Ensalada alemana

15 Xullo, 2015

Ensalada alemana

Plato

Primeiro prato

Información nutricional:

Kcal: 351,6
Proteínas: 9,6%
Hidratos de carbono: 25,8%
Lípidos: 64,5%

Ingredientes

1 (100g) pataca
50 g salchicha
20 g maionesa
15 g cebola
5 g cogombro pequeno
2 g ceboliño

Instruccións

Tempo preparación: De 15 a 20 minutos

Cocer a pataca enteira con pel. Unha vez cocida pelala. Deixar enfriar e mesturar co resto de ingredientes. Picar a cebola moi fina e o cogombro en rebandas ó igual que a salchicha. Cubrir con perexil picado.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable ó seu consumo pola súa acción diurética e depuradora.

Inconvenientes:
Debe controlarse o consumo de maionesa e salchichas polo seu alto contido en graxas.

Coello en pepitoria

Plato Segundo prato

Información nutricional:

Kcal: 666,1
Proteínas: 32%
Hidratos de carbono: 17,7%
Lípidos: 50,3%

Ingredientes

150 g coello
1 (100g) pataca
1/2 vaso (100 mL) caldo polo
50 mL viño branco
25 g cebola
25 g ovo cocido
10 g améndoas
1 cullerada sopeira (10mL) aceite oliva
5 g fariña
colorante alimentario
pementa
loureiro
sal ao gusto

Instruccións

Tempo preparación: De 30 a 40 minutos

Trocear o coello. Salpementar. Pasar por fariña e fritir ata dourar. A parte, nunha pota rustrir en aceite a cebola picada, deixando pochar sen que tome cor. Engadimos o coello e mollamos con viño branco e deixar reducir, para a continuación engadir o caldo de carne ata que cubra e deixamos cocer ata que estea tenro. Poñer o loureiro. As patacas cortámolas en dados grandes e dámoslles un frito exterior e logo deixámolas cocer co coello uns minutos. Coas améndoas torradas e a xema de ovo cocido faise un mallado que se engade á salsa. Dar un pouco de cor amarela lixeira co colorante.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Verduras ao vapor ás finas herbas

Plato Primeiro prato

Información nutricional:

Kcal: 148,9
Proteínas: 10,3%
Hidratos de carbono: 29,6%
Lípidos: 60,0%

Ingredientes

50 g coliflor
50 g cenoria
50 g porro
50 g cabaciño
20 g chícharos
1 dente (5g) allo
1 cullerada sopeira (10mL) aceite oliva
ceboliño
perexil
sal ao gusto

Instruccións

Tempo preparación: De 30 a 40 minutos

Limpar e cortar as hortalizas en anacos grandes 2-3 cm de lado. Cocer por separado e poñer nunha bandexa de forno. Facer un rustrido co aceite e o allo, e verter sobre as verduras sen romper. Cubrir coas herbas.

Vantaxes:
Neste prato combínanse diversas verduras, cabaciño, cenoria, coliflor, chícharos e porro, que aportan ao organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Presentan substancias cun elevado poder antioxidante, propiedade que favorece a loita fronte aos radicais libres que provocan o envellecemento celular.

Pescada ao forno

Plato Segundo prato

Información nutricional:

Kcal: 405,2
Proteínas: 45,2%
Hidratos de carbono: 25,6%
Lípidos: 29,3%

Ingredientes

150 g lombo pescada
1 (100g) pataca
1/2 vaso (100mL) caldo pescado
30 g cebola
50 mL viño branco
10 g pemento vermello
10 g pemento verde
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 20 a 30 minutos

Limpar o peixe e cortar en supremas. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño e introducir no forno 15 minutos a 175ºC. Colocar o peixe, con sal, enriba das patacas, rociar co aceite de oliva, deixar 10 minutos máis engadindo caldo de peixe coloreado. Retirar do forno. Decorar con perexil.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Empanada de bonito

Plato Primeiro prato

Información nutricional:

Kcal: 660,2
Proteínas: 17,3%
Hidratos de carbono: 40,1%
Lípidos: 42,6%

Ingredientes

80 g fariña
75 g atún en aceite
50 g cebola
20 mL leite desnatado
20 mL auga
20 g salsa tomate
16 g ovo
10 g pemento vermello
8 g manteiga
1 cullerada sopeira (10mL) aceite oliva
3 g fermento químico
pementón doce
sal ao gusto

Instruccións

Tempo preparación: Más de 1 hora minutos

Facer unha masa clásica cos primeiros 7 ingredientes procurando que non quede nin dura, por que é difícil de estirar, nin demasiado branda porque rompería. Deixar fermentar 30-45 min. dependendo da temperatura. Coa cebola e pemento nunha tixola con aceite faise unha farsa refogando lentamente ata que a cebola estea branda. Se condimenta con sal, pementón e un pouco de tomate. Finalmente mestúrase co bonito. Estirar a masa con rodiño sobre placa de forno untada con aceite. Reencher coa farsa e tapar con outra metade de masa. Pechar os bordos. Pintar con ovo batido e meter ao forno 45 minutos a 175ºC. Cortar porcións de 10x10cm.

Noticias

Archivos