Noticias

Noticias y actualidad del Grupo Cuevas

Archivos

Guiso de raia

15 Xullo, 2015

Guiso de raia

Guiso de raia

Información nutricional:

Kcal: 328,8
Proteínas: 35,4%
Hidratos de carbono: 33,3%
Lípidos: 31,3%

Ingredientes

  • 150 g raia
  • 1 (100g) pataca
  • 20 g cebola
  • 20 g chícharos
  • 20 g pemento vermello
  • 20 g pemento verde
  • 1 dente (5g) allo
  • 1 cullerada sopeira (10mL) aceite oliva
  • pementón doce
  • loureiro
  • sal ao gusto

Instruccións

Tempo preparación: De 30 a 40 minutos

Limpar e cortar a raia. Refogar a cebola e pementos en aceite. Engadir a pataca e cubrir con auga. Engadir a raia e os chícharos. Cando todo estea cocido escorrer o auga e engadir unha allada con aceite, allo e pementón. Servir a raia enriba das patacas acompañado por chícharos cocidos a parte e a salsa allada por enriba.

Vantaxes:
A raia é un peixe branco e, polo tanto, cun baixo contido lipídico. O seu aporte proteico tamén é reducido, pero de alto valor biolóxico, xa que contén todos os aminoácidos esenciais. Tamén aporta vitaminas e minerais pero en cantidades pouco significativas.

Brócoli refogado con patacas

Brócoli refogado con patacas

Brócoli refogado con patacas

Información nutricional:

Kcal: 231,9
Proteínas: 15,7%
Hidratos de carbono: 39,0%
Lípidos: 45,3%

Ingredientes

  • 125 g brócoli
  • 1 (100g) pataca
  • 20 g xamón serrano
  • 1 cullerada sopeira (10mL) aceite oliva
  • pementón doce
  • sal ao gusto

Instruccións

Tempo preparación: De 30 a 40 minutos

Cocer o brócoli ao vapor sen pasar en exceso. Cocer unhas patacas pequenas separadamente. Nun pouco de aceite de oliva refogar o xamón serrano e verter sobre o brócoli e as patacas. Remover con coidado e servir.

Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.

Tenreira refogada con arroz

Tenreira refogada con arroz

Tenreira refogada con arroz

Información nutricional:

Kcal: 457,1
Proteínas: 38,6%
Hidratos de carbono: 20,6%
Lípidos: 40,7%

Ingredientes

  • 150 g tenreira tapa
  • 1/2 vaso (100mL) caldo carne
  • 50 g arroz
  • 40 g salsa tomate
  • 30 g pemento vermello
  • 30 g pemento verde
  • 10 g chícharos
  • 1 dente (4g) allo
  • 30 g cenoria
  • 1 cullerada sopeira (10mL) aceite oliva
  • colorante alimentario
  • perexil
  • sal ao gusto

Instruccións

Tempo preparación: De 30 a 40 minutos

Nun wok ou tixola refogar en aceite a tenreira cortada en tiras e reservar. Nunha cazola refogar o allo e as verduras, engadir a carne e o tomate. Cubrir con caldo de carne e deixar cocer. Engadir os chícharos cocidos case ao final. Acompañar dun arroz coloreado ao forno.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Pavo con champiñóns á pementa verde

Pavo con champiñóns á pementa verde

Pavo con champiñóns á pementa verde

Información nutricional:

Kcal: 419,7
Proteínas: 42,7%
Hidratos de carbono: 21,0%
Lípidos: 36,2%

Ingredientes

  • 150 g peituga pavo
  • 1/2 vaso (125 mL) caldo carne
  • 50 g arroz
  • 25 g champiñóns laminados
  • 5 g fariña
  • 1 dente (5g) allo
  • 1 cullerada (5mL) aceite oliva
  • pementa
  • pementa verde en gran
  • sal ao gusto

Instruccións

Tempo preparación: De 20 a 30 minutos

Cortar o pavo en dados e despois salpementar. Nunha tixola moi quente con aceite douralo ben. Retirar e reservar. Nese mesmo aceite, refogar o allo e os champiñóns. Engadir un pouco de fariña e logo o caldo quente. Deixar ferver e introducir o pavo na salsa. Poñemos a pementa e deixamos cocer todo xunto uns minutos. Acompañar de arroz branco ao forno.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. E ademais presenta menor contido en graxas saturadas e menor valor calórico.

Potaxe de vixilia

Potaxe de vixilia

Potaxe de vixilia

Información nutricional:

Kcal: 392,1
Proteínas: 29,3%
Hidratos de carbono: 35,9%
Lípidos: 34,7%

Ingredientes

  • 60 g garavanzos
  • 50 g bacallau
  • 40 g espinacas
  • 25 g ovo
  • 20 g cebola
  • 1 dente (5g) allo
  • 1 cullerada sopeira (10mL) aceite oliva
  • pementón doce
  • sal ao gusto

Instruccións

Tempo preparación: De 40 a 50 minutos

Poñer auga a ferver e introducir os garavanzos (previamente remollados 12h). Cando os garavanzos comecen a estar cocidos, engadir o bacallau cortado en dados e as espinacas. Deixar cocer 10 minutos máis mentres se prepara un sofrito en aceite con allo e cebola picados, pementón doce; e engadilo ao potaxe case ao final.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.