Noticias

Noticias y actualidad del Grupo Cuevas

Archivos

Congro á galega

15 Xullo, 2015

Congro á galega

Congro á galega

Información nutricional:

Kcal: 367,5
Proteínas: 42,1%
Hidratos de carbono: 30,5%
Lípidos: 27,4%

Ingredientes

  • 150 g congro
  • 1 (100g) pataca
  • 20 g chícharos
  • 1 dente (5g) allo
  • 1 cullerada sopeira (10mL) aceite oliva
  • pementón doce
  • loureiro

Instruccións

Tempo preparación: De 15 a 20 minutos

Limpar e cortar o congro. Cocer en auga con loureiro as patacas cortadas en rebandas grosas. Ós 8 min. engadir o congro e cocer de 5 a 8 min. máis. Á parte, preparar a salsa co aceite, allo e pemento doce. Servir o peixe enriba das patacas, acompañado por chícharos cocidos á parte e salsa allada por riba.

Vantaxes:
O congro é un peixe semigraxo. O seu contido proteico non é moi elevado, pero as súas proteínas son dun alto valor biolóxico. Contén diferentes vitaminas e minerais. A vitamina que destaca na súa composición nutricional é a vitamina A, de feito, é o peixe máis rico neste nutriente a excepción das angulas e as anguías. Este prato tamén presenta pataca, cuxa principal compoñente despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e C. Estas substancias son beneficiosas para o organismo, xa que melloran as doenzas relacionadas cos riles ou cistite. Tamén é aconsellable o seu consumo pola a súa acción diurética e depuradora.

Ensalada de cangrexo

Ensalada de cangrexo

Ensalada de cangrexo

Información nutricional:

Kcal: 323,3
Proteínas: 22,4%
Hidratos de carbono: 7,1%
Lípidos: 70,4%

Ingredientes

  • 100 g pauciños de cangrexo
  • 20 g maionesa
  • 1 pequeno (50g) ovo
  • 10 g ketchup
  • 20 g millo
  • perexil

Instruccións

Tempo preparación: De 5 a 10 minutos

Preparar a salsa rosa con maionesa e ketchup. Engadir os pauciños de cangrexo en tiras finas, o ovo previamente cocido en dados e o millo. Suxerencia de acompañar con leituga.

Vantaxes:
Neste prato combínanse as propiedades dos pauciños de cangrexo (surimi) que son un concentrado de proteínas insolubles e posúen baixa cantidade de lípidos, coas características do ovo que é o alimento que contén o mellor perfil proteico e do seu contido lipídico, máis da metade son graxas insaturadas; ademais, contén dous carotenoides que interveñen favorablemente na saúde visual.

Inconvenientes:
Debe controlarse o consumo de maionesa, debido ó seu alto contido en graxas.

Xurelo á prancha con patacas e pementos

Xurelo á prancha con patacas e pementos

Xurelo á prancha con patacas e pementos

Información nutricional:

Kcal: 330,8
Proteínas: 31,0%
Hidratos de carbono: 28,0%
Lípidos: 741,0%

Ingredientes

  • 150 g xurelo
  • 1 (100g) pataca
  • 10 g cebola
  • 10 g pemento verde
  • 10 g pemento vermello
  • 15 g tomate
  • 1 cullerada (5mL) aceite oliva
  • sal ao gusto
  • perexil
  • loureiro

Instruccións

Tempo preparación: De 20 a 30 minutos

Cocer as patacas en rebandas acompañadas dos pementos, cebola, tomate (cortado todo en xuliana), sal e loureiro. Limpar os xurelos e filetear. Marcar na prancha. Colocar enriba das patacas e verduras escorridas.

Vantaxes:
O xurelo clasifícase como peixe azul debido ó seu contido en lípidos. Na súa composición destacan minerais como ferro, iodo e magnesio, e vitamina D, que intervén na absorción e utilización de calcio e fósforo, e cobalamina, que participa na maduración dos glóbulos vermellos e favorece a absorción de ferro. O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e C. Estas substancias son beneficiosas para o organismo, xa que melloran as doenzas relacionadas cos riles ou cistite, ademais é aconsellable o seu consumo, debido á súa acción diurética e depuradora.

Acelgas con taquiños de xamón

Acelgas con taquiños de xamón

Acelgas con taquiños de xamón

Información nutricional:

Kcal: 227,1
Proteínas: 12,7%
Hidratos de carbono: 17,1%
Lípidos: 70,2%

Ingredientes

  • 200 g acelgas
  • 20 g xamón serrano
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 20 a 30 minutos

Limpar as acelgas e cortar ó ancho, incluíndo a penca. Cocer en auga abundante e escorrer. Á parte, refogar en aceite o xamón cortado en taquiños e engadir a acelga. Remover e servir quente.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Branqueta de ave con arroz

Branqueta de ave con arroz

Branqueta de ave con arroz

Información nutricional:

Kcal: 373,4
Proteínas: 45,5%
Hidratos de carbono: 17,2%
Lípidos: 37,3%

Ingredientes

  • 150 g peituga polo
  • 100 g arroz
  • 40 g champiñóns enteiros lata
  • 40 g cebola
  • 50 mL leite desnatado
  • 20 g chícharos
  • 6 g fariña
  • 1 cullerada (6mL) aceite oliva
  • perexil
  • pementa branca
  • sal ao gusto

Instruccións

Tempo preparación: De 20 a 30 minutos

Cocer a peituga de polo en auga. Escorrer e cortar en dado (de 25 g cada un aproximadamente). Para preparar a salsa (como unha brechamel), refogar no aceite a cebola picada sen que tome cor, engadir a fariña, posteriormente o leite quente e a misma cantidade de auga de cocer a peituga. Dar o punto de sal e pementa. Introducir as peitugas de novo na salsa e engadir os chícharos cocidos e os champiñóns. Acompañar de arroz branco ó forno.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B e tamén é rica en minerais. O compoñente maioritario do arroz é o amidón (70-80%). O arroz é un alimento positivo para a prevención e avance dalgunhas patoloxías, como a hipertensión e a hipercolesterolemia, debido ó seu baixo contido en sodio.

Inconvenientes:
No proceso de refinamento e pulido do arroz, pérdese ata o 50% do seu contido en minerais e o 85 % das vitaminas do grupo B, quedando convertido nun alimento sobre todo enerxético.