Coello ao viño tinto con puré de pataca

15 Xullo, 2015

Coello ao viño tinto con puré de pataca

Plato

Segundo prato

Información nutricional:

Kcal: 549,1
Proteínas: 24,5%
Hidratos de carbono: 22,1%
Lípidos: 53,4%

Ingredientes

150 g coello
100 g puré pataca
100 mL caldo carne
60 mL viño tinto
40 g cebola
1 dente (5g) allo
1 cullerada (5mL) aceite oliva
pementón doce
pementa
ourego
romero
tomiño
sal ao gusto

Instruccións

Tempo preparación: De 20 a 30 minutos

Para o adubo: Machacar nun mortero, o allo picado, o tomiño, o romeo, o ourego e incorporar o viño. Engadir o adubo ao coello e deixar macerar unhas dúas horas. A continuación, dourar o coello nunha pota, engadir a cebola, refogar ben, cubrir de caldo ata a súa cocción. Acompañar de puré de pataca.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Ensalada da horta

Plato Primeiro prato

Información nutricional:

Kcal: 251,6
Proteínas: 9,7%
Hidratos de carbono: 56,2%
Lípidos: 34,0%

Ingredientes

80 g arroz
60 g cogumelo encurtido (pepinillo)
50 g feixón verde
25 g chícharos
20 g tomate cherry
20 g pemento vermello
20 g pemento verde
20 g cenoria
vinagre
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Ferver o arroz e refrescar. Cortar os feixóns e a cenoria en dados, ferver xunto cos chícharos. Picar o pemento vermello, verde e o cogumelo encurtido (pepinillo). Mesturar todos os ingredientes e aliñar ao gusto.

Vantaxes:
Con este prato beneficiámonos das propiedades do arroz, sendo un alimento positivo para a prevención e mellora de patoloxías como a hipertensión e a hipercolesterolemia, debido ó seu baixo contido en sodio e á súa excelente dixestibilidade ligada a unha acción astrinxente pola carencia de fibra; e das propiedades das verduras (feixóns verdes, chícharos, tomate, cenoria e pementos), que aportan ó organismo substancias cunha elevada acción antioxidante, vitaminas do grupo B, A, E, C, e minerais como potasio, fósforo, calcio ou magnesio.

Estufado de tenreira con cenoria

Plato Segundo prato

Información nutricional:

Kcal: 454,1
Proteínas: 31,8%
Hidratos de carbono: 22,7%
Lípidos: 45,4%

Ingredientes

125 g tenreira tapa
100 g cenorias
100 mL auga
50 mL caldo carne
50 g arroz
50 g cebola
5 g fariña
1 cullerada (5mL) aceite oliva
perexil
pementa
tomiño
sal ao gusto

Instruccións

Tempo preparación: De 20 a 30 minutos

Nunha pota dourar a cebola picada en aceite. Engadir a tenreira cortada en anacos e douralos. Cubrir coa fariña, mollar co caldo de carne. Introducir as cenorias cortadas a dados grandes. Salpementar. Cocer a lume lento durante 1 hora. Acompañar de arroz fervido.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Minestra

Plato Primeiro prato

Información nutricional:

Kcal: 122,2
Proteínas: 16,0%
Hidratos de carbono: 46,2%
Lípidos: 37,8%

Ingredientes

80 g cenorias
60 g alcachofas
60 g tomate
30 g chícharos
20 g feixóns verdes
1 dente (3g) allo
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Cortar as verduras de forma irregular, cocer segundo orde de dureza: cenoria, feixóns e chícharos. Escorrer. Refogar o allo en aceite, refogar as alcachofas engadir o resto dos ingredientes e acabar de refogar. Suxerencia: acompañar de pataca cocida.

Vantaxes:
Grazas á combinación de numerosas verduras este prato aporta substancias cunha elevada acción antioxidante, vitaminas do grupo B, A, E, C, e minerais como potasio, fósforo, calcio ou magnesio.

Refogado de coles con xamón

Plato Primeiro prato

Información nutricional:

Kcal: 269,9
Proteínas: 19,5%
Hidratos de carbono: 20,3%
Lípidos: 60,2%

Ingredientes

150 g coles de Bruselas
40 g xamón serrano
50 g pataca
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 20 a 30 minutos

Cocer as coles de bruselas. No aceite de oliva dourar o xamón, engadir o pementón doce sen que se queime. Mesturar coas coles e acompañar de pataca fervida.

Vantaxes:
As coles son as que máis calorías aportan do seu xénero, debido ó seu maior contido en hidratos de carbono e proteínas (de baixo valor biolóxico). Por outra banda, comparten co resto de verduras o seu elevado contido en auga. Son a maior fonte de vitamina C comparándoas coas verduras da mesma familia. Tamén son unha boa fonte de folatos, e, en menor proporción, de beta-caroteno e vitaminas do grupo B. En canto ós minerais destaca a presenza de potasio, fósforo e iodo, e cantidades discretas de cinc, calcio (de pobre absorción), magnesio e sodio. O seu contido en fibra insoluble é elevado, favorecendo a sensación de saciedad e o tránsito intestinal, de tal xeito que mellora o estrinximento.

Noticias

Archivos