Arroz á milanesa

15 Xullo, 2015

Arroz á milanesa

Plato

Primeiro prato

Información nutricional:

Kcal: 298,1
Proteínas: 10,4%
Hidratos de carbono: 40,4%
Lípidos: 49,3%

Ingredientes

80 g arroz
20 g champiñóns
20 g xamón cocido
20 g chícharos
10 g perexil
20 g pemento morrón
3 culleradas (30 g) salsa tomate
1 dente (5g) allo
1 cullerada sopeira (10mL) aceite oliva
sal ao gusto
colorante alimentario

Instruccións

Tempo preparación: De 20 a 30 minutos

No aceite de oliva rustrir o allo, engadir os champiñóns laminados e o arroz. Mollar con auga ou caldo de carne, deixar ferver. Poñer a punto de sal. Engadir o pemento en dados e o xamón. Engadir os chícharos crudos. Meter no forno 18 minutos a 180ºC. Acompañar de sasa de tomate. Cubrir con perexil.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético.
O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Xurelo ao forno

Plato Segundo prato

Información nutricional:

Kcal: 375,5
Proteínas: 29,2%
Hidratos de carbono: 18,0%
Lípidos: 52,8%

Ingredientes

150 g xurelo
30 g cebola
50 mL viño branco
30 g pemento verde
30 g pemento vermello
1/2 (50 g) pataca
1 cullerada (10mL) aceite oliva
sal ao gusto
perexil

Instruccións

Tempo preparación: De 20 a 30 minutos

Limpar e filetear en dous lombos o peixe. Nunha placa de forno poñer a pataca pelada e cortada fina. Enriba os pementos e a cebola picados. Introducir no forno a 180ºC durante 10 min. Retirar do forno e colocar os filetes de xurelo salgados, enriba votar o viño branco e deixar no forno 10 min. máis.

Vantaxes:
O xurelo clasifícase como peixe azul debido o seu contido en lípidos. Na súa composición destacan minerais como ferro, iodo e magnesio, e vitamina D que intervén na absorción e utilización de calcio e fósforo, e cobalamina que participa na maduración dos glóbulos vermellos e favorece a absorción de ferro.

Pasta salteada con verduras

Plato Primeiro prato

Información nutricional:

Kcal: 181,2
Proteínas: 17,5%
Hidratos de carbono: 68,4%
Lípidos: 14,1%

Ingredientes

80 g pasta
30 g pemento verde
30 g pemento vermello
30 g cenoria
40 g cabaciño
80 g cogomelos
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Cocer a pasta en auga son sal. Á parte, nunha sartén con aceite saltear as verduras, empezando pola cenoria e os pementos, uns minutos despois engadir o cabaciño; e por último as setas. Poñer a punto de sal e servir todo xunto.

Vantaxes:
Neste prato combínase o valor calórico e nutricional da pasta cos beneficios das verduras (cenoria, pemento, cabaciño). Destacan as propiedades antioxidantes, o aporte vitamínico, fundamentalmente, vitaminas do grupo B, A e C; e minerais como potasio, magnesio e fósforo.

Polo “á cazadora”

Polo "á cazadora"

Plato Segundo prato

Información nutricional:

Kcal: 336,2
Proteínas: 33,7%
Hidratos de carbono: 22,3%
Lípidos: 44,0%

Ingredientes

125 g xamonciño de polo
110 g champiñóns
50 g chícharos
1/3 (40 g) cebola
1/3 (50 g) tomate enlatado
1 (100g) pataca
1/2 vaso (100 mL) viño branco
1 cullerada sopeira (10mL) aceite oliva
sal ao gusto
perexil
loureiro

Instruccións

Tempo preparación: De 20 a 30 minutos

Salpementar e dourar os xamonciños na prancha ou tixola para que se douren. Preparar a salsa á parte refogando en aceite, o loureiro, a cebola picada e o tomate, viño branco e champiñones. Engadirlle os chícharos cocidos e caldo de carne. Introducir o polo no forno a 180ºC, coa salsa ata que esté tenro. Sazonar con perexil. Servir acompañado dunha pataca.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Espinacas á crema con gambas

Plato Primeiro prato

Información nutricional:

Kcal: 213,7
Proteínas: 43,8%
Hidratos de carbono: 22,4%
Lípidos: 33,7%

Ingredientes

150 g espinacas
1/2 vaso (100 mL) leite
50 g gambas
6 g fariña
1 cullerada (5mL) aceite oliva
sal ao gusto
noz moscada
pementa branca

Instruccións

Tempo preparación: De 20 a 30 minutos

Cocer as espinacas en auga con sal. Escorrer e reservar. Nunha tixola con aceite refogar as gambas. Para facer a bechamel quentar aceite nun cazo e engadir fariña, remover e engadir o leite. Remover ata que espese. Engadir sal, pementa e noz moscada ó gusto. Engadir as gambas e as espinacas, deixando cocer un minuto máis.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese mais facilmente que o presente nos vexetais. Por tanto, para un bo aporte de ferro é necesario o consumo de alimentos de orixe animal.

Noticias

Archivos