Salón do Automóbil, que, como cada ano, organiza Expourense. Os días 19, 20 e 21 de outubro participará na feira de vehículos novos e os días 26, 27 e 28 de outubro na feira dos vehículos de ocasión.
O novo Ford Focus será o modelo estrela para o evento.
Máis información
