Noticias

Noticias y actualidad del Grupo Cuevas

Archivos

Pescada á sidra

15 Xullo, 2015

Pescada á sidra

Pescada á sidra

Información nutricional:

Kcal: 396,1
Proteínas: 49,4%
Hidratos de carbono: 32,2%
Lípidos:18,4%

Ingredientes

  • 175 g rebanda pescada
  • 1/2 vaso (100mL) caldo pescado
  • 1 (100g) pataca
  • 50 g berberecho (con cuncha)
  • 50 mL sidra
  • 30 g cebola
  • 5 g fariña
  • 1 dente (5g) allo
  • 1 cullerada (5mL) aceite oliva
  • sal ao gusto

Instruccións

Tempo preparación: Menos de 5 minutos

Preparar unha salsa tipo velouté á sidra: refogar en aceite o allo e cebola picados, engadir un pouco de fariña e caldo de peixe, engadir a sidra fervida para que perda parte do alcol, poñer perexil picado e deixar cocer uns minutos. Colocar a rebanda nunha placa de forno, cóbrese con salsa e se fonea 10 min. a 180ºC. Acompañar dunhas patacas cocidas e berberechos.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante comparado coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias comparado coas contidas na maior parte dos peixes.

Pasta con champiñóns

Pasta con champiñóns

Pasta con champiñóns

Información nutricional:

Kcal: 236,1
Proteínas: 15%
Hidratos de carbono: 47,5%
Lípidos: 37,5%

Ingredientes

  • 80 g pasta (macarrón relado)
  • 50 g champiñón laminado
  • 30 g salsa tomate
  • 25 g pemento vermello
  • 20 g cebola
  • 1 dente (5g) allo
  • 10 g queixo relado
  • 1 cullerada (5mL) aceite oliva
  • sal ao gusto

Instruccións

Tempo preparación: De 20 a 30 minutos

Cocer a pasta en auga abundante con sal o tempo que nos indique o fabricante. Refrescar e escorrer. Separadamente, no aceite quente rustrir o allo, a cebola en dados, o pemento vermello en dados e o champiñón laminado. Engadir a salsa de tomate e deixar cocer uns minutos. Mesturar coa pasta e deixar quentar todo. Servir quente cubrindo con queixo.

Vantaxes:
As principais características da pasta son ó seu gran aporte en hidratos de carbono de absorción lenta (amidón) e en proteínas (glute), e ó seu baixo contido en graxas. O champiñón é un dos fungos máis consumidos debido ás súas propiedades remineralizantes e organolépticas. Non presenta un gran contido en minerais, pero si presenta unha gran variedade dos mesmos. Contén, ademais, pequenas cantidades de vitamina A, C, D e B1. O contido calórico deste alimento é baixo, sendo moi adecuado en dietas depurativas ou para perder peso. O seu aporte de fibra non soluble favorece un efecto saciante. Aporta un contido en graxas moi baixo sendo estas moi saudables (acedo linoleico). E o seu contido en selenio confírelle un efecto antioxidante.

Solombo de porco con mazá

Solombo de porco con mazá

Solombo de porco con mazá

Información nutricional:

Kcal: 671,9
Proteínas: 26,9%
Hidratos de carbono: 17,5%
Lípidos: 55,6%

Ingredientes

  • 150 g solombo de porco
  • 1/2 vaso (100mL) caldo carne
  • 50 g arroz
  • 50 g mazá
  • 30 g cebola
  • 10 g uvas pasas
  • 10 g nata
  • 1 dente (5g) allo
  • 1 cullerada sopeira (10mL) aceite oliva
  • pementa branca
  • sal ao gusto

Instruccións

Tempo preparación: De 20 a 30 minutos

Limpar o solombo e cortar os medallóns. Facer a salsa refogando o allo e a cebola en aceite. Engadir a mazá pelada sen corazón e cubrir co caldo. Cocer 10 minutos e pasar por túrmix e chinés. Engadirlle unhas pasas á salsa e un pouco de nata. Marcar a carne na prancha e cubir coa salsa. Acompañar de arroz branco ao horno.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Cabaciño reenchido

Cabaciño reenchido

Cabaciño reenchido

Información nutricional:

Kcal: 270,9
Proteínas: 26,9%
Hidratos de carbono: 32,1%
Lípidos: 41,0%

Ingredientes

  • 125 g cabaciño
  • 1/2 vaso (100mL) leite desnatado
  • 50 g carne porco
  • 50 g cebola
  • 25 g salsa tomate
  • 25 g pemento vermello
  • 6 g fariña
  • 5 g queixo relado
  • 1 cullerada (5mL) aceite oliva
  • pementón doce
  • pementa branca
  • noz moscada
  • sal ao gusto

Instruccións

Tempo preparación: De 30 a 40 minutos

Cortar o cabaciño en anacos de 10 cm. de longo, facer unha base para que non rode e logo baleirar cunha culler francesa a pulpa do mesmo. Branquear ao vapor e reservar. Dourar en aceite de oliva virxe o pemento e cebola picados, engadindo a carne de porco picada e cando estea dourada a salsa de tomate e a pulpa do cabaciño. Reencher os cabaciños coa farsa e cubir cunha bechamel. Cubrir con queixo e gratinar.

Vantaxes:
O cabaciño caracterízase polo seu elevado contido en auga, seguido dos hidratos de carbono, e o seu baixo contido en lípidos e proteínas; estas características, ligadas a presenza de fibra, fan do cabaciño un alimento adecuado para dietas de adelgazamento. Contén vitamina A, B, C; magnesio, sodio, iodo, ferro, calcio e potasio; substancias que axudan na produción de glóbulos vermellos e brancos, na síntese do material xenético ou na formación de anticorpos do sistema inmunolóxico. Ademais, posúen acción antioxidante, regula os niveis de auga na célula, e mellora o funcionamento intestinal e dixestivo.

Perca ao forno

Perca ao forno

Perca ao forno

Información nutricional:

Kcal: 253,8
Proteínas: 51,7%
Hidratos de carbono: 23,1%
Lípidos: 25,2%

Ingredientes

  • 150 g perca
  • 50 g pataca
  • 50 mL viño branco
  • 30 g cebola
  • 10 g pemento vermello
  • 10 g pemento verde
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 20 a 30 minutos

Limpar o peixe e filetealo. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño e introducir no forno 15 minutos a 175ºC. Colocar o peixe, con sal, enriba das patacas, rociar co aceite de oliva deixar e 10 minutos máis. Retirar do forno. Decorar con perexil.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro.