Atún encebolado

15 Xullo, 2015

Atún encebolado

Plato

Segundo prato

Información nutricional:

Kcal: 452,3
Proteínas: 37%
Hidratos de carbono: 24%
Lípidos: 39%

Ingredientes

150 g atún
1 (100g) pataca
1 pequena (75g) cebola
1/2 (50 g) pemento verde
50 mL caldo de peixe
1 dente (5g) allo
1 cullerada sopeira (10mL) aceite oliva
perexil
sal ao gusto

Instruccións

Tempo preparación: De 15 a 20 minutos

Refogar en aceite o allo picado, a cebola e o pemento verde en tiras. Engadir o caldo de peixe e deixar quecer 5 minutos. Salar e dourar o atún na prancha volta e volta. Cubrir coa salsa e rematar no forno durante 5 ou 10 minutos a 180ºC.

Vantaxes:
A carne do atún posúe un 12% de graxa, rica en ácidos omega-3, que axudan a rebaixar os niveis de colesterol e triglicéridos do sangue, diminuíndo o risco de doenzas como a aterosclerose, trombose, así como a prevención de enfermidades cardíacas.
Ademais, destaca pola súa composición en vitaminas e minerais. Entre as primeiras destacan as do grupo B. Outros grupos importantes de vitaminas son as liposolubles, como a A e D. Os minerais que destacan na composición do atún son o fósforo e o magnesio, dando, ademais, altos niveis de ferro e iodo.

Grellada de verduras

Plato Primeiro prato

Información nutricional:

Kcal: 141,4
Proteínas: 10,6%
Hidratos de carbono: 25,8%
Lípidos: 63,6%

Ingredientes

1 pequeno (75 g) tomate
50 g cabaciño
50 g berenxena
1 (40 g) cenoria conxelada
20 g espárrago verde
25 g perexil
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Lavar, limpar as verduras e cortar. Poñer sal e facer lixeiramente á prancha. A cenoria é preferible cocela uns minutos antes. Cubrir con perexil e poñer un pouco de aceite de oliva virxe.

Vantaxes:
A combinación de espárrago verde, tomate, cenoria, berenxena, cabaciño e perexil aporta ó organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Froita fresca (mandarinas)

Plato Sobremesa

Información nutricional:

Kcal: 60
Proteínas: 8,0%
Hidratos de carbono: 89,8%
Lípidos: 2,2%

Ingredientes

2 mandarinas

Instruccións

Pelar as mandarinas e consumir.

Vantaxes:
A mandarina é unha das froitas con mais carotenoides, aporta beta-criptoxantina e beta-caroteno. A actividade antioxidante destes elementos fitoquímicos e da vitamina C, é a de combater a acción nociva dos radicais libres, substancias responsables do desenvolvemento de enfermidades cardiovasculares, dexenerativas e cancro. Debido ó contido en auga, potasio e ácido cítrico, as mandarinas presentan propiedades diuréticas. Pola súa abundancia en ácido fólico, o seu consumo é adecuado para mulleres embarazadas (previndo da espiña bífida).

Lombo de pescada ao forno con grelos

Plato Segundo prato

Información nutricional:

Kcal: 392
Proteínas: 42,7%
Hidratos de carbono: 29,8%
Lípidos: 27,5%

Ingredientes

150 g pescada
1 (100g) pataca
75 mL caldo peixe
150 g grelos
15 g cebola
10 g pemento verde
10 g pemento vermello
10 g cabaciño
10 g pan relado
1 dente (5g) allo
1 cullerada sopeira (10mL) aceite oliva
perexil picado
sal ao gusto
pementón doce

Instruccións

Tempo preparación: De 20 a 30 minutos

Salgar e marcar a pescada na prancha e colocar nunha cazola. Limpar os grelos e cocer en auga abundante, escorrer e refrescar. Cocer as patacas ó vapor. Preparar a salsa refogando en aceite todas as verduras. A contiuación engadir o pementón, o caldo de peixe e o pan relado. Deixar cocer 10 minutos e triturar. Cubrir a pescada coa crema e poñer no forno 15 minutos a 180ºC. Acompañar das patacas e os grelos.

Vantaxes:
A pescada é un peixe branco, baixo en graxas; rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B, máis baixo comparando con outros alimentos. En relación ós minerais, a pescada posúe potasio, fósforo e magnesio. Os grelos presentan un alto contido en vitamina A, C e ácido fólico, ademais de diversos minerais como calcio, potasio, sodio e ferro. Nesta especie predominan unha serie de substancias relacionadas co seu amargor (glucosinolatos alifáticos), ás que se lle atribúen propiedades anticanceríxenas.

Mousse de limón

Plato Sobremesa

Información nutricional:

Kcal: 294,4
Proteínas: 13%
Hidratos de carbono: 53%
Lípidos: 34%

Ingredientes

1 (125g) iogur de limón
30 mL nata
8 g azucre
3 g xelatina
30 g clara de ovo pasteurizada

Instruccións

Tempo preparación: De 20 a 30 minutos

Bater a nata e engadirlle o iogur. A parte, quentar ao baño María a clara de ovo coa xelatina en po ata que comece a botar vapor de auga. Engadir o azucre e bater fora da calor ata que esponxe. Mesturar a nata, iogur e enmoldar. Cubrir a mousse cunha capa de marmelada de fresa. Suxerencia de presentación cunha frecha de chocolate branco.

Vantaxes:
Esta sobremesa contén iogur. A inxestión de iogur presenta numerosas vantaxes, por isto debe ser incluído na nosa dieta diaria. Os principais beneficios derivados do consumo do iogur son que prevén trastornos intestinais, principalmente diarreas, e prevén a entrada de microorganismos patóxenos no intestino. Estes beneficios son debidos á presenza de certos microorganismos que favorecen o crecemento de flora beneficiosa e así diminúen o crecemento de flora microbiana alterante. Presenta, tamén, un efecto inmunomodulador, é dicir, favorece a estimulación do sistema inmune. Ademais, é un produto facilmente dixerible, polo que está indicado en dietas convalecentes. Debido á súa riqueza en ácido láctico, favorece a secreción de encimas e mollos gastrointestinais, o que favorece a dixestión.

Noticias

Archivos