Mexillóns con fideos

15 Xullo, 2015

Mexillóns con fideos

Plato

Primeiro prato

Información nutricional:

Kcal: 256,7
Proteínas: 33,3%
Hidratos de carbono: 22,9%
Lípidos: 43,8%

Ingredientes

40 g mexillóns
40 g pasta fideua
100 mL caldo peixe
10 g cebola
10 g pemento vermello
10 g salsa tomate
1 dente (4g) allo
colorante alimentario
perexil picado
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Quentar o aceite nunha cacerola, engadir allo, cebola, pemento vermello e tomate. Engadir os mexillóns sen casca e o caldo de peixe co colorante. Verter os fideos e deixar cocer a pasta. Repousar uns minutos e servir cubrindo con perexil picado.

Vantaxes:
O mexillón aporta proteínas de boa calidade, contén pouca cantidade de lípidos, polo que o seu valor calórico non é moi elevado. Destaca o seu contido en iodo, ferro, calcio, sodio, fósforo e magnesio. Ademais é fonte de vitaminas do grupo B, especialmente ácido fólico, e vitamina E.
A este prato hai que engadirlle as principais características da pasta, que son o seu gran aporte en hidratos de carbono de absorción lenta (amidón) e en proteínas (glute), e o seu baixo contido en graxas.

Dourada ao forno

Plato Segundo prato

Información nutricional:

Kcal: 336,2
Proteínas: 36,2%
Hidratos de carbono: 30,1%
Lípidos: 33,7%

Ingredientes

150 g dourada
100 g pataca
50 mL viño branco
30 g cebola
10 g pemento vermello
10 g pemento verde
1 cullerada (10mL) aceite oliva
sal ao gusto
perexil picado

Instruccións

Tempo preparación: De 20 a 30 minutos

Limpar e sazonar o peixe. Nunha bandexa de forno colocar as verduras picadas. Picar tamén a pataca e colocala na bandexa. A continuación, engadir a dourada. Regar con viño branco e introducir ó forno a 180ºC ata que estea feita.

Vantaxes:
A dourada contén proteínas de alto valor biolóxico e niveis relativamente baixos de graxa, polo que o seu valor calórico é reducido. Destaca o seu contido en vitaminas do grupo B (niacina e cobalamina), A e E. Os minerais máis abundantes neste peixe son o potasio e o fósforo. Por outra parte o principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Feixóns verdes con chourizo

Plato Primeiro prato

Información nutricional:

Kcal: 250,2
Proteínas: 13,6
Hidratos de carbono: 24,2%
Lípidos: 62,3%

Ingredientes

175 g feixóns
25 g chourizo
20 g salsa tomate
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Limpar os feixóns e cortar en bastóns. Cocer en auga con sal. Escorrer e reservar. Nunca tixola, quentar o aceite, engadir o chourizo en rebandas e rustrir. Engadir os feixóns verdes e o tomate en salsa. Mesturar os ingredientes e retirar.

Vantaxes:
Os feixóns caracterízanse polo seu baixo aporte calórico, fundamentalmente debido ó seu escaso contido en graxas e á súa riqueza en fibra; son pobres en sodio e conteñen vitaminas como a vitamina A e B6 (piridoxina).

Inconvenientes:
Aínda que presenta proteínas de gran valor biolóxico, debemos moderar o consumo de chourizo debido ó seu alto contido enerxético e graxo.

Froita fresca (pera)

Plato Sobremesa

Información nutricional:

Kcal: 85,4
Proteínas: 2,6%
Hidratos de carbono: 91,5%
Lípidos: 5,9%

Ingredientes

1 (150g) pera

Instruccións

Lavar e servir.

Vantaxes:
A pera é rica en azucre, polo que é unha excelente fonte de enerxía. É abundante en vitamina C, e contén pequenas cantidades de vitamina A e E. Contén importantes cantidades de pectina (fibra natural). Polo seu contido en ferro, recoméndase en casos de anemia e problemas cardiovasculares.

Bacallau á caseira

Plato Segundo prato

Información nutricional:

Kcal: 379,9
Proteínas: 44,6%
Hidratos de carbono: 29,6%
Lípidos: 25,8%

Ingredientes

150 g bacallau
100 g pataca
20 g cebola
20 g pemento verde
20 g pemento vermello
20 g tomate
15 mL viño branco
1 cullerada sopeira (10mL) aceite oliva
perexil picado
sal ao gusto

Instruccións

Tempo preparación: De 20 a 30 minutos

Cortar as patacas en rebandas finas e dar un toque de fritura suave. Cortar os pementos e a cebola en tiras e refogar en aceite 10 minutos. Engadir o tomate natural e deixar outros 3 minutos. Dourar o bacallau nunha placa de forno e colocar sobre as patacas. Poñer a salsa de pementos por riba, o viño branco, e introducir no forno 10 minutos a 175ºC. Cubrir con perejil.

Vantaxes:
O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais. O bacallau salgado contén importantes cantidades de sodio, pero cando se pon a remollo esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.

Noticias

Archivos