Froita fresca (cereixa)

15 Xullo, 2015

Froita fresca (cereixa)

Plato

Sobremesa

Información nutricional:

Kcal: 70,5
Proteínas: 4,8%
Hidratos de carbono: 95,2%
Lípidos: 0,0%

Ingredientes

150 g cereixas

Instruccións

Lavar e servir.

Vantaxes:
As cereixas presentan propiedades remineralizantes, son moi depurativas, e destacan polo seu aporte en ferro. Esta froita contén sustancias que axudan a eliminar os niveis de ácido úrico en sangue. É laxante e diurética grazas ao seu contido en fibra, auga e potasio. Aconséllase o seu consumo na pre-menopausia, debido ó seu aporte en ferro, calcio e vitamina C. A súa riqueza en bioflavonoides evita a dexeneración celular.

Coello ao allo

Plato Segundo prato

Información nutricional:

Kcal: 440,0
Proteínas: 19,5%
Hidratos de carbono: 25,2%
Lípidos: 55,3%

Ingredientes

150 g coello
125 mL caldo carne
50 g arroz
50 mL viño branco
5 g fariña
2 dentes (10g) allo
1 cullerada sopeira (10mL) aceite oliva
pementa
caiena
perexil
sal ao gusto

Instruccións

Tempo preparación: De 30 a 40 minutos

Trocear o coello. Salpementar. Fritir ata dourar. Separadamente nunha pota rustrir en aceite o allo fileteado e a caiena. Engadir o coello, cubrir con fariña mesturando ben e mollar con viño branco. Deixar reducir. Poñer o caldo de carne e perexil picado deixando cocer un bo intre. Acompañar de arroz branco ao forno.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Salmón ao forno con salsa

Plato Segundo prato

Información nutricional:

Kcal: 487,9
Proteínas: 36,2%
Hidratos de carbono: 22,1%
Lípidos: 41,7%

Ingredientes

150 g salmón
1/2 vaso (100mL) caldo pescado
1 (100g) pataca
50 mL viño branco
30 g cebola
10 g pemento vermello
10 g pemento verde
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 20 a 30 minutos

Limpar o peixe e cortar en supremas. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño, e introducir en horno 15 minutos a 175ºC. Marcar o salmón á prancha, colocalo enriba das patacas, rociar co aceite de oliva, deixar 10 minutos máis engadindo caldo de peixe coloreado. Retirar do forno. Decorar con perexil.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Escalopíns de tenreira con verduras

Plato Segundo prato

Información nutricional:

Kcal: 374,5
Proteínas: 19,5%
Hidratos de carbono: 9,3%
Lípidos: 71,3%

Ingredientes

120 g tenreira tapa
50 mL viño branco
40 g espárrago verde
40 g champiñóns laminados
35 g cebola
20 g pemento verde
15 g tomate cherry
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Facer os escalopíns á prancha cunha pizca de sal. Picar as verduras en tiras, lavar os espárragos e retirar a parte dura. Nunha tixola con aceite, refogar a cebola e o pemento durante uns minutos, incorporar o champiñón e os espárragos, refogar e a continuación agregar o viño branco, deixar cocer durante 8-10 minutos.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Arroz con setas

Plato Primeiro prato

Información nutricional:

Kcal: 178,9
Proteínas: 9,2%
Hidratos de carbono: 63,4%
Lípidos: 27,4%

Ingredientes

80 g arroz
50 g setas
50 g salsa tomate
25 g chícharos
25 g cenoria
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Nunha placa de forno refogar a cenoria e as setas. Engadir o arroz, a salsa de tomate e mollar co dobre de líquido, cando empece a ferver engadimos os chícharos e introducimos no forno 15 min aproximadamente, a 180ºC.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Noticias

Archivos