Cabaciño reenchido

15 Xullo, 2015

Cabaciño reenchido

Plato

Primeiro prato

Información nutricional:

Kcal: 270,9
Proteínas: 26,9%
Hidratos de carbono: 32,1%
Lípidos: 41,0%

Ingredientes

125 g cabaciño
1/2 vaso (100mL) leite desnatado
50 g carne porco
50 g cebola
25 g salsa tomate
25 g pemento vermello
6 g fariña
5 g queixo relado
1 cullerada (5mL) aceite oliva
pementón doce
pementa branca
noz moscada
sal ao gusto

Instruccións

Tempo preparación: De 30 a 40 minutos

Cortar o cabaciño en anacos de 10 cm. de longo, facer unha base para que non rode e logo baleirar cunha culler francesa a pulpa do mesmo. Branquear ao vapor e reservar. Dourar en aceite de oliva virxe o pemento e cebola picados, engadindo a carne de porco picada e cando estea dourada a salsa de tomate e a pulpa do cabaciño. Reencher os cabaciños coa farsa e cubir cunha bechamel. Cubrir con queixo e gratinar.

Vantaxes:
O cabaciño caracterízase polo seu elevado contido en auga, seguido dos hidratos de carbono, e o seu baixo contido en lípidos e proteínas; estas características, ligadas a presenza de fibra, fan do cabaciño un alimento adecuado para dietas de adelgazamento. Contén vitamina A, B, C; magnesio, sodio, iodo, ferro, calcio e potasio; substancias que axudan na produción de glóbulos vermellos e brancos, na síntese do material xenético ou na formación de anticorpos do sistema inmunolóxico. Ademais, posúen acción antioxidante, regula os niveis de auga na célula, e mellora o funcionamento intestinal e dixestivo.

Perca ao forno

Plato Segundo prato

Información nutricional:

Kcal: 253,8
Proteínas: 51,7%
Hidratos de carbono: 23,1%
Lípidos: 25,2%

Ingredientes

150 g perca
50 g pataca
50 mL viño branco
30 g cebola
10 g pemento vermello
10 g pemento verde
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Limpar o peixe e filetealo. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño e introducir no forno 15 minutos a 175ºC. Colocar o peixe, con sal, enriba das patacas, rociar co aceite de oliva deixar e 10 minutos máis. Retirar do forno. Decorar con perexil.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Tomate gratinado

Plato Primeiro prato

Información nutricional:

Kcal: 216,2
Proteínas: 23,4%
Hidratos de carbono: 7,7%
Lípidos: 68,9%

Ingredientes

150 g tomate
20 g xamón cocido
20 g queixo relado
1 cullerada (5mL) aceite oliva
ourego
sal ao gusto

Instruccións

Tempo preparación: De 20 a 30 minutos

Lavar os tomates e cortarlle a parte superior e inferior e logo ao medio para que asenten na bandexa. Poñerlle un pouco ourego, sal e aceite. Metelos ao forno 175ºC, 5 minutos. A continuación, colocarlles enriba unha loncha de xamón e outra de queixo cortadas en cadrado pero que non excedan o diámetro do tomate. Meter ao forno 5 min. Poñer un pouco de ourego na superficie.

Vantaxes:
O principal beneficio do tomate radica no seu contido en licopeno (responsable da súa coloración, que vai de amarelo a vermello). O licopeno posúe excelentes propiedades antioxidantes que protexen as células da acción dos radicais libres (principais causantes no envellecemento celular, enfermidades cardiovasculares e cancro). Ademais contén potasio, magnesio e fibra; e vitaminas do grupo B e vitamina C.

Tenreira estufada con cenorias

Plato Segundo prato

Información nutricional:

Kcal: 580,2
Proteínas: 23,6%
Hidratos de carbono: 21,4%
Lípidos: 55%

Ingredientes

150 g tenreira guisar
1 vaso (200mL) caldo carne
60 mL viño tinto
50 g salsa tomate
50 g arroz
50 g cenoria
30 g cebola
25 g pemento vermello
20 g porro
1 dente (5g) allo
pimienta
1 cullerada (5mL) aceite oliva
sal ao gusto

Instruccións

Tempo preparación: De 40 a 50 minutos

Cortar a carne en anacos non moi grandes, salgar e dourar nunha tixola nun pouco de aceite moi quente. Pasar a unha pota. Nesa tixola dourar as verduras picadas en dados non moi pequenos. Engadir viño á carne e deixar reducir. Engadir as verduras e o tomate. Mollar co caldo e cocer ata que a carne estea tenra. Acompañar de arroz branco ao forno.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Espinacas con pasas e piñóns

Plato Primeiro prato

Información nutricional:

Kcal: 314,6
Proteínas: 17,8%
Hidratos de carbono: 37,4%
Lípidos: 44,8%

Ingredientes

150 g espincas
1/2 vaso (100mL) leite desnatado
25 g uvas pasas
15 g piñóns
6 g fariña
1 cullerada (6mL) aceite oliva
noz moscada
pementa branca
sal ao gusto

Instruccións

Tempo preparación: De 30 a 40 minutos

Limpar e cocer as espinacas de forma tradicional. Escorrer e reservar. Preparar unha bechamel: quentar o aceite, engadir a fariña e remover, engadir o leite quente e deixar que ferva desfacendo posibles grumos. Engadir os piñóns lixeiramente torrados e as pasas e a continuación as espinacas. Mesturar ben e servir.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das

Inconvenientes:
O ferro de orixe animal absórbese mais facilmente que o presente nos vexetais. Por tanto, para un bo aporte de ferro é necesario o consumo de alimentos de orixe animal.

Noticias