30 Maio, 2017
O Grupo Cuevas levou a celebración do 150 aniversario a Vigo a pasada fin de semana. Instalada na zona do porto, a carpa dotada dun fotomatón tomou as imaxes dos Novos e Centenarios desta cidade que participaron moi activamente da actividade, achegando incluso o seu propio atrezo en forma de bicicletas, centolas, globos… e non faltaron tampouco as mascotas.
Máis de 1.300 persoas decidiron acompañarnos nesta especial efeméride.
Próxima parada: Lugo, 3 e 4 de xuño.
Ver vídeo resumo
29 Maio, 2017
A campaña que se está desenvolvendo para conmemorar o 150 aniversario de Grupo Cuevas colleitou un premio no Publifestival. Nesta ocasión, a película que nos acompaña durante todo este ano e que trata sobre “A relatividade do tempo” foi premiada na categoría de Mellor Produción en anuncio web social do Festival Internacional de Publicidade Social “Publifestival”.
A película, que está dispoñible no site que Grupo Cuevas lanzou con motivo do 150 aniversario, http://150aniversario.grupocuevas.com, foi galardoada por este festival, que constitúe hoxe en día unha referencia esencial dentro do mundo da Publicidade, converténdose nun escaparate de proxección multinacional para axencias, produtoras, empresas anunciantes, medios de comunicación e todo tipo de entidades que saben transmitir ideas e mensaxes con claros valores sociais a través de campañas e pezas de comunicación innovadoras, que sensibilizan ao público.
web publifestival
web 150 aniversario
25 Maio, 2017
O Grupo Cuevas continúa a súa campaña de street márketing, iniciada en Ourense a pasada fin de semana, para dar testemuño na rúa da conmemoración do seu 150 aniversario. A proposta está pensada para proporcionar experiencias exclusivas a quen decida participar na iniciativa, ademais de posibilitar a creación dun mapa de imaxes personalizadas da celebración, co que se elaborará posteriormente un mostrario de perfís cidadáns que quedará como referencia histórica no site conmemorativo http://150aniversario.grupocuevas.com.
Nota de prensa
22 Maio, 2017
Durante a pasada fin de semana, Grupo Cuevas achegou a celebración do 150 aniversario ás rúas de Ourense. Instantáneas moi orixinais e divertidas, xunto cunha excelente dose de bo humor, foron a receita perfecta para que máis de mil Novos e Centenarios pasaran polo espazo que Grupo Cuevas instalou na rúa do Paseo. Continuamos esta fin de semana en Vigo.
Ver vídeo
18 Maio, 2017
Grupo Cuevas sae á rúa para compartir a celebración dos seus 150 anos “coas persoas”. Ofrecerá experiencias exclusivas nas cidades galegas, con fotografías en paisaxes a elixir e agasallos conmemorativos nos supermercados e cash. Comezamos este sábado en Ourense a partir das 16.00 horas xunto ao Centro Cultural Anxo Valente.
Máis información
Nota de prensa
