Coliflor ao alloarriero

15 Xullo, 2015

Coliflor ao alloarriero

Plato

Primeiro prato

Información nutricional:

Kcal: 200,6
Proteínas: 44,1%
Hidratos de carbono: 8,6%
Lípidos: 47,4%

Ingredientes

150 g coliflor
50 g bacallau
50 g ovo cocido
1 dente (5g) allo
1 cullerada sopeira (10mL) aceite oliva
pementón doce
caiena
perexil
sal ao gusto

Instruccións

Tempo preparación: De 30 a 40 minutos

Cocer a coliflor en auga fervendo e cando estea ao dente reservar. Nunha cazola á parte refogar o allo e a caiena en aceite, engadir o pementón e as migas desalgadas. Mesturar coa coliflor e servir. Acompañar de ovo cocido.

Vantaxes:
Aporta moi pouco valor calórico, polo que é adecuado en dietas de adelgazamento. A coliflor é unha boa fonte de fibra e vitaminas, entre as que destacan os grupos B ou C. Estas particularidades convértena nun bo alimento para incluílo na dieta de mulleres embarazadas xa que favorece o crecemento e desenvolvemento do feto. Tamén aporta boas cantidades de minerais como potasio, magnesio ou fósforo. As súas propiedades diuréticas eliminan o exceso de líquidos polo que proporcionan beneficios para a hipertensión e redución do ácido úrico. As altas porcentaxes de elementos fitoquímicos (glucosinolatos, isotiocianatos, indoles e fibra) favorecen a prevención de enfermidades dexenerativas coma o cancro.

Polo asado á cervexa

Plato Segundo prato

Información nutricional:

Kcal: 467,5
Proteínas: 31,1%
Hidratos de carbono: 28,2%
Lípidos: 40,7%

Ingredientes

150 g polo
150 g cervexa
1 (100g) pataca
50 g champiñóns enteiros
25 g cenoria
20 g cebola
2 dentes (10g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Trocear o polo e poñer nunha placa de forno. Acompañar da cebola e cenoria, e regar con aceite. Asar a 180ºC aproximadamente 1h. Acompañar duns champiñóns enteiros e de pataca fritida en dados.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Tallaríns con gulas e verduras

Plato Primeiro prato

Información nutricional:

Kcal: 262,3
Proteínas: 18,6%
Hidratos de carbono: 29,2%
Lípidos: 52,2%

Ingredientes

70 g tallaríns
50 g gulas
20 g cabaciño
20 g pemento vermello
10 g queixo relado
1 cullerada sopeira (10mL) aceite oliva
pementa branca
sal ao gusto

Instruccións

Tempo preparación: De 20 a 30 minutos

Cocer a pasta en auga fervendo con sal o tempo que nos indique o fabricante. Escorrer e refrescar. Cortar as verduras en tiras e refogar no aceite. Engadir a pasta e as gulas, e salpementar. Cubrir con queixo relado.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar.

Pescada en salsa americana

Plato Segundo prato

Información nutricional:

Kcal: 396,6
Proteínas: 53,4%
Hidratos de carbono:24,5%
Lípidos: 22,1%

Ingredientes

150 g lombo pescada
1/2 vaso (150mL) caldo pescado
50 g arroz
50 g cabeza lagostino
30 g cebola
25 g salsa tomate
20 g cenoria
20 g porro
1 dente (5g) allo
1 cullerada (10mL) brandy
1 cullerada (5mL) aceite oliva
perexil
colorante alimentario
sal ao gusto

Instruccións

Tempo preparación: De 30 a 40 minutos

Preparar unha salsa americana: Refogar en aceite o allo, cebola, porro e cenoria picados, engadir as cabezas de lagostino e flambear con brandy, engadir a salsa de tomate e o caldo de peixe. Engadir un puñado de arroz e deixar cocer 25 min. Triturar e pasar por chinés. O lombo de pescada márcase na prancha e colocar nunha fonte de forno, cubrir con salsa e fornear 10 min. a 180ºC. Acompañar dun arroz ao forno.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante comparado coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias comparado coas contidas na maior parte dos peixes.

Ossobuco en salsa con arroz

Plato Segundo prato

Información nutricional:

Kcal: 586,2
Proteínas: 23,3%
Hidratos de carbono: 23,1%
Lípidos: 53,6%

Ingredientes

150 g ossobuco tenreira
1 vaso (250 mL) caldo carne
60 mL viño tinto
50 g arroz
40 g salsa tomate
30 g cenoria
25 g cebola
20 g pemento vermello
1 dente (5g) allo
6 g fariña
1 cullerada sopeira (10mL) aceite oliva
perexil
loureiro
pementa
sal ao gusto

Instruccións

Tempo preparación: De 30 a 40 minutos

Salpementar a carne e pasar por fariña. Dourala nunha tixola. Nunha pota, refogar as verduras e engadir a carne dourada. Agregar viño tinto deixando reducir uns instantes, engadir a salsa de tomate e cubrir co caldo. Deixar cocer 1h e media aproximadamente. Sacar a carne e reservar. Triturar a salsa, e espesar se fose necesario. Acompañar de arroz branco.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Noticias

Archivos