Pasta con bacallau ao “alloarriero” e espinacas

15 Xullo, 2015

Pasta con bacallau ao "alloarriero" e espinacas

Plato

Segundo prato

Información nutricional:

Kcal: 331,6
Proteínas: 31,7%
Hidratos de carbono: 29,5%
Lípidos: 38,8%

Ingredientes

60 g pasta tiburón
75 g bacallau
75 g salsa tomate
50 g espinacas
25 g pemento vermello
25 g cebola
1 cullerada sopeira (10mL) aceite oliva
sal ao gusto
pementa branca
caiena
perexil

Instruccións

Tempo preparación: De 20 a 30 minutos

Cocer a pasta en auga fervendo con sal o tempo que indique o fabricante. Escorrer e refrescar. Refogar no aceite a cebola e o pemento vermello cortados finos, coa caiena. Engadir o bacallau esmigallado e a continuación engadir a salsa de tomate. Cocer as espinacas á parte, escorrer e engadir ó bacallau. Mesturar coa pasta e poñer a punto de sal e pementa. Cubrir con perexil.

Vantaxes:
Neste prato hai que ter en conta o aporte calórico da pasta e o poder antioxidante debido a substancias presentes no tomate, pemento e cebola.
O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais.
O bacallau salgado contén importantes cantidades de sodio, pero cando se pón a remollo, esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.

Ensalada de pasta

Plato Primeiro prato

Información nutricional:

Kcal: 333,9
Proteínas: 13,3%
Hidratos de carbono: 28,0%
Lípidos: 58,7%

Ingredientes

75 g pasta (farfalle tricolore)
30 g pauciños de cangrexo
20 g maionesa
20 g xamón cocido
20 g chícharos
10 g ketchup
perexil
sal ao gusto

Instruccións

Tempo preparación: De 15 a 20 minutos

Cocer a pasta en auga fervendo con sal o tempo que indique o fabricante. Escorrer e refrescar. Á parte, preparar unha salsa rosa con maionesa e ketchup. Mesturar a pasta coa salsa e engadir uns chícharos cocidos á parte e uns pauciños de cangrexo cortados en dados.

Vantaxes:
As principais características da pasta son o seu gran aporte en hidratos de carbono de absorción lenta (amidón) e en proteínas (glute), e o seu baixo contido en graxas. E ten a vantaxe de que é moi fácil de cociñar. Ademais hai que engadir as propiedades dos pauciños de cangrexo (surimi) que son un concentrado de proteínas insolubles e posúen baixa cantidade de lípidos.

Inconvenientes:
Debe controlarse o consumo de maionesa, debido ó seu alto contido en graxas.

Salmón en “papillote”

Salmón en "papillote"

Plato Segundo prato

Información nutricional:

Kcal: 218,3
Proteínas: 33,8%
Hidratos de carbono: 12,2%
Lípidos: 54,0%

Ingredientes

120 g salmón fresco
50 g feixóns verdes
50 g cenorias
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Limpar os feixóns verdes e pelar as cenorias. Cortar en bastóns e cocer por separado. Nun papel de forno colocar os feixóns e as cenorias e por riba deles o salmón con sal e aceite. Pechar o papel de forno coma un sobre, para que non se abra. Meter no forno 10 min. a 180ºC. Abrir o sobre no momento de ser consumido.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Lentellas ao pobre

Plato Primeiro prato

Información nutricional:

Kcal: 229,6
Proteínas: 28,7%
Hidratos de carbono: 68,4%
Lípidos: 2,9%

Ingredientes

1 vaso (250 mL) auga
70 g lentellas
30 g cebola
30 g cenoria
loureiro
perexil
sal ao gusto

Instruccións

Tempo preparación: De 30 a 40 minutos

Cortar as verduras en dados. Poñer a cocer todos os ingredientes xuntos nunha cazola. Cocer ata que a lentella estea tenra. Dar o toque de sal e deixar repousar.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Inconvenientes:
O ferro de orixe vexetal é de máis difícil absorción que o ferro de orixe animal.

Espetada de lombo de porco

Plato Segundo prato

Información nutricional:

Kcal: 472,5
Proteínas: 17,1%
Hidratos de carbono: 20,8%
Lípidos: 62,1%

Ingredientes

100 g lombo porco
1 (100g) pataca
60 g viño branco
25 g champiñóns enteiros
10 g pemento vermello
10 g pemento verde
1 cullerada (5mL) aceite oliva
pementa branca
sal ao gusto

Instruccións

Tempo preparación: De 20 a 30 minutos

Cortar o lombo en dados e insertar nunha espetada intercalando dados de pementos e champiñóns. Quentar no forno introducindo a espetada salpementada nunha placa. Regar co viño branco e retirar cando estea tenra. Acompañar de puré de pataca.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que a carne de vaca ou de cordeiro, sendo o seu consumo pouco adecuado para nenos e persoas maiores. Tampouco é aconsellable para os hipertensos e para aqueles que padecen de exceso de colesterol. Polo seu elevado índice de graxa aconséllase un consumo prudente e medido xa que o abuso de proteínas de orixe animal e de graxas saturadas ten repercusións nocivas na saúde.

Noticias

Archivos