Arroz á oriental

15 Xullo, 2015

Arroz á oriental

Plato

Primeiro prato

Información nutricional:

Kcal: 251,5
Proteínas: 28,0%
Hidratos de carbono: 47,4%
Lípidos: 24,6%

Ingredientes

75 g arroz
50 g chícharos
50 g gambas
50 mL caldo verduras
40 g champiñóns laminados
40 g brótelos soia
3 g salsa soia
1 cullerada (5mL) aceite oliva

Instruccións

Tempo preparación: De 30 a 40 minutos

Nunha paelleira ou similar refogar os champiñóns en aceite, engadir o arroz e brótelos de soia. Mollar con caldo quente. Engadir os chícharos e as gambas. Meter ao forno 18 min.a 180ºC. Unha vez fora do lume engadir a salsa de soia na súa xusta medida (ten moita sal) e mesturar.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Perca panadeira

Plato Segundo prato

Información nutricional:

Kcal: 287,2
Proteínas: 46,5%
Hidratos de carbono: 24,4%
Lípidos: 29,0%

Ingredientes

150 g perca
50 mL viño branco
50 mL caldo peixe
50 g pataca
30 g cebola
15 g pemento vermello
15 g pemento verde
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 30 a 40 minutos

Limpar o peixe e filetealo ou ben en tranchas con espiña. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas, mellor refogadas. Engadir o viño e o caldo coloreado, introducir en forno 15 minutos a 175ºC. Colocar o peixe, con sal, enriba das patacas e deixar 10 minutos máis. Retirar do forno. Decorar con perexil.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.

Pasta con gambas ao allo

Plato Primeiro prato

Información nutricional:

Kcal: 289,2
Proteínas: 31,0%
Hidratos de carbono: 27,7%
Lípidos: 41,3%

Ingredientes

70 g pasta tiburón
75 g gambas
5 g queixo relado
1 dente (5g) allo
1 cullerada sopeira (10mL) aceite oliva
caiena
sal ao gusto

Instruccións

Tempo preparación: De 20 a 30 minutos

Cocer a pasta en auga fervendo con sal durante o tempo que nos indique o fabricante. Escorrer e refrescar. En aceite de oliva refogar o allo e a caiena. Engadir as gambas e refogar lixeiramente. Agregar a pasta e refogar o conxunto. Cubrir de perexil e queixo relado.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar.

Fabas estufadas con berberechos

Plato Primeiro prato

Información nutricional:

Kcal: 422,9
Proteínas: 36,0%
Hidratos de carbono: 47,1%
Lípidos: 16,9%

Ingredientes

75 g fabas
1 vaso (250 mL) caldo peixe
50 g berberechos
20 g cenoria
20 g cebola
15 g porro
1 dente (4g) allo
1 cullerada sopeira (10mL) aceite oliva
pementón doce
colorante alimentario
sal ao gusto

Instruccións

Tempo preparación: De 40 a 50 minutos

Remollar as fabas, polo menos 12h en auga fría con sal. A continuación, poñer a cocer as fabas no caldo de peixe coloreado co porro e cenoria enteiros, lentamente e asustando dous ou tres veces para favorecer a cocción das mesmas. Retirar unha vez tenras. Noutra cazola refogar en aceite, o allo e a cebola picados, poñer pementón, engadir as fabas sen cenoria nin porro e os berberechos. Deixar cocer uns minutos todo xunto engadindo o caldo de coción das fabas ou do berberecho se fixese falta.

Vantaxes:
As fabas son alimentos ricos en fibra, folatos, potasio e ferro, pero os seus compoñentes principais son os hidratos de carbono. Aportan unha cantidade importante de proteína vexetal, de peor calidade cá de orixe animal, xa que non presentan todos os aminoácidos esenciais. Axudan a previr o estrinximento, diminuír o colesterol en sangue e manter os niveis de glucosa en sangue grazas ó seu elevado contido en fibra soluble.

Salmón en salsa de chícharos

Plato Segundo prato

Información nutricional:

Kcal: 508,6
Proteínas: 34,5%
Hidratos de carbono: 27,5%
Lípidos: 38,0%

Ingredientes

150 g salmón
1 (100g) pataca
1/2 vaso (100 mL) caldo peixe
50 g chícharos
30 g cebola
30 g porro
25 g mexillón
5 g fariña
1 dente (5g) allo
sal ao gusto

Instruccións

Tempo preparación: De 30 a 40 minutos

Preparar a salsa: refogar en aceite allo, cebola e porro picados sen que tomen cor. Engadir un pouco de fariña, cando coza un pouco cubrir co caldo de peixe e engadir os chícharos. Triturar e pasar por chinés. Introducir o salmón en supremas nunha cazola de barro e cubrir coa salsa, non debe estar demasiado espesa, poñer os mexillóns e meter no forno 10minutos a 180ºC. Acompañar dunhas patacas redondas cocidas.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Noticias

Archivos