Polo en pepitoria

15 Xullo, 2015

Polo en pepitoria

Plato

Segundo prato

Información nutricional:

Kcal: 717,4
Proteínas: 35,4%
Hidratos de carbono: 25,4%
Lípidos: 39,2%

Ingredientes

150 g zanco de polo
1 (100g) pataca
20 g chícharos
50 mL viño branco
100 mL caldo de polo
15 g pan
15 g cebola
15 g ovo
10 g fariña
5 g améndoas
1 cullerada sopeira (10mL) aceite oliva
loureiro
perexil
colorante alimentario
sal ao gusto
pementa

Instruccións

Tempo preparación: De 30 a 40 minutos

Salpementar o polo, pasar por fariña e fritir en aceite. Nunha pota refogar a cebola picada no aceite, engadir o polo frito e mollar co viño. Deixar reducir un minuto e cubrir co caldo. Cando o polo estea tenro retirar o polo da salsa. Engadir á salsa as améndoas torradas, o pan frito e a xema de ovo cocida. Triturar a salsa, engadir o colorante e a sal. Volver introducir o polo na salsa. Dourar as patacas na fritidora (ou tixola) cortadas en dados. Acompañar o polo dos chícharos cocidos e as patacas. Cubrir con perexil picado.

Vantaxes:
Os principais compoñentes deste prato son a carne de polo e a pataca. A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B e tamén é rica en minerais como potasio, ferro e fósforo. O principal compoñente da pataca despois da auga, é o amidón. E cabe destacar o seu baixo aporte de proteínas e graxas. Ademais é unha importante fonte de minera e vitaminas do grupo B e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite, ademais é aconsellable o seu consumo debido á súa acción diurética e depuradora.

Froita fresca (cirolas)

Plato Sobremesa

Información nutricional:

Kcal: 76,8
Proteínas: 7,3%
Hidratos de carbono: 90,7%
Lípidos: 2,0%

Ingredientes

120 g cirolas

Instruccións

Lavar e servir.

Vantaxes:
As cirolas son ricas en potasio, en provitamina A e vitamina E, que posúen propiedades antioxidantes. Tamén conteñen antocianos, con acción antiséptica e antioxidante. Pero a calidade máis coñecida das cirolas é a súa propiedade laxante, grazas ó seu elevado contido en fibra, sorbitol e derivados da hifroxifebilxantina, que estimulan a actividade dos músculos do colon e protexen a mucosa intestinal, polo que é ideal para o almorzo como prevención dos problemas de estrinximento.

Coliflor á galega

Plato Primeiro prato

Información nutricional:

Kcal: 192
Proteínas: 19,2%
Hidratos de carbono: 9,0%
Lípidos: 71,8%

Ingredientes

150 g coliflor
50 g ovo cocido
1 dente (5g) allo
3 culleradas (15mL) aceite oliva
perexil
loureiro
pementón doce

Instruccións

Tempo preparación: De 20 a 30 minutos

Cocer a coliflor en auga fervendo con sal e reservar.Preparar unha allada: quentar o aceite, engadir o allo ata que se doure, retirar do lume e engadir o pemento doce procurando que non se queime.Deixar repousar e coar. Cocer o ovo 10 minutos. Presentar a coliflor e o ovo en cuartos napados coa allada.

Vantaxes:
Aporta moi pouco valor calórico, polo que é adecuado en dietas de adelgazamento. A coliflor é unha boa fonte de fibra e vitaminas, entre as que destacan os grupos B ou C. Estas particularidades convértena nun bo alimento para incluílo na dieta de mulleres embarazadas xa que favorece o crecemento e desenvolvemento do feto. Tamén aporta boas cantidades de minerais como potasio, magnesio ou fósforo. As súas propiedades diuréticas eliminan o exceso de líquidos polo que proporcionan beneficios para a hipertensión e redución do ácido úrico. As altas porcentaxes de elementos fitoquímicos (glucosinolatos, isotiocianatos, indoles e fibra) favorecen a prevención de enfermidades dexenerativas coma o cancro. Este prato vai acompañado dun par de culleradas de aceite de oliva rico en ácido monoinsaturado (oleico), excelente fronte á prevención de enfermidades cardiovasculares.

Pescada en caldeirada

Plato Segundo prato

Información nutricional:

Kcal: 308,9
Proteínas: 30,8%
Hidratos de carbono: 33,1%
Lípidos: 36,1%

Ingredientes

120 g pescada
1 (100g) pataca
20 chícharos conxelados
15 g cebola
15 g pemento vermello
15 g pemento verde
1 dente (5g) allo
3 culleradas (15 mL) aceite oliva
pementón doce
perexil
loureiro

Instruccións

Tempo preparación: De 20 a 30 minutos

Nunha pota poñer a cocer as patacas en rebandas coa cebola e o pemento vermello e verde. Engadir os chícharos e folla de loureiro. Ós 10 minutos incorporar a pescada limpa e deixar cocer entre 8-10 minutos máis. Á parte preparar unha allada: quentar o aceite, engadir o allo ata que se doure, retirar do lume e engadir o pemento doce procurando que non se queime. Deixar repousar e coar. Presentar a pescada sobre as patacas e engadir a allada ó final.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante comparado coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias comparado coas contidas na maior parte dos peixes.

Froita fresca (mazá)

Plato Sobremesa

Información nutricional:

Kcal: 64,5
Proteínas: 4,4%
Hidratos de carbono: 91,6%
Lípidos: 4,0%

Ingredientes

1 (150g) mazá

Instruccións

Lavar e servir.

Vantaxes:
A mazá é das froitas máis completas e enriquecedoras na dieta. Está composta nun 85% de auga. Os nutrientes mais abundantes despois da auga, son os azucres, sobre todo fructosa, e en menor proporción sacarosa e glucosa. É fonte discreta de vitamina E e aporta unha escasa cantidade de vitamina C. É rica en fibra, e como mineral destaca o potasio. A vitamina E posúe acción antioxidante, en parte debida ós elementos fitoquímicos que posúe, tales como flavonoides e quercitina.

Noticias

Archivos