Bertorella en salsa de piperada

15 Xullo, 2015

Bertorella en salsa de piperada

Plato

Segundo prato

Información nutricional:

Kcal: 488,6
Proteínas: 45,0%
Hidratos de carbono: 29,4%
Lípidos: 25,6%

Ingredientes

150 g bertorella
1/2 vaso (100mL) caldo pescado
1 (100g) pataca
30 g cebola
30 g pemento amarelo
30 g pemento vermello
30 g pemento verde
25 g salsa tomate
5 g fariña
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Preparar unha salsa refogando en aceite o allo, cebola e pementos, cortado todo en dados, engadir fariña. A continuación agregar a salsa de tomate e o caldo de peixe quente, cubrir con perexil picado deixando cocer uns minutos. A bertorella márcase na prancha e coloca nunha fonte de forno, cubrir con salsa e introducir ao horno 10 min. aproximadamente a 180ºC. Acompañar dunhas patacas cocidas.

Vantaxes:
A brótola ou bertorella, nome polo que se coñece comercialmente a esta especie, é un peixe branco, aínda que dependendo da época e do seu tamaño tamén se lle pode considerar peixe semigraxo. Os peixes brancos son baixos en graxas; ricos en proteínas de alto valor biolóxico e posúen diferentes vitaminas e minerais. Destacan polo seu contido en vitaminas do grupo B (B1, B2, B3, B9, B12). En relación aos minerais, os peixes brancos posúen potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Filete de fletán con verduras

Plato Segundo prato

Información nutricional:

Kcal: 334,1
Proteínas: 46%
Hidratos de carbono: 29,9%
Lípidos: 24,1%

Ingredientes

150 g filete fletán
1 pequena (80g) pataca
50 g pemento vermello
50 g pemento verde
50 mL viño branco
40 g tomate
30 g cebola
1 cullerada (5mL) aceite oliva
perexil
sal ao gusto

Instruccións

Tempo preparación: De 15 a 20 minutos

Limpar os filetes de fletán e sazonar. Cortar as patacas en láminas finas e dar un toque de fritura, colocalas nunha placa de forno e engadir as verduras cortadas en tiras e o tomate en dados. Mollar con viño, introducir no forno 10 min a 180ºC. Colocar os filetes de fletán e fornear 5min. aproximadamente.

Vantaxes:
O fletán ou halibut é un peixe branco e sen espiñas, adecuado para dietas baixas en calorías polo seu pobre contido en graxas. Este peixe presenta unha cantidade notable de proteínas de boa calidade e vitaminas do grupo B. O fletán contén tamén vitamina E, cunha importante acción antioxidante. A cantidade desta vitamina no halibut é superior á da maior parte dos peixes brancos. En canto aos minerais destacan o potasio, o magnesio, o fósforo e o iodo.

Peituga de pavo asada

Plato Segundo prato

Información nutricional:

Kcal: 330,5
Proteínas: 45,9%
Hidratos de carbono: 28,7%
Lípidos: 25,3%

Ingredientes

150 g peituga pavo
15 g cebola
15 g cenoria
15 g pemento vermello
50 g arroz
50 mL viño branco
5 g maicena
1 cullerada (5mL) aceite oliva
romero
pementa
sal ao gusto

Instruccións

Tempo preparación: De 30 a 40 minutos

Facer a salsa cortando as verduras en dados e refogar no aceite, a continuación engadir o caldo e o romero. Cortar a peituga en filetes grosos, marcar na prancha e introducila na salsa ata finalizar a súa cocción. Acompañar de arroz en branco.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. Ademais presenta menor contido en graxas saturadas e menor valor calórico.

Chícharos con arroz e xamón

Plato Primeiro prato

Información nutricional:

Kcal: 310,5
Proteínas: 13%
Hidratos de carbono: 37,9%
Lípidos: 49%

Ingredientes

90 g chícharos
60 g arroz
40 g cebola
20 g xamón serrano
1 dente (5g) allo
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 20 a 30 minutos

Picar a cebola moi fina e refogala co dente de allo picado nunha cazola con aceite de oliva. Unha vez pochados engadir os taquiños de xamón; refogar e engadir os chícharos. Cubrir os chícharos con auga, salpementar e cocer a lume lento entre 20 e 30 minutos. Mentres, cocer o arroz con sal e auga, escorrer un pouco antes de que estea listo para engadilo aos chcícharos.

Vantaxes:
Os chícharos compóñense fundamentalmente de auga, pero destacan os hidratos de carbono, vitaminas do grupo B e C, minerais (fósforo e magnesio) e fibra , que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.

Perca con tomate

Plato Segundo prato

Información nutricional:

Kcal: 318,3
Proteínas: 28,4%
Hidratos de carbono: 35,3%
Lípidos: 36,3%

Ingredientes

150 g perca
1 (100g) pataca
60 g salsa tomate
30 g pemento verde
30 g cebola
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Salgar os filetes de perca e facer á prancha. Reservar. Facer unha salsa de tomate pochando previamente allo, cebola e o pemento picados en dados e rematar co tomate natural, cocinar 20min. aproximadamente. Colocar a perca nunha fonte de forno, cubrir coa salsa e fornear 5 min a 180ºC. Acompañar de patacas fervidas.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Noticias

Archivos