Noticias

Noticias y actualidad del Grupo Cuevas

Archivos

Salmón ao forno

15 Xullo, 2015

Salmón ao forno

Salmón ao forno

Información nutricional:

Kcal: 363,3
Proteínas: 30,5%
Hidratos de carbono: 15,5%
Lípidos: 54,0%

Ingredientes

  • 150 g salmón
  • 50 g pataca
  • 50 mL viño branco
  • 10 g pemento vermello
  • 10 g pemento verde
  • 30 g cebola
  • 1 cullerada sopeira (10mL) aceite oliva
  • perexil
  • sal ao gusto

Instruccións

Tempo preparación: De 20 a 30 minutos

Limpar o peixe e cortalo en lombos sen espiña. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño, e introducir en forno 15 minutos a 175ºC. Colocar o peixe, con sal, enriba das patacas, rociar co aceite de oliva deixar e 10 minutos máis. Se quedan secas as patacas engadir un pouco de auga. Retirar do forno. Decorar con perexil.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Macarróns 3 queixos

Macarróns 3 queixos

Macarróns 3 queixos

Información nutricional:

Kcal: 339,8
Proteínas: 17,4%
Hidratos de carbono: 25,4%
Lípidos: 57,3%

Ingredientes

  • 70 g macarrón relado
  • 20 mL nata
  • 20 g queixo cremoso (tipo philadelphia)
  • 20 g queixo barra
  • 10 g queixo relado
  • 1 dente (5g) allo
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 30 a 40 minutos

Cocer a pasta en auga fervendo abundante con sal durante o tempo que nos indique o fabricante. Escorrer e refrescar. Separadamente, nunha pota facemos a salsa refogando en aceite o allo, engádese a nata, o queixo de barra e o queixo cremoso, deixando ferver. Triturar a salsa e poñer a punto de sal e pementa. Mesturar coa pasta e servir quente cubrindo coa mestura de queixos para pasta.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. Segundo o contido en graxa, variará o valor nutricional dos queixos, pero en termos xerais pódese dicir que son fonte de calcio, proteínas e fósforo. Ademais son aptos para intolerantes á lactosa, xa que no queixo a lactosa se converte, practicamente na súa totalidade, en ácido láctico. Tamén, o queixo contén todos os nutrientes esenciais do leite, pero concentrados.

Peituga de pavo á boa muller

Peituga de pavo á boa muller

Peituga de pavo á boa muller

Información nutricional:

Kcal: 461,0
Proteínas: 41,8%
Hidratos de carbono: 17,3%
Lípidos: 40,9%

Ingredientes

  • 150 g peituga pavo
  • 1/2 vaso (150 mL) caldo polo
  • 50 g pataca
  • 30 g cebola
  • 25 g champiñóns
  • 25 g chícharos
  • 15 g touciño
  • 5 g fariña
  • 1 cullerada sopeira (10mL) aceite oliva
  • pementa
  • sal ao gusto

Instruccións

Tempo preparación: De 30 a 40 minutos

Deixar as peitugas en anacos de ración 150 gr., salpementar e fritir lixeiramente. A parte, refogar en aceite a cebola picada, engadir o bacon e logo a farina removendo un pouco. Engadir o cado de polo quente e deixar ferver. Engadir os chícharos e os champiñóns. Introducir o pavo e deixar cocer tapado ata que estea cocido. Antes de servir engadirlle unhas patacas en dados previamente fritas.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. E ademais presenta menor contido en graxas saturadas e menor valor calórico.

Falsas gulas con gambas

Falsas gulas con gambas

Falsas gulas con gambas

Información nutricional:

Kcal: 229,8
Proteínas: 37,9%
Hidratos de carbono: 34,8%
Lípidos: 27,3%

Ingredientes

  • 70 g espaguete
  • 80 g gambas
  • 1 dente (5g) allo
  • 1 cullerada sopeira (10mL) aceite oliva
  • pementa de caiena
  • perexil
  • sal ao gusto

Instruccións

Tempo preparación: De 30 a 40 minutos

Cocer a pasta en auga fervendo con sal durante o tempo que nos indique o fabricante. Os espaguetes ímolos romper á metade. Refrescar e escorrer. Separadamente, fritir o allo fileteado coa pementa de caiena. Engadir as gambas e logo a pasta deixando mesturar ben os sabores. Cubrir con perexil seco picado.

Vantaxes:
As principais características da pasta son a súa grande achega en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. As gambas presentan un alto contido en proteínas de alto valor biolóxico e en minerais. Hai que destacar o contido deste alimento mariño en iodo, ferro, calcio, sodio, fósforo e magnesio. Ademais, é fonte de vitaminas do grupo B, especialmente o ácido fólico, e vitamina E.

Robaliza á prancha con verduras

Robaliza á prancha con verduras

Robaliza á prancha con verduras

Información nutricional:

Kcal: 243,6
Proteínas: 47,7%
Hidratos de carbono: 26,0%
Lípidos: 26,3%

Ingredientes

  • 150 g robaliza
  • 30 g champiñóns
  • 30 g feixóns verdes
  • 30 g cenoria
  • 50 g pataca
  • 3 culleradas (15mL) aceite oliva
  • sal ao gusto

Instruccións

Tempo preparación: De 30 a 40 minutos

Limpamos o peixe e o fileteamos en dous lombos. Trocear o feixón e a cenoria procurando que saian do mesmo tamaño e cocelas por separado. Refogar os champiñóns e añadiralle os feixóns e cenorias. A robaliza faise na prancha e acompañar dunha patacas cocidas en rebandas e enriba desta as verduras.

Vantaxes:
A robaliza é un peixe branco, cun aporte de lípidos moi baixo. Isto, ligado ó subministro de proteínas de alto valor biolóxico, fai deste peixe un dos alimentos con maior valor nutritivo. Destaca o seu contido en vitaminas do grupo B, capaces de regular o aproveitamento dos nutrientes enerxéticos. Aporta minerais como potasio, fósforo, ferro, sodio e magnesio, substancias que interveñen na regulación do sistema nervioso, na actividade muscular, no equilibrio de auga na célula, na formación de ósos e dentes, nos procesos de obtención de enerxía e no sistema dixestivo.