Perca en salsa de allos tenros

15 Xullo, 2015

Perca en salsa de allos tenros

Plato

Segundo prato

Información nutricional:

Kcal: 441,5
Proteínas: 38,5%
Hidratos de carbono: 32,7%
Lípidos: 28,8%

Ingredientes

150 g perca
1 (100g) pataca
125 mL caldo peixe
25 g allos tenros
20 g cebola
6 g fariña
1 cullerada (6mL) aceite oliva
perexil
sal ao gusto

Instruccións

Tempo preparación: De 20 a 30 minutos

Poñer a cocer en auga con loureiro e cebola as patacas cortadas en rebandas grosas. Refogar os allos tenros e a cebola picados no aceite, engadir a fariña removendo sen parar. Mollar co caldo de peixe e deixar cocer desfacendo posibles grumos. Poñer un toque de perexil picado. Marcar o peixe na prancha e colocar sobre as patacas. Cubrir coa salsa.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Pescada ás finas herbas

Plato Segundo prato

Información nutricional:

Kcal: 434,6
Proteínas: 36,6%
Hidratos de carbono: 33,3%
Lípidos: 30,1%

Ingredientes

150 g pescada
1 (100g) pataca
50 mL caldo peixe
50 mL viño branco
40 g cebola
40 g salsa tomate
25 g porro
6 g fariña
1 dente (5g) allo
perexil
ourego
pementa
sal ao gusto

Instruccións

Tempo preparación: De 30 a 40 minutos

Limpar o peixe e cortar en rebandas. Facer a salsa: refogar o allo, a cebola e o porro, mollar con viño, engadir a fariña sen que se torre, mollar co caldo de peixe quente, terminar con salsa de tomate. Introducir o peixe na salsa, cociñar, cubrir coas herbas aromáticas picadas. Acompañar de pataca cocida.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Ensalada de arroz á vinagreta

Plato Primeiro prato

Información nutricional:

Kcal: 279,1
Proteínas: 11,8%
Hidratos de carbono: 33,5%
Lípidos: 54,7%

Ingredientes

60 g arroz
20 g ovo cocido
20 g xamón cocido
20 g millo
20 g chícharos
10 g cebola
10 g pemento verde
15 g pemento vermello
1 cullerada sopeira (10mL) aceite oliva
vinagre
perexil
sal ao gusto

Instruccións

Tempo preparación: De 20 a 30 minutos

Cocer o arroz en auga abundante con sal durante 20 minutos, e deixar enfriar. Cocer os chícharos. Separadamente, cortar en dados o resto dos ingredientes, excepto o millo. Mesturar as verduras e o ovo e engadir a vinagreta. Xuntar co arroz e mesturar. Pódese servir morna ou fría.

Vantaxes:
O arroz é rico en amidón, contén vitaminas do grupo B, fósforo e potasio. É un alimento positivo para a prevención e a mellora dalgunhas patoloxías como a hipertensión e a hipercolesterolemia, debido ó seu baixo contido en sodio. A excelente dixestibilidade do arroz, ligada a unha acción astrinxente (debida a carencia de fibra), fan do arroz un alimento indicado para recuperar a mucosa intestinal tras unha gastroenterite.

Refogado vexetal

Plato Primeiro prato

Información nutricional:

Kcal: 220,7
Proteínas: 16,1%
Hidratos de carbono: 38,9%
Lípidos: 43,0%

Ingredientes

150 g espinacas
80 g pataca
40 g porro
20 g cenoria
caiena
perexil
pementa
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Limpar as espinacas e reservar. Pelar a cenoria e o porro e cortalos en bastóns grosos. Nunha pota cocer as espinacas e escorrer, separadamente nunha paelleira refogar en aceite a cenoria co porro, unha vez listos verter sobre a espinaca, refogar e servir.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese máis facilmente ca o vexetal. Polo tanto, para un bo aporte de ferro é necesario o consumo de alimentos de orixe animal.

Pementos reenchidos de porro con salsa de queixo

Plato Primeiro prato

Información nutricional:

Kcal: 365,9
Proteínas: 22,1%
Hidratos de carbono: 23,2%
Lípidos: 54,7%

Ingredientes

125 g pementos piquillo
60 g queixo Arzúa
40 g porro
40 g cebola
35 mL auga
10 mL caldo verduras
10 g fariña
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Para elaborar o reenchido: picar o porro e refogar no aceite, engadir as patacas cortadas en dados e mollar co caldo. Coa axuda dunha culler reencher os pementos. Para elaborar a salsa: refogar a cebola picada, engadir a fariña sen que se queime, cubrir con auga e rematar co queixo ata fundir.

Vantaxes:
Os hidratos de carbono son o compoñente maioritario dos pementos. Tamén teñen un elevado contido en auga e o seu contido en lípidos é moi escaso, isto fai que o seu valor calórico sexa baixo. É un dos alimentos máis ricos en vitamina C, incluso proporciona o dobre desta vitamina que a laranxa. Pero tamén é rico en carotenos, como o beta-caroteno ou provitamina A. Ademais, como as verduras en xeral, os pementos son ricos en fibra. E en canto ós minerais, contén, principalmente, fósforo, potasio, magnesio e calcio.

Noticias

Archivos