Refogado de acelgas con tomate e gambas

15 Xullo, 2015

Refogado de acelgas con tomate e gambas

Plato

Primeiro prato

Información nutricional:

Kcal: 190,5
Proteínas: 17,0%
Hidratos de carbono: 23,5%
Lípidos: 59,5%

Ingredientes

150 g acelgas
20 g gambas
30 g salsa tomate
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer as acelgas en auga con sal. Escorrer e reservar. Quentar aceite nunha tixola e rustrir o allo. Engadir as gambas peladas e a continuación as acelgas cocidas. Poñer o tomate en salsa e dar un toque de sal.

Vantaxes:
As acelgas conteñen unha alta porcentaxe de auga, son baixas en macronutrientes (proteínas, hidratos de carbono e lípidos), polo tanto é un alimento moi recomendado en dietas de adelgazamento. É rica en nutrientes reguladores como fibra, minerais e vitaminas. Presenta un elevado contido en folatos, provitamina A e vitamina C. En canto ós minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais, contén ácido oxálico, que prevén a formación de cálculos renais e artrites.

Froita fresca (uvas)

Plato Sobremesa

Información nutricional:

Kcal: 97,2
Proteínas: 4,9%
Hidratos de carbono: 84%
Lípidos: 11,1%

Ingredientes

120 g uvas

Instruccións

Limpar as uvas e servir.

Vantaxes:
Un 80% das uvas é auga, e entre un 15 e un 25% son azucres (glucosa e fructosa). Contén vitaminas do grupo B, A e C, e minerais (potasio, calcio, magnesio, fosfato sódico, iodo e ferro). Unha das grandes vantaxes das uvas é a súa propiedade depurativa e laxante, debidas principalmente ó seu contido en pectina, remineralizantes e alcalinizantes. A súa pel contén taninos, ácidos libres, minerais, fermentos e celulosa, útiles para o funcionamento intestinal. Numerosos estudos demostran á existencia de substancias protectoras nas uvas, capaces de protexer o organismo fronte enfermidades cardiovasculares, cancro, e enfermidades relacionadas co envellecemento celular.

Inconvenientes:
O seu consumo non é adecuado en persoas que padezan diabetes, polo seu elevado aporte en azucres.

Arroz á criolla

Plato Segundo prato

Información nutricional:

Kcal: 437,6
Proteínas: 27%
Hidratos de carbono: 27,1%
Lípidos: 45,9%

Ingredientes

80 g arroz
60 g peituga polo
40 g salsa tomate
70 mL caldo ave
30 mL auga
1/3 (50 g) pemento verde
20 g cebola
1 dente (4g) allo
1 cullerada sopeira (10mL) aceite oliva
colorante alimentario
perexil picado
sal ao gusto

Instruccións

Tempo preparación: De 20 a 30 minutos

Refogar a lume vivo o polo cortado en dados nunha cacerola baixa ou paelleira. Reservar. Refogar as verduras e rustrir o arroz na mesma cacerola. Engadir o tomate en salsa e o polo dourado. Mollar co caldo ou auga (dobre de caldo que de arroz), dar o punto de sal e deixar cocer 20 minutos.

Vantaxes:
Este prato combina os beneficios do arroz e da carne de polo. O arroz é rico en hidratos de carbono (fundamentalmente amidón), contén vitaminas do grupo B, fósforo e potasio. Por outra parte, a carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B. Tamén é rica en minerais como potasio, ferro e fósforo.

Inconvenientes:
No proceso de refinamento e pulido do arroz, pérdese ata o 50% do seu contido en minerais e o 85 % das vitaminas do grupo B, quedando convertido nun alimento sobre todo enerxético.

Pasta mariñeira

Plato Primeiro prato

Información nutricional:

Kcal: 314,4
Proteínas: 25,7%
Hidratos de carbono: 29,9%
Lípidos: 44,3%

Ingredientes

70 g pasta farfalle
50 g luras
50 g mexillóns sen cuncha
5 g queixo parmesano
1 dente (5g) allo
1 cullerada sopeira (10mL) aceite oliva
50 g salsa tomate
sal ao gusto
perexil picado
caiena

Instruccións

Tempo preparación: De 20 a 30 minutos

Cocer la pasta en agua hirviendo con sal durante el tiempo que nos indique el fabricante. Escurrir y refrescar. En aceite de oliva rehogar el ajo, guindilla .Añadir el calamar en dados y rehogar. Añadir la carne de mejillón limpia cortada en trozos y la salsa de tomate .Agregar la pasta y saltear el conjunto. Espolvorear de perejil y queso rallado.

Vantaxes:
Este prato combina o aporte en hidratos de carbono da pasta co aporte en proteínas de alto valor biolóxico e tamén cos minerais das luras e os mexillóns.

Inconvenientes:
As luras non son recomendables en persoas con colesterol alto e con hipertensión, porque presenta altas porcentaxes desta substancia.

Marmitako de atún

Plato Segundo prato

Información nutricional:

Kcal: 541,4
Proteínas: 31,7%
Hidratos de carbono: 16,1%
Lípidos: 52,3%

Ingredientes

150 g atún fresco
1/4 (40 g) pemento verde
20 g pemento vermello
1/2 grande (80 g) pataca
1/4 (40 g) cebola
1 dente (5g) allo
3 culleradas (15mL) aceite oliva
sal ao gusto
perexil picado
pementón doce

Instruccións

Tempo preparación: De 20 a 30 minutos

Pasar nunha pota con aceite o allo, cebola e pementos en dados. Engadir o pemento doce e a pataca. Cubrir con auga e deixar cocer 15 minutos lentamente. Engadir o atún en dados e darlle o toque de sal. Cocer 5 minutos máis. Deixar repousar uns minutos e cubrir con perexil.

Vantaxes:
A carne do atún posúe un 12% de graxa, rica en ácidos omega-3, que axudan a rebaixar os niveis de colesterol e triglicéridos do sangue, diminuíndo o risco de doenzas como a aterosclerose, trombose, así como a prevención de enfermidades cardíacas. Ademais, destaca pola súa composición en vitaminas e minerais. Entre as primeiras destacan as do grupo B. Outros grupos importantes de vitaminas son as liposolubles, como a A e D. Os minerais que destacan na composición do atún son o fósforo e o magnesio, dando, ademais, altos niveis de ferro e iodo. A estas vantaxes do atún hai que sumar as excelentes propiedades antioxidantes doutros ingredientes como o pemento verde e vermello e a cebola.

Noticias

Archivos