Noticias y actualidad del Grupo Cuevas
3 Xullo, 2018
Esta mañá tivo lugar na sede central do Grupo Cuevas un almorzo de traballo con algúns dos integrantes da Asociación de Mozos Empresarios de Ourense. Artur Yuste, director xeral do #GrupoCuevas, compartiu con eles a súa visión sobre a empresa do futuro e os valores que definen a esta empresa ourensá con 151 anos de historia.
Ver imaxe
O supermercado Aquié da rúa Doutor Fleming de Ourense recibiu onte, de mans da Directora Xeral de Comercio, Sol Vázquez, e da delegada da Xunta en Ourense, Marisol Díaz, o premio “Comercios con Talento” grazas ao traballo elaborado por Alba Brandín, que escolleu o noso supermercado como exemplo de innovación no comercio. Este recoñecemento foi recollido por María González, supervisora de supermercados do Grupo Cuevas, e tamén por Lourdes González, encargada do supermercado.
Ver nova
28 Xuño, 2018
– Pechou o exercicio do seu 150 ANIVERSARIO cunha facturación agregada de 101,6 millóns e un beneficio bruto de explotación (ebitda) de 3,37 millóns, un 9,5% máis que en 2016.
– A media anual de emprego creceu un 6%, coa creación de 30 novos postos de traballo.
– Artur Yuste, director xeral da compañía, destaca “a solidez no crecemento, que nos permitiu dobrar en só tres anos o resultado bruto”.
– O grupo ourensán avanza na implantación de medidas internas para facer efectiva en 2020 a plena igualdade de mulleres e homes, en todos os ámbitos da empresa.
A superación da barreira dos 100 millóns de euros en facturación agregada, a creación dun 6% de novo emprego e a continuidade da senda de crecemento no resultado bruto de explotación e no cash flow, é dicir, nas magnitudes determinantes para o investimento e para os plans estratéxicos, definiron o histórico exercicio do 150 ANIVERSARIO do Grupo Cuevas.
O ano pasado, as vendas da compañía excederon a barreira dos 100 millóns de euros. O crecemento medio do 5,29% no conxunto das sociedades impulsou a cifra de negocio ata 101,56 millóns. O incremento acumulado nos dous últimos exercicios (entre 2015 e 2017) situouse no 8,1%. “Unha das principais características do Grupo Cuevas é a solvencia e o crecemento sostido e en equilibrio, debido á consistencia das vendas e a unha evolución que, exercicio tras exercicio, se move por riba das medias do sector da distribución aliment
Ler nota de prensa completa
22 Xuño, 2018
Floriposa, a mascota máis divertida dos supermercados Aquié do Grupo Cuevas xa ten novos amigos cos que se divertir. Os nenos e nenas que participaron no 10º Concurso de Debuxo infantil que a cadea de supermercados Aquié celebra cada ano, e que nesta edición levou por título “Floriposa busca cuadrilla”, deron paso á imaxinación e recursos para pintar e dar forma aos seus novos amigos. “Marifresa”, “Peralista” ou “Tuliposa” foron algúns dos nomes elixidos polos máis pequenos para dar vida aos novos personaxes. Esta semana entregamos os premios aos gañadores dos tres supermercados.
Aquié Hórreo:
Terceiro premio: Marta Izquierdo, 7 anos
Segundo premio: Noa Bouzas, 6 anos
Primeiro premio: Yuhan Liu, 6 anos
Aquié Porriño:
Terceiro premio: José Francisco Machado, 10 anos
Segundo premio: Mara Camacho, 7 anos
Primeiro premio: Candela González, 7 anos
Aquié Fleming:
Terceiro premio: Sebastián Rodríguez, 12 anos
Segundo premio: Daniela Angulo, 8 anos
Primeiro premio: Juan González, 8 anos
Premio Redes Sociales: Sabela López, 4 anos
Noraboa a todas/os!
7 Xuño, 2018
As tendas Aquié do Grupo Cuevas desenvolverán unha proposta integral de bos hábitos, que se poderán adquirir de forma natural e cómoda mentres se fai a compra. A nova iniciativa que se pon en marcha en Ourense, e é pioneira no sector dos supermercados, farase visible mediante alianzas estratéxicas e a través de exposicións estáticas e dinámicas, con posibilidades interactivas e unha vinculación permanente con Galicia e cos seus produtos, e coas súas potencialidades naturais, culturais e alimentarias.
Artur Yuste, director xeral do Grupo Cuevas, xustifica a innovadora iniciativa “porque queremos que as nosas tendas sexan tamén espazos de aprendizaxe para o noso benestar social e de coñecemento útil da nosa historia, onde se aproveite mellor o tempo de compra e onde se poidan adquirir hábitos saudables que melloren a calidade de vida”.
A primeira nova exposición, que se poderá compartir desde o 4 de xuño na tenda Aquié de Doutor Fleming, en Ourense, ofrece o programa “1 hora de exercicio”, cun sorprendente itinerario interior habilitado para practicar algúns dos xogos tradicionais de Galicia. Na zona de acceso á tenda recrearase un espazo activo, complementado con paneis explicativos dos xogos elixidos, e vinilos no chan reproducindo elementos do xogo, e pezas reais coas que se poidan aprender a facer exercicios prácticos como a mariola, os zancos, os trompos, as billardas ou as tabas, ou un circuíto de canicas.
Todas as iniciativas que se irán desenvolvendo no tempo, terán como fío condutor un espazo fixo de continuidade e compartido no exterior da tenda, onde, a través dun panel, se poderá seguir o calendario dos dez hábitos saudables sobre os que se ofrecerá información e actividades prácticas durante os próximos meses, e que serán anunciados secuencialmente no escaparate a través dun destacado despregamento gráfico.
Á exposición “1 hora de exercicio”, en colaboración co centro de cultura popular “Xaquín Lorenzo”, pertencente á Deputación provincial, e que se poderá gozar durante os próximos días, seguirán outras con distintas temáticas, como “2 litros de auga ao día”, “8 horas de sono”, “7 minutos de risa” ou “5 comidas diarias”.
Ver imaxe