20 Xaneiro, 2020
Este luns día 20 de xaneiro abrimos as portas dun novo punto de venda. Nesta ocasión trátase dunha tenda franquiada Spar Express que está situada na Avenida de Zamora 136, da cidade de Ourense.
A tenda, duns 200 metros cadrados, conta con produtos da marca Spar e con seccións de frescos como peixaría, carnicería e frutería.
Estará aberto de luns a sábado de 9.00 a 12.30 horas e de 17.00 a 21.00 horas. Tamén abrirá os domingos pola mañá de 9.30 a 14.00 horas.
Ver tenda
17 Xaneiro, 2020
Grupo Cuevas abandera unha nova edición do Concurso Gourmet que se desenvolverá no marco de actividades do 21º Salón Internacional de Turismo Gastronómico “ Xantar”.
No VIII Concurso Gourmet Grupo Cuevas, impulsaremos fortemente o emprego da castaña que chegará ás cociñas do “Aula Gastronómica Cuevas” en “ Xantar” da man das elaboracións que se presenten por parte dos participantes finalistas en cada unha das categorías que se habilitaron para tal fin: profesionais, semiprofesionales e afeccionados á cociña. Nesta edición, o obxectivo do concurso virará ao redor da promoción da cociña autóctona con especial atención á castaña e a través dos produtos gourmet e das materias primas galegas de calidade.
O certame gastronómico reunirá as propostas máis novas e orixinais interpretadas a través de persoas cuxo papel na cociña é ben diferente. Poderemos degustar receitas de participantes que fan da cociña o seu modo de vida profesional. Tamén haberá espazo para todas aquelas iniciativas que, sen pertencer ao ámbito profesional, proceden de ámbitos ligadas á gastronomía ou teñen formación entre fogóns. E finalmente, na sección afeccionados, gozaremos de pratos caseiros e de ideas que poderían formar parte do menú dunha familia.
Aula Gastronómica Grupo Cuevas
Unha aula na que experimentar, degustar, sorprendernos e tamén na que aprender sobre alimentación equilibrada e diversa. Este é o espazo aberto a profesionais que propón Grupo Cuevas no a 21ª celebración de Xantar e no que terán lugar diferentes showcookings, demostracións, degustacións, presentacións, talleres e conferencias que propoñerán ao visitante un achegamento non só á cociña de diferentes países convidados ao salón, senón tamén á cociña ourensá e galega desde a óptica máis tradicional á máis innovadora. Tamén veremos neste espazo aos participantes do VIII Concurso Gourmet Grupo Cuevas aplicar a castaña durante os pases de demostración en directo das receitas seleccionadas como finalistas polo xurado.
Os gañadores desta edición poderán gozar de premios en forma de vales de compra que poderán trocar nos centros cash and carry, Cuevas Cash e na rede de supermercados “Gústame ir ao súper” formada polas marcas: Aquié, Plenus e Aquí.
Se queres participar, aínda estás a tempo.
Consulta aquí as bases legais
