Natillas caseiras

15 Xullo, 2015

Natillas caseiras

Plato

Sobremesa

Información nutricional:

Kcal: 149,8
Proteínas: 20,9%
Hidratos de carbono: 59,7%
Lípidos: 19,5%

Ingredientes

10 g xema de ovo
1/2 vaso (160 mL) leite
45 g limón
10 g azucre
5 g maicena
canela en rama
canela molida

Instruccións

Tempo preparación: De 15 a 20 minutos

Ferver o leite coa cortiza de limón e canela. Aparte nun cazo de aceiro quentar lixeiramente a xema co azucre e a maicena. Engadir o leite fervendo e deixar cocer sen parar de remover, posto que se pegan facilmente ao recipiente.

Vantaxes:
Esta sobremesa presenta todas as vantaxes do leite, como o gran aporte en vitaminas A, C, e do grupo B, minerais como ferro, calcio, e proteínas; combinadas cos beneficios do limón, rico en pectina e vitamina C.

Biscoito de laranxa

Plato Sobremesa

Información nutricional:

Kcal: 442,2
Proteínas: 6,0%
Hidratos de carbono: 51,1%
Lípidos: 42,9%

Ingredientes

22,5 g manteiga
22,5 g ovo
30 g fariña
1 (120g) laranxa
22,5 g azucre
2 g azucre glacé
3 g fermento químico

Instruccións

Tempo preparación: De 30 a 40 minutos

Poñer a manteiga en pomada no microondas a potencia de desconxelación; non debe fundirse. Engadir o azucre branco e disolver. Engadir un pouco de fariña. A continuación, o ovo ós poucos e seguir batendo. Finalmente, engadir a fariña restante mesturada co fermento. Engadir a reladura e o zume de media laranxa. Introducir nun molde de silicona ou de latón, previamente untado de manteiga, e adornado de fariña e cocer ó forno 175-180ºC 35 min. dependendo da altura do molde. Desmoldar e decorar con azucre glacé.

Vantaxes:
A laranxa é unha importante fonte de vitamina C, flavonoides e beta-caroteno, cardiovasculares. Outros compoñente que lle reportan numerosos beneficios son ácido fólico e fibra soluble, elevado contido en auga, potasio, ácido cítrico e ácido oxálico. Entre estes beneficios cabe destacar a función antioxidante, inhibición da oxidación do LDL-c colesterol “malo”), polo que se fai moi interesante de cara á prevención de enfermidades. Ten un efecto diurético e favorece a eliminación do ácido úrico e das súas sales.

Inconvenientes:
O ácido oxálico que conteñen as laranxas pode formar sales co calcio e formar oxalato cálcico, polo que o seu consume pode agravar casos de cálculos renais.

Fideos á mariñeira

Plato Segundo prato

Información nutricional:

Kcal: 325,9
Proteínas: 44,7%
Hidratos de carbono: 18,2%
Lípidos: 37,2%

Ingredientes

40 g fideo groso perla
40 g gambas
40 g mexillóns
40 g lura
100 mL caldo peixe
10 g cebola
10 g pemento vermello
10 g salsa tomate
1 cullerada sopeira (10mL) aceite oliva
1 dente (4g) allo
perexil picado
colorante alimentario

Instruccións

Tempo preparación: De 20 a 30 minutos

Nunha cacerola quentar o aceite e engadir o allo, cebola pemento vermello e tomate. Engadir a lura cortada en tiras pequenas e as gambas peladas. A continuación, engadir os mexillóns sen casca e o caldo de peixe co colorante. Agregar os fideos e deixar cocer segundo o fabricante de pasta. Repousar uns minutos e servir cubrindo con perexil picado.

Vantaxes:
Este prato combina o aporte en hidratos de carbono da pasta co aporte en proteínas de alto valor biolóxico e en minerais das luras, gambas e mexillóns. Hai que destacar o contido destes alimentos mariños en iodo, ferro, calcio, sodio, fósforo e magnesio. Ademais, é fonte de vitaminas do grupo B, especialmente ácido fólico, e vitamina E.

Inconvenientes:
As luras non son recomendables en persoas con colesterol alto e con hipertensión, porque presenta altos porcentaxes desta substancia.

Minestra de verduras

Plato Primeiro prato

Información nutricional:

Kcal: 359,9
Proteínas: 26,1%
Hidratos de carbono: 56,1%
Lípidos: 17,9%

Ingredientes

25 g ovo cocido
25 g chícharos
25 g alcachofas enlatadas
25 g feixóns
1 (25 g) cenoria
1/2 (50 g) pataca
75 g salsa tomate
15 g cebola
20 g xamón cocido
1 dente (5g) allo
1 cullerada sopeira (10mL) aceite oliva
perexil picado
sal ao gusto

Instruccións

Tempo preparación: De 20 a 30 minutos

Cocer as verduras por separado para respectar o punto de cocción de cada unha. As verduras grandes cortadas en dados grandes. Á parte refogar en aceite a cebola, o allo e o xamón. Engadir a salsa de tomate e as verduras. Acompañar de medio ovo cocido.

Vantaxes:
Grazas á combinación de numerosas verduras este prato aporta substancias cunha elevada acción antioxidante, vitaminas do grupo B, A, E, C, e minerais como potasio, fósforo, calcio ou magnesio. O ovo é o alimento que contén o mellor perfil proteico e do seu contido lipídico; máis da metade son graxas insaturadas. Ademais, contén dous carotenoides que interveñen favorablemente na saúde visual.

Filetes de pescada en salsa verde

Plato Segundo prato

Información nutricional:

Kcal: 357,3
Proteínas: 47,8%
Hidratos de carbono: 31,5%
Lípidos: 20,7%

Ingredientes

150 g pescada
1 (100g) pataca
100 mL caldo peixe
20 g cebola
6 g fariña
1 dente (5g) allo
perexil picado
caiena
sal ao gusto
1 cullerada (6mL) aceite oliva

Instruccións

Tempo preparación: De 20 a 30 minutos

Limpar os filetes e cocer ó vapor dobrándolles a punta . As patacas pequenas cócense á parte. A salsa verde prepárase refogando en aceite :allo, cebola moi picada e toque de caiena. Engadir a fariña e a continuación o caldo de peixe. Deixar cocer uns minutos e engadir o perexil picado. Cubrir peixe e pataca coa salsa e quentar todo o conxunto.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante comparado coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias comparado coas contidas na maior parte dos peixes.

Noticias