Crema de espárragos verdes con berberechos

15 Xullo, 2015

Crema de espárragos verdes con berberechos

Plato

Primeiro prato

Información nutricional:

Kcal: 183,3
Proteínas: 30,6%
Hidratos de carbono: 40,2%
Lípidos: 29,2%

Ingredientes

100 g espárrago verde
1/2 vaso (150 mL) auga
100 mL leite desnatado
50 g berberecho con cuncha
50 g porro
40 g pataca
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Refogar en aceite o porro e engadir os espárragos pelados da metade cara abaixo. Engadir a pataca en láminas e seguir refogando sen que tome cor. Incorporar o leite e auga (pódese usar auga dos berberechos) e deixar cocer 15 min. Triturar e pasar por chinés. Engadir os berberechos abertos, poñer a punto de sal.

Vantaxes:
Os espárragos presentan un baixo aporte calórico, debido ao seu gran contido en auga. Son ricos en minerais e vitamina C. Conteñen unha substancia chamada ácido asparxínico capaz de estimular a produción de orina, propiedade recomendable en persoas con trastornos renais ou de vexiga. Os espárragos actúan estimulando as funcións intestinais debido ao seu elevado contido en celulosa, esta propiedade é beneficiosa para aquelas persoas que padecen de estrinximento.

Inconvenientes:
O consumo de espárragos non é aconsellable en persoas con niveis elevados de ácido úrico en sangue ou gota, debido ao seu contido en purinas, que o propio organismo transforma en ácido úrico.

Filetes de pescada en salsa de mexillóns

Plato Segundo prato

Información nutricional:

Kcal: 382,6
Proteínas: 43,3%
Hidratos de carbono: 33,4%
Lípidos: 23,3%

Ingredientes

150 g filete pescada
1/2 vaso (125 mL) caldo peixe
1 (100g) pataca
50 g mexillóns
25 g salsa tomate
20 g pemento vermello
20 g pemento verde
20 g cebola
1 dente (5g) allo
6 g fariña
1 cullerada (6mL) aceite oliva
perexil
sal ao gusto

Instruccións

Tempo preparación: De 30 a 40 minutos

Limpar, escamar e quitar a pel aos filetes. Cortar en anacos de 75gr. As patacas pequenas cócense separadamente. A salsa prepárase refogando en aceite: allo, cebola moi picada, pemento vermello e verde picados. Engadir a fariña e a continuación o caldo de peixe. Deixar cocer uns minutos e engadir os mexillóns e o perexil picado. Poñer o peixe nunha placa de forno untada con aceite e cubrir coa salsa. Meter ao forno 10min a 180ºC. Servir acompañando de pataca cocida.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12), pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Fetuccine primavera

Plato Primeiro prato

Información nutricional:

Kcal: 221,8
Proteínas: 10,5%
Hidratos de carbono: 53,3%
Lípidos: 36,2%

Ingredientes

70 g pasta fetuccine
75 g salsa tomate
40 g cabaciño
40 g cenoria
25 g champiñóns laminados
20 g pemento vermello
20 g cebola
1 cullerada sopeira (10mL) aceite oliva
pementa branca
sal ao gusto

Instruccións

Tempo preparación: De 20 a 30 minutos

Cocer a pasta ao dente segundo o tempo que nos indique o fabricante, escorrer e refrescar en auga fría. Cortar as hortalizas en dados e refogar. Engadir a salsa de tomate e a continuación a pasta, poñer sal e pementa ao gusto. Servir ben quente.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. A combinación de pemento vermello, cenoria, cebola e cabaciño aporta ó organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Ensalada de feixóns verdes con vinagreta

Plato Primeiro prato

Información nutricional:

Kcal: 217,6
Proteínas: 17,6%
Hidratos de carbono: 44,3%
Lípidos: 38,1%

Ingredientes

100 g feixóns verdes
75 g pataca
30 g ovo
10 g pemento vermello
10 g cebola
10 g anchoa
1 cullerada sopeira (10mL) aceite oliva
vinagre módena
sal ao gusto

Instruccións

Tempo preparación: De 40 a 50 minutos

Cocer as patacas e os feixóns verdes por separado e escorrer. Deixar arrefriar e mesturar. Facer unha vinagreta con aceite, vinagre e anchoas non moi troceadas. Engadirlle tamén o pemento vermello e a cebola picados. Cocer o ovo e pelar, cortar en metades. Colocar os ingredientes no prato e salsear coa vinagreta. Como suxestión pódense engadir uns tomates troceados que por custiones de conservación non podemos incorporar nós.

Vantaxes:
Os feixóns caracterízanse polo seu baixo aporte calórico, fundamentalmente polo seu escaso contido en graxas e á súa riqueza en fibra; son pobres en sodio e conteñen vitaminas como a vitamina A e B6 (piridoxina).

Lentellas con tomate e cebola

Plato Primeiro prato

Información nutricional:

Kcal: 273,2
Proteínas: 17,3%
Hidratos de carbono: 42,6%
Lípidos: 40,1%

Ingredientes

40 g lentellas
100 mL auga
50 g tomate
20 g cebola
15 g cenoria
10 g touciño
5 g fariña
1 dente (5g) allo
1 cullerada (5mL) aceite oliva
comiños
pementón doce
sal ao gusto

Instruccións

Tempo preparación: De 40 a 50 minutos

Introducir en auga fría as lentellas, a cenoria, o touciño desalgado e a metade da cebola (cortado en dados). Poñer a cocer lentamente. Facer un rustrido con allo, cebola, fariña, pementón e tomate. Engadirllo ás lentellas e deixar cocer ata que estean cocidas. Poñer a punto de sal e cominos.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Inconvenientes:
O ferro de orixe vexetal é de máis difícil absorción que o ferro de orixe animal.

Noticias

Archivos