Ensalada de lentellas

15 Xullo, 2015

Ensalada de lentellas

Plato

Primeiro prato

Información nutricional:

Kcal: 386,6
Proteínas: 23,3%
Hidratos de carbono: 44,7%
Lípidos: 32,0%

Ingredientes

80 g lentellas
30 g ovo
10 g pemento vermello
10 g pemento verde
10 g tomate cherry
10 g cebola
5 mL vinagre
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cocer as lentellas e refrescar. Xa en frio mesturar co resto de ingredientes picados excepto o tomate cherry, que se engade cortado á metade ou enteiro. Aliñar ao gusto.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Inconvenientes:
O ferro de orixe vexetal é de máis difícil absorción que o ferro de orixe animal.

Coello ao viño branco con verduras

Plato Segundo prato

Información nutricional:

Kcal: 515,9
Proteínas: 23,0%
Hidratos de carbono: 23,3%
Lípidos: 53,7%

Ingredientes

150 g coello
100 mL caldo carne
60 g cenoria
50 g arroz
50 g salsa tomate
50 mL viño branco
40 g cebola
1 dente (5g) allo
1 cullerada sopeira (10mL) aceite oliva
pementa
tomiño
sal ao gusto

Instruccións

Tempo preparación: De 30 a 40 minutos

Macerar o coello co aceite e tomiño. Salpementar e dourar o coello nunha tixola. Nunha pota pochar as verduras e engadir o coello, mollar con viño branco, reducir e cocer co caldo, acompañar de arroz branco ao forno.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Pastel de verduras ao forno

Plato Primeiro prato

Información nutricional:

Kcal: 346,8
Proteínas: 18,0%
Hidratos de carbono: 11,1%
Lípidos: 70,8%

Ingredientes

80 g ovo
45 mL leite desnatado
45 mL nata
40 g espinacas
25 g cenoria
25 g cabaciño
25 g tomate
20 g cebola
1 cullerada sopeira (10mL) aceite oliva
sal ao gusto

Instruccións

Tempo preparación: De 50 a 1 hora minutos

Cortar as verduras en dados pequenos, refogar nunha pota co aceite, segundo orde de cocción. Ferver as espinacas en abundante auga, escorrer ben e reservar. Realizar a masa mesturando o ovo batido coa nata e o leite, introducir os ingredientes na masa e salar. Preparar o molde onde se desexe fornear (ex:molde de flan) e levar ao forno 110º aprox. 1 hora baño maria.

Vantaxes:
A combinación de espinacas, cabaciño, cenoria, cebola e tomate aporta ao organismo importantes cantidades de vitaminas do grupo B, A e C, e minerales tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte aos radicais libres que provocan o envejecimiento celular.

Garavanzos con vinagreta de tomate

Plato Primeiro prato

Información nutricional:

Kcal: 407
Proteínas: 19,1%
Hidratos de carbono: 43,8%
Lípidos: 37,1%

Ingredientes

75 g garavanzos
80 g tomate
50 g pemento verde
30 g ovo
25 g cebola
5 mL vinagre Xerez
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Cocer os garavanzos en auga con sal. Refrescar e escorrer. Colocalos nun bol, e engadir o tomate cortado en anacos, a cebola e o pemento verde, aliñar con aceite de oliva virxe extra, vinagre de viño de Xerez e un pooco de sal. Remover todo ben e servir ben fresca.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Macarróns refogados con verduras

Plato Primeiro prato

Información nutricional:

Kcal: 172,0
Proteínas: 12,8%
Hidratos de carbono: 61,0%
Lípidos: 26,2%

Ingredientes

80 g macarróns
50 g cebola
50 g cabaza
40 g espárrago verde
30 g champiñóns
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cocer os macarróns en abundante auga con sal, o tempo que indique o fabricante. Escorrer e reservar. Nunha cazola cun pouco de aceite de oliva, rustrir a cebola cortada en tiras e a cabaza cortada en anacos regulares. A continuación agregar os espárragos trigueros troceados e os champiñóns. Cociñar durante aproximadamente 10 minutos, poñer a punto de sal e reservar. Unha vez elaborado o rustrido, mesturar cos macarróns untados cun pouco de aceite de oliva.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar.

Noticias

Archivos