14 Agosto, 2017
O supermercado Aquié de Porriño acolle durante todo este mes unha nova exposición que recolle algunhas das cámaras fotográficas que fixeron historia. No que pretende ser un percorrido dende o nacemento desta técnica, coa primeira imaxe fixa, duradeira e inalterable feita en 1822, ata a chegada da era dixital, o contido da exposición arrinca catro séculos antes, coa cámara escura da que falaba Leonardo dá Vinci nos seus escritos, á que seguiría o daguerrotipo. A partir deste contexto, pódese ver unha completa e ampla selección secuenciada das cámaras que marcaron as distintas etapas, a través das cales se poderá coñecer de modo sinxelo a evolución da fotografía durante o último século: a fotografía sobre placas, as grandes cámaras de estudo e as de peto en formato de fol, o salto á película perforada e ao autorrevelado, a introdución do dobre obxectivo e a cor ou as primeiras cámaras réflex e dixitais.
A exposición, que estivo implantada durante todo o mes de xullo no supermercado Aquié de Santiago, atópase actualmente no supermercado Aquié do Porriño, onde permanecerá ata o día 29 de agosto. Finalmente será trasladada ao supermercado Aquié de Ourense, onde estará aberta dende o 1 ata o 27 de setembro.
Ver imaxe
13 Xullo, 2017
O suplemento EURO do diario ourensán La Región publicou o pasado domingo, na súa versión en papel, unha entrevista en profundidade con Artur Yuste, director xeral de Grupo Cuevas, na que fai un balance dos resultados económicos obtidos pola compañía no exercicio 2016 así como da situación actual do sector.
As declaracións de Yuste están xa dispoñibles no ámbito online da publicación.
Ler entrevista online
12 Xullo, 2017
Os principais supermercados do Grupo Cuevas instalaron colectores para a recollida de xoguetes, dentro da campaña “Comparte y recicla”, que promoven a nivel nacional Neox Kidz e a Fundación Crecer Jugando, coa colaboración de El Corte Inglés, Hipercor e as principais tendas de xoguetes. A campaña de recollida, que se desenvolve coa participación do Grupo Cuevas e Juguettos Ourense, estenderase ata o próximo 16 de xullo.
Ver imaxe
Máis información
5 Xullo, 2017
A compañía, que cumpre 150 anos no mercado, aumentou en 5,5 millóns a súa cifra de venda agregada en 2016, un 6% máis ca no exercicio anterior.
A súa fortaleza e a súa sólida posición quedan reflectidas no novo teito histórico do resultado bruto de explotación (ebitda), que volve subir a dobre díxito (16%) e acada por vez primeira os 3 millóns de euros.
Os investimentos totais creceron un 18% e superaron os 3,8 millóns o ano pasado, e as específicas do sector de alimentación disparáronse un 25%.
As subministracións de provedores galegos representan o 42% das compras totais que realiza a compañía centenaria.
A contratación indefinida e o emprego feminino gañan peso dentro do grupo.
Nota de prensa
4 Xullo, 2017
O Concurso de Debuxo Infantil “A que sabe ou verán?”, organizado polos supermercados Aquié, chega este ano á súa 9ª edición. Este concurso, que xa é un clásico entre os máis pequenos, recolle a visión máis divertida dos nenos sobre a época máis cálida do ano. Acompañados dos seus pais e dalgúns familiares, os gañadores recolleron os seus premios e diplomas no seu supermercado habitual.
Este ano, o premio leváronllo Naia, Ignacio e Uxía – 5, 9 e 10 anos, respectivamente- de Aquié O Porriño. Recolleu o seu premio, tamén en Aquié O Porriño, Alexia, de 7 anos, que resultou gañadora do premio de redes sociais. Á entrega de premios asistiron Orlando Márquez, Concelleiro de Parques e Xardíns do Concello do Porriño; Gino Roncal, Xefe de Publicidade de Atlántico Diario; e María González Lamelas, Directora de Supermercados de Grupo Cuevas. En Aquié Hórreo, os premios foron para Noa, Martina e María de 6, 10 e 10 anos, repectivamente, que recolleron os seus premios de mans de Sandra García, profesora na Escola de Arte e Superior de Deseño Mestre Mateo; Palmira Roo Ceo, Subdirectora Comercial de El Correo Gallego; e María González Lamelas, Directora Liña Supermercados Grupo Cuevas. Finalmente, en Aquié Fleming resultaron gañadores David, Asier e Carla, de 9,7 e 3 anos, respectivamente, que recibiron o seu recoñecemento por parte de Belén Iglesias, Concelleira de Cultura e Educación do Concello de Ourense; e José Paz, Xefe de Fotógrafos do diario La Región, como membros do Xurado; e de Marta Vázquez, do Supermercado Aquié de Fleming.
Parabén a todos os participantes!
Aquié O Porriño Premios
Premios Aquié Hórreo
Premios Aquié Fleming
