Crema Parmentier (porro e pataca)

15 Xullo, 2015

Crema Parmentier (porro e pataca)

Plato

Primeiro prato

Información nutricional:

Kcal: 210,2
Proteínas: 11,3%
Hidratos de carbono: 45,3%
Lípidos: 43,4%

Ingredientes

1/2 vaso (100 mL) auga
1/2 vaso (100mL) leite desnatado
1 pequena (75g) pataca
50 g porro
1 cullerada sopeira (10mL) aceite oliva
sal ao gusto
ceboliño

Instruccións

Tempo preparación: De 20 a 30 minutos

Refogar en aceite o porro e a pataca en láminas sen que colla cor. Engadir o leite e a auga, deixando cocer 15 min. Triturar e pasar por coador chino. Dar punto de sal e cubrir con ceboliño.

Vantaxes:
Recoméndase o consumo de porro polo seu alto contido en sales minerais (potasio, fósforo e calcio). Ademais é aconsellable cando se padece de reuma e anemia, e é un gran axente depurativo para o sangue. O leite presenta numerosas vantaxes como o gran aporte en vitaminas A, C, e do grupo B, minerais como ferro, calcio, e proteínas.

Perca á bilbaína

Plato Segundo prato

Información nutricional:

Kcal: 217,5
Proteínas: 50%
Hidratos de carbono: 2,5%
Lípidos: 47,5%

Ingredientes

150 g filetes perca
1 dente (5g) allo
1 cullerada sopeira (10mL) aceite oliva
vinagre
perexil
caiena

Instruccións

Tempo preparación: De 15 a 20 minutos

Salgar e marcar os filetes de peixe na prancha. Dourar o allo fileteado en aceite, poñer caiena, engadir o vinagre e verquer sobre o peixe. Adornar de perexil e introducir no forno 10 min. Suxerencia: servir con ensalada de leituga, tomate e cebola.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro. Por outra parte, o allo presenta numerosas propiedades medicinais. Desde unha acción depurativa e tonificante do organismo a propiedades vitalizadoras. Tamén se lle atribúen propiedades antirreumáticas e antigotosas; ademais son expectorantes e anticatarrais.

Inconvenientes:
Inconvenientes do allo: mal sabor de boca que deixa o seu consumo, aínda que se pode contrarrestar mascando unha rama de apio ou perexil fresco, ou preparando unha enxaugadura bucal con auga morna e zume de limón.

Biscoito de chocolate

Plato Sobremesa

Información nutricional:

Kcal: 394,8
Proteínas: 3,6%
Hidratos de carbono: 47,9%
Lípidos: 48,4%

Ingredientes

25 g fariña
22,5 g manteiga
10 g chocolate
1 pequeno (30g) ovo
22,5 g azucre
4 g fermento químico

Instruccións

Tempo preparación: De 30 a 40 minutos

Empomar a manteiga no microondas a potencia de desconxelación. Engadir batendo, a xema de ovo e o azucre. Engadir o chocolate fundido no microondas e,a continuación, a clara montada a punto de neve. Finalmente, mesturar con coidado a fariña co fermento químico. Enmoldar e cocer no forno a 175ºC ata que ó insertar un pauciño resulte seco.

Vantaxes:
O chocolate é un alimento graxo. Atribúenselle efectos terapéuticos grazas á presenza de antioxidantes, como os polifenois, taninos, flavoniodes e fitoesterois. Estas substancias son boos cardio protectores. Teñen alto poder anticoagulante, diminúen os niveis de LDL e regulan a presión arterial. O cacao, ademais, contén teobromina, substancia que exerce unha acción tónica sobre o organismo, estimula a circulación sanguínea e ten poder diurético.

Pisto de verduras con piñóns

Plato Primeiro prato

Información nutricional:

Kcal: 203
Proteínas: 8,5%
Hidratos de carbono: 26,1%
Lípidos: 65,3%

Ingredientes

75 g cabaciño
75 g salsa tomate
25 g pemento vermello
25 g pemento verde
25 g cebola
10 g piñóns
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Cortar as verduras en dados. Refogar por orde de dureza no aceite de oliva, primeiro cebola e pementos, logo o cabaciño e finalmente a salsa de tomate. Poñer a punto de sal e cubrir cos piñóns torrados.

Vantaxes:
Os piñóns son ricos en calcio, magnesio e ferro, polo que son recomendables en persoas con osteoporose e descalcificación. Os seus ácidos graxos mono e poliinsaturados son moi adecuados para combater o colesterol e as enfermidades cardiovasculares. A combinación de pemento verde e vermello, tomate, cebola e cabaciño, aporta ó organismo importantes cantidades de vitaminas do grupo B, A e C; e minerais, tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Filete de tenreira ao curry

Plato Segundo prato

Información nutricional:

Kcal: 629,9
Proteínas: 32,0%
Hidratos de carbono: 16,8%
Lípidos: 51,2%

Ingredientes

150 g filete de tenreira
1/2 vaso (100mL) caldo carne
50 g mazá golden
50 g arroz
25 g cebola
6 g fariña
1 cullerada sopeira (10mL) aceite oliva
curry
sal ao gusto
pementa branca

Instruccións

Tempo preparación: De 20 a 30 minutos

En primeiro lugar preparar a salsa de curry; refogar no aceite a cebola cortada en tiras sen que tome cor, engadir a mazá pelada e sen corazón, cortada en dados. Cubrir coa fariña e revolver uns instantes. Engadir o caldo de carne e deixar cocer 5 min., triturar e pasar por coador chino, dar o toque de curry e sal. Cortar os filetes, salpementar e marcar á prancha. Acompañar de arroz branco ó forno e salsear co curry.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Noticias

Archivos