Espaguetis con setas

15 Xullo, 2015

Espaguetis con setas

Plato

Primeiro prato

Información nutricional:

Kcal: 258,5
Proteínas: 9,1%
Hidratos de carbono: 11,3%
Lípidos: 79,6%

Ingredientes

75 g espaguetti
50 g setas
50 g nata
10 g queixo relado
1 cullerada (5mL) aceite oliva
sal ao gusto
pementa branca

Instruccións

Tempo preparación: De 20 a 30 minutos

Cocer a pasta en auga fervendo con sal o tempo que indique o fabricante. Escorrer e refrescar. Nunha cazola quentar aceite e engadir as setas moi picadas. Deixar cociñar uns minutos e engadir a nata deixando cocer 5 min. máis. Mesturar a pasta coa salsa e salpementar. Cubrir con queixo.

Vantaxes:
As principais características da pasta son ó seu gran aporte en hidratos de carbono de absorción lenta (amidón) e en proteínas (glute), e ó seu baixo contido en graxas.
As setas conteñen un 90% de auga, hidratos de carbono e fibra, polo que se recomenda en dietas de adelgazamento. Son ricas en vitaminas do grupo B, potasio, fósforo, iodo, calcio, e outras substancias beneficiosas para o organismo.

Froita fresca (laranxa)

Plato Sobremesa

Información nutricional:

Kcal: 56
Proteínas: 8,6%
Hidratos de carbono: 91,4%
Lípidos: 0%

Ingredientes

1 (160g) laranxa

Instruccións

Pelar e servir.

Vantaxes:
A laranxa é unha importante fonte de vitamina C, flavonoides e beta-caroteno. Outros compoñentes que lle reportan numerosos beneficios son ácido fólico e fibra soluble, un elevado contido en auga, potasio, ácido cítrico e ácido oxálico. Entre estes beneficios cabe destacar a función antioxidante, inhibición da oxidación do LDL-c colesterol “malo”), polo que se fai moi interesante de cara á prevención de enfermidades. Ten un efecto diurético e favorece a eliminación do ácido úrico e das súas sales.

Inconvenientes:
O ácido oxálico que conteñen as laranxas pode formar sales co calcio e formar oxalato cálcico, polo que o seu consumo pode agravar casos de cálculos renais.

Robaliza á sidra

Plato Segundo prato

Información nutricional:

Kcal: 360,4
Proteínas: 43,8%
Hidratos de carbono: 33,6%
Lípidos: 22,6%

Ingredientes

150 g robaliza
1 (100g) pataca
60 mL caldo peixe
60 mL sidra
6 g fariña
1 cullerada (6mL) aceite oliva
perexil

Instruccións

Tempo preparación: De 20 a 30 minutos

Limpar e filetear a robaliza. Sazonar con sal e marcar lixeiramente á prancha. Facer a salsa de sidra: refogar a fariña en aceite sen que se queime e engadir o caldo de peixe quente e a sidra fervida (para que marche o alcol). Salgar. Debe quedar coma unha bechamel lixeira. Cocer a pataca en rebandas á parte. Colocar a robaliza enriba da pataca e cubrir coa salsa. Cubrir con perexil.

Vantaxes:
A robaliza é un peixe branco, cun aporte de lípidos moi baixo. Isto ligado ó subministro de proteínas de alto valor biolóxico, fai deste peixe un dos alimentos con maior valor nutritivo. Destaca o seu contido en vitaminas do grupo B, capaces de regular o aproveitamento dos nutrientes enerxéticos. Aporta minerais como potasio, fósforo, ferro, sodio e magnesio, substancias que interveñen na regulación do sistema nervioso, a actividade muscular, o equilibrio de auga na célula, formación de ósos e dentes, procesos de obtención de enerxía e sistema dixestivo.

Ensalada escalibada con alcachofas

Plato Primeiro prato

Información nutricional:

Kcal: 258,5
Proteínas: 9,1%
Hidratos de carbono: 11,3%
Lípidos: 79,6%

Ingredientes

50 g tomate
50 g berenxena
50 g cabaciño
50 g alcachofas lata
40 g pemento vermello
40 g pemento verde
30 g cebola
10 g olivas negras
1 dente (5g) allo
1 cullerada sopeira (10mL) aceite oliva
5 mL vinagre módena
sal ao gusto

Instruccións

Tempo preparación: De 20 a 30 minutos

Asar no forno os pementos, tomate, berenxena, cabaciño, cebola e allo. Retirar por orde de cociñado e pelar o que proceda. Cortar en tiras e mesturar coas alcachofas e olivas negras condimentando con aceite, vinagre e sal. Servir a temperatura ambiente ou morna.

Vantaxes:
O potasio e a fibra son dous dos nutrientes máis abundantes desta hortaliza. Tamén destaca polo seu alto contido en magnesio, fósforo e calcio. Na súa composición atopamos a cinarina, que ten efecto colerético, é dicir, que estimula a función do fígado e facilita a dixestión de graxas. Posúe, tamén, esterois, que teñen capacidade para limitar a absorción do colesterol no intestino. Ademais, a combinación de pemento verde e vermello, tomate, cebola, berenxena, cabaciño e allo aporta ó organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Arroz negro de sepia e gambas

Plato Segundo prato

Información nutricional:

Kcal: 345,3
Proteínas: 63%
Hidratos de carbono: 25,6%
Lípidos: 11,5%

Ingredientes

60 g arroz
100 g sepia
30 g gambas
1 vaso (250 mL) caldo peixe
20 g cebola
1 dente (5g) allo
sal ao gusto
2 g tinta lura

Instruccións

Tempo preparación: De 20 a 30 minutos

Rustrir no aceite a sepia en dados e engadir allo, cebola e gambas crúas. Engadir o arroz e a tinta de lura. Mollar co caldo quente en volume dobre que de arroz. Dar o punto de sal e meter no forno 18 min. a 180ºC.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de vitaminas do grupo B, así como fósforo e potasio. O arroz é un alimento positivo para a prevención e melloría dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite. A sepia é un marisco cun baixo aporte calórico, facilmente dixerible, cun alto contido en proteínas e baixo en graxas. É rica en vitaminas do grupo B, fósforo, potasio e magnesio.

Inconvenientes:
No proceso de refinamento e pulido do arroz, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético.

Noticias

Archivos