Peituga de polo adubado

15 Xullo, 2015

Peituga de polo adubado

Plato

Segundo prato

Información nutricional:

Kcal: 436
Proteínas: 38,1%
Hidratos de carbono: 26,1%
Lípidos: 35,8%

Ingredientes

150 g peituga polo
1/2 vaso (100mL) viño branco
50 g cenoria
50 g arroz
20 g chícharos
1 dente (5g) allo
15 g cebola
1 cullerada sopeira (10mL) aceite oliva
pementón doce
pementa branca
comiño moído
sal ao gusto

Instruccións

Tempo preparación: De 40 a 50 minutos

Salpementar a peituga e poñer en adobo co allo picado aceite e pementón doce así como un toque de cominos. Introducir no forno cunhas cenorias e cebola en rebandas regando co viño branco durante a cocción. Asar como 30minutos ata que estea tenra a 175ºC. Acompañar duns chícharos cocidos e arroz ao forno.

Vantaxes:
A carne de polo é unha boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Coliflor con piquillos

Plato Primeiro prato

Información nutricional:

Kcal: 186,9
Proteínas: 12,9%
Hidratos de carbono: 15,3%
Lípidos: 71,7%

Ingredientes

150 g coliflor
75 g pementos do piquillo
15 g xamón serrano
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer a coliflor en auga fervendo con sal e reservar. A parte quentar o aceite, engadir o allo picado ata que se doure, engadir o xamón en dados, e os pementos en tiras, refogando uns minutos. Retirar do lume e verter sobre a coliflor e servir quente.

Vantaxes:
Aporta moi pouco valor calórico, polo que é adecuado en dietas de adelgazamento. A coliflor é unha boa fonte de fibra e vitaminas, entre as que destacan os grupos B ou C. Estas particularidades convértena nun bo alimento para incluílo na dieta de mulleres embarazadas xa que favorece o crecemento e desenvolvemento do feto. Tamén aporta boas cantidades de minerais como potasio, magnesio ou fósforo. As súas propiedades diuréticas eliminan o exceso de líquidos polo que proporcionan beneficios para a hipertensión e redución do ácido úrico. As altas porcentaxes de elementos fitoquímicos (glucosinolatos, isotiocianatos, indoles e fibra) favorecen a prevención de enfermidades dexenerativas coma o cancro. Este prato vai acompañado dun par de culleradas de aceite de oliva rico en ácido monoinsaturado (oleico), excelente fronte á prevención de enfermidades cardiovasculares.

Bacallau ao falso pil-pil

Plato Segundo prato

Información nutricional:

Kcal: 419,1
Proteínas: 39,7%
Hidratos de carbono: 27%
Lípidos: 33,3%

Ingredientes

150 g bacallau
1 (100g) pataca
30 g cebola
2 dentes (10g) allo
5 g fariña
3 culleradas (15mL) aceite oliva
caiena
perexil
sal ao gusto

Instruccións

Tempo preparación: De 20 a 30 minutos

Cocer o bacallau e reservar. No aceite de oliva refogar o allo e caiena ata que se doure. Engadir un pouco de fariña e a continuación unha pouca de auga de cocer o bacallau. Esperar a que ferva e dar a textura adecuada. Introducir nunha cazola de barro co bacallau e deixar que ferva. Cubrir con perexil picado. Acompañar de pataca cocida.

Vantaxes:
O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais. O bacallau salgado contén importantes cantidades de sodio, pero cando se pon a remollo esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.

Arroz frito ao curry

Plato Segundo prato

Información nutricional:

Kcal: 222,6
Proteínas: 22,9%
Hidratos de carbono: 49,9%
Lípidos: 27,2%

Ingredientes

60 g arroz
50 g peituga polo
25 g pemento vermello
25 g pemento verde
20 g cebola
1 dente (4g) allo
10 g uvas pasas
1 cullerada sopeira (10mL) aceite oliva
curry
perexil
sal ao gusto

Instruccións

Tempo preparación: De 20 a 30 minutos

Nunha paelleira ou cacerola baixa refogamos o polo cortado en dados e reservamos. Nesa mesma cacerola refogamos as verduras en dados logo engadimos o arroz xa cocido. Refogamos todo xunto e poñemos as pasas e o toque de curry. Decorar con perexil.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Porco refogado con pementos asados

Plato Segundo prato

Información nutricional:

Kcal: 461,6
Proteínas: 39,9%
Hidratos de carbono: 15,8%
Lípidos: 44,3%

Ingredientes

150 g lombo porco
100 g pemento vermello
50 g puré pataca
50 mL viño branco
50 mL caldo carne
1 dente (5g) allo
1 cullerada (5mL) aceite oliva
pementa
sal ao gusto

Instruccións

Tempo preparación: De 30 a 40 minutos

Asar os pementos no forno para poder pelar e quitar a pel. O lombo córtase en dados de 25gr aprox. se salpementa e nunha tixola moi quente dóurase. Engádeselle un pouco de allo picado e a continuación os pementos cortados en tiras. Poñer viño e cando reduza, o caldo. Acompañar de puré de pataca.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Noticias

Archivos