Noticias

Noticias y actualidad del Grupo Cuevas

Archivos

Crema de acelgas

15 Xullo, 2015

Crema de acelgas

Crema de acelgas

Información nutricional:

Kcal: 205,6
Proteínas: 16,4%
Hidratos de carbono: 38,9%
Lípidos: 44,8%

Ingredientes

  • 100 g acelgas
  • 1/2 vaso (120mL) leite desnatado
  • 1/2 vaso (120 mL) auga
  • 50 g porro
  • 20 g pataca
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 40 a 50 minutos

Refogar no aceite de oliva o branco de porro e a pataca todo cortado en dados. Engadir o auga e o leite. Cando comece a ferver engadir as acelgas. Deixar cocer lentamente 15 minutos. Triturar e pasar por chinés. Dar o punto de sal.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Solombo de porco con compota de cebola

Solombo de porco con compota de cebola

Solombo de porco con compota de cebola

Información nutricional:

Kcal: 605,2
Proteínas: 23,3%
Hidratos de carbono: 27,8%
Lípidos: 48,9%

Ingredientes

  • 150 g solombo porco
  • 100 g cebola
  • 50 g mazá
  • 50 g arroz
  • 20 g uvas pasas
  • 5 g azucre
  • 1 cullerada sopeira (10mL) aceite oliva
  • pementa branca
  • sal ao gusto

Instruccións

Tempo preparación: De 20 a 30 minutos

Limpar o solombo e cortar os medallóns. Facer a compota refogando lentamente a cebola en aceite. Cando estea pochada engadir un pouco de azucre e auga triturando por robot. Asar a mazá en cuartos ao forno sen corazon. Facer un arroz branco ao forno coas pasas mesturadas. Marcar a carne na prancha e colocar sobre a compota. Acompañar do arroz branco con pasas e a mazá asada.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Caldeirada de xarda

Caldeirada de xarda

Caldeirada de xarda

Información nutricional:

Kcal: 552,7
Proteínas: 20,7%
Hidratos de carbono: 30,8%
Lípidos: 48,6%

Ingredientes

  • 150 g xarda
  • 150 g pataca
  • 40 g chícharos
  • 40 g pemento vermello
  • 40 g cebola
  • 2 dentes (10g) allo
  • 3 culleradas (15mL) aceite oliva
  • loureiro
  • sal ao gusto

Instruccións

Tempo preparación: De 30 a 40 minutos

Limpar e cortar o peixe en medios filetes dependendo do tamaño. Nunha cazola refogar en aceite os pementos e cebola. Engadir as patacas en rebandas e cubrir con auga. Aos 10min poñer os chícharos e o peixe deixando cocer 5 min máis. Escorrer o auga sobrante e servir cun pouco de salsa de allo por enriba.

Vantaxes:
A xarda é un peixe azul, e como tal é fonte moi importante de ácidos graxos omega-3. Estes ácidos axudan a controlar a presión arterial, melloran a función cardíaca e reducen o impacto doutros factores de risco cardiovascular. Este peixe contén proteínas de gran valor biolóxico, vitaminas do grupo B (pero en menor proporción que noutros alimentos), e debido ó seu contido en graxa, presenta excelentes niveis de vitaminas liposolubles (A, D, E). En canto ós minerais destacan o potasio, fósforo, iodo, magnesio, ademais do ferro (aínda que en menor medida que nas carnes).

Inconvenientes:
O inconveniente da xarda é o seu contido en purinas, que o organismo transforma en ácido úrico, polo que se desaconsella en caso de hiperuricemia ou gota.

Fideuá vexetal

Fideuá vexetal

Fideuá vexetal

Información nutricional:

Kcal: 382,1
Proteínas: 27,0%
Hidratos de carbono: 29,2%
Lípidos: 43,8%

Ingredientes

  • 70 g fideo groso perla
  • 1 vaso (200mL) caldo polo
  • 5 salsa tomate
  • 20 g champiñóns laminados
  • 20 g berenxena
  • 20 g pemento vermello
  • 20 g cenoria
  • 20 g cabaciño
  • 15 g chícharos
  • 1 dente (5g) allo
  • 1 cullerada sopeira (10mL) aceite oliva
  • colorante alimentario
  • sal ao gusto

Instruccións

Tempo preparación: De 30 a 40 minutos

Cortar as hortalizas en dados (pemento, cenoria, cabaciño e berenxena) e refogar en aceite co allo picado. Poñer a salsa de tomate e cubrir con caldo coloreado. Engadir a pasta, e a metade de cocción os champiñóns e chícharos crus. Terminar no forno ata que resulte seca.

Vantaxes:
Neste prato combínase o valor calórico e nutricional da pasta cos beneficios das verduras. Destacan as propiedades antioxidantes, o aporte vitamínico, fundamentalmente, vitaminas do grupo B, A e C; e minerais como potasio, magnesio e fósforo.

Repolo con garavanzos e bacon

Repolo con garavanzos e bacon

Repolo con garavanzos e bacon

Información nutricional:

Kcal: 334,7
Proteínas: 12,0%
Hidratos de carbono: 33,8%
Lípidos: 54,3%

Ingredientes

  • 50 g repolo
  • 50 g pataca
  • 30 g garavanzos
  • 20 g bacon
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 30 a 40 minutos

Poñer a quentar nunha pota auga abundante con sal e cando comece a ferver introducir os garavanzos (previamente remollados 12 horas en auga templada con sal). Ao cabo de media hora, engadir o repolo limpo cortado en dados e a pataca. Cando todo estea cocido, escorrer o auga. Facer un rustrido co bacon no aceite podendo engadir un pouco pementón. Mesturar o rustrido cos garavanzos e servir.

Vantaxes:
O repolo destaca pola elevada presenza de auga na súa composición. Este alimento aporta ó organismo potasio, magnesio, calcio e vitaminas. Contén boas cantidades de fibra e hidratos de carbono, fundamentais para a recuperación de enerxía e resistencia físicas. Ademais, o repolo presenta betacaroteno ou provitamina A, vitamina C, E, niacina e folatos. A transformación do betacaroteno en vitamina A axuda á visión, ó bo estado das mucosas, cabelo, pel, ósos e ó bo funcionamento do sistema inmunolóxico.