Brócoli con tiras de xamón

15 Xullo, 2015

Brócoli con tiras de xamón

Plato

Primeiro prato

Información nutricional:

Kcal: 263
Proteínas: 16,8%
Hidratos de carbono: 26,9%
Lípidos: 56,4%

Ingredientes

200 g brócoli
1/2 (60 g) pataca
20 g xamón serrano
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer o brócoli ó vapor. Á parte cocer as patacas. Nun pouco de aceite de oliva refogar o xamón serrano cortado en tiras e poñer por enriba do brócoli.

Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.

Pescada á galega

Plato Segundo prato

Información nutricional:

Kcal: 463,4
Proteínas: 26,5%
Hidratos de carbono: 33,1%
Lípidos: 40,4%

Ingredientes

150 g pescada
1 (150g) pataca
40 g chícharos
20 g cebola
2 dentes (10g) allo
2 culleradas (20mL) aceite oliva
sal ao gusto
pementón doce
loureiro

Instruccións

Tempo preparación: De 20 a 30 minutos

Limpar e cortar a pescada en rebandas. Poñer a cocer en auga con laurel as patacas cortadas en rebandas grosas. Ós 8 min. engadir o peixe e cocer de 5 a 8 minutos máis. Á parte preparar unha salsa co aceite, allo e pemento picante. Servir a pescada enriba das patacas acompañado por chícharos cocidos á parte e a salsa de allo por riba.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Peituga de pavo ao allo

Plato Segundo prato

Información nutricional:

Kcal: 367
Proteínas: 37,1%
Hidratos de carbono: 18,2%
Lípidos: 44,7%

Ingredientes

150 g peituga de pavo
50 g arroz
2 dentes (10g) allo
3 culleradas (15 mL) aceite oliva
perexil
sal ao gusto
loureiro

Instruccións

Tempo preparación: De 20 a 30 minutos

Cocer o arroz en auga con sal. Á parte, rustrir o dente de allo nunha sartén con aceite de oliva. A continuación, adubar a peituga e facer á prancha. Servir o arroz como gornición.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. Ademais presenta menor contido en graxas saturadas e menor valor calórico. Por outra parte, o allo presenta numerosas propiedades medicinais, desde unha acción depurativa e tonificante do organismo a propiedades vitalizadoras. Tamén se lle atribúen propiedades antirreumáticas e antigotosas, ademais son expectorantes e anticatarrais.

Inconvenientes:
Inconvenientes do allo: mal sabor de boca que deixa o seu consumo, aínda que se pode contrarrestar mascando unha rama de apio ou perexil fresco, ou preparando un enxugue bucal con auga tibia e zume de limón.

Mazá asada

Plato Sobremesa

Información nutricional:

Kcal: 131,1
Proteínas: 3,2%
Hidratos de carbono: 94,1%
Lípidos: 2,7%

Ingredientes

1 (160g) mazá
1/4 (50 mL) viño branco
8 g azucre

Instruccións

Tempo preparación: De 15 a 20 minutos

Lavar e quitar o corazón á mazá. Facer un corte pequeno na pel para evitar que rompa no forno. Colocar nunha fonte de forno e poñer viño branco, azucre e auga. Introducir no forno 30 minutos a 170ºC. Pódese consumir quente.

Vantaxes:
A mazá é das froitas máis completas e enriquecedoras na dieta. Está composta dun 85% de auga. Os nutrientes máis abundantes despois da auga son os azucres, sobre todo a fructosa, e en menor proporción sacarosa e glucosa. É fonte discreta de vitamina E e aporta unha escasa cantidade de vitamina C. É rica en fibra, e como mineral destaca o potasio. A vitamina E posúe acción antioxidante, en parte debida ós elementos fitoquímicos que posúe, tales como flavonoides e quercitina.

Macarróns con atún

Plato Segundo prato

Información nutricional:

Kcal: 435,1
Proteínas: 17,7%
Hidratos de carbono: 33,9%
Lípidos: 48,4%

Ingredientes

90 g macarróns
50 g atún aceite
150 g salsa tomate
40 g cebola
10 g perexil
1 cullerada (5mL) aceite oliva
sal ao gusto
ourego

Instruccións

Tempo preparación: De 20 a 30 minutos

Cocer a pasta en auga fervendo con sal. Mentres, rustrir a cebola nunha tixola con aceite. Engadir a salsa de tomate e o atún desmigado. A continuación engadir a pasta e dar ou punto de sal e pementa. Cubrir con ourego.

Vantaxes:
Ademais do aporte calórico da pasta e do atún, debemos ter en conta que neste prato emprégase salsa de tomate. O tomate e os seus derivados presentan numerosos beneficios para o organismo, tales como propiedades antioxidantes, debidas ó licopeno ou efecto diurético propio do potasio.

Noticias

Archivos