Coello con verduras

15 Xullo, 2015

Coello con verduras

Plato

Segundo prato

Información nutricional:

Kcal: 726,7
Proteínas: 34,4%
Hidratos de carbono: 18,5%
Lípidos: 47,1%

Ingredientes

150 g coello
1 (100g) pataca
1 vaso (200mL) caldo polo
80 mL viño branco
50 g cenoria
50 g salsa tomate
25 g cebola
25 g chícharos
3 culleradas (15mL) aceite oliva
perexil
pementa
sal ao gusto

Instruccións

Tempo preparación: De 30 a 40 minutos

Cortar o coello en anacos, salpementar, rustrir para dourar e reservar. Nunha cacerola refogar en aceite a cebola, o allo e a cenonria (todo en dados). Engadirlle o coello e o viño branco deixando reducir o alcol uns instantes. Engadir a salsa de tomate e cubrir con caldo. Deixar cocer suavemente ata que estea tenro, a metade de cocción engadirlle os chícharos crus e as patacas en dados previamente fritidas.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Lombo de porco con piña

Plato Segundo prato

Información nutricional:

Kcal: 649,7
Proteínas: 33,3%
Hidratos de carbono: 30,1%
Lípidos: 36,6%

Ingredientes

150 g agulla porco
1 (100g) pataca
1/2 vaso (100 mL) zumo piña
1 vaso (200mL) caldo carne
50 g piña
50 mL viño branco
10 g cenoria
10 g cebola
10 g porro
5 g maicena
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Colocar a agulla de porco nunha placa de forno e acompañar dunha bresa de hortalizas (cenoria, cebola, porro). Introducir no forno e asar ata que estea tenro dando a volta a metade de cocción e engadindo viño branco e zume de piña. Retirar do forno e coar a salsa por un chinés engadindo caldo de carne. Ferver e espesar con maicena se fose necesario. Acompañar de puré de pataca e unha rebanda de piña á prancha. Cubrir coa salsa.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Repolo cocido

Plato Primeiro prato

Información nutricional:

Kcal: 204,8
Proteínas: 19,4%
Hidratos de carbono: 13,6%
Lípidos: 67,1%

Ingredientes

150 g repolo
50 g cenoria
30 g xamón serrano
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Limpar, cortar en dados grandes o repolo e lavar. Separadamente, nunha pota refogar no aceite as cenorias en rebandas e o xamón. Engadir o repolo. Cubrir con auga e cocer ata que estea tenro. Escorrer e servir quente. Pódese aliñar con aceite virxe e vinagre na mesa.

Vantaxes:
O repolo destaca pola elevada presenza de auga na súa composición. Este alimento aporta ó organismo potasio, magnesio, calcio e vitaminas. Contén boas cantidades de fibra e hidratos de carbono, fundamentais para a recuperación de enerxía e resistencia físicas. Ademais, o repolo presenta betacaroteno ou provitamina A, vitamina C, E, niacina e folatos. A transformación do betacaroteno en vitamina A axuda á visión, ó bo estado das mucosas, cabelo, pel, ósos e ó bo funcionamento do sistema inmunolóxico.

Crema de acelgas con taquiños de xamón

Plato Primeiro prato

Información nutricional:

Kcal: 237,2
Proteínas: 17,6%
Hidratos de carbono: 37,5%
Lípidos: 44,9%

Ingredientes

100 g acelgas
1/2 vaso (100 mL) auga
1/2 vaso (100mL) leite desnatado
50 g porro
50 g pataca
20 g taquiños xamón serrano
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Refogar no aceite de oliva o branco do porro e a pataca todo cortado en dados. Engadir o auga e o leite. Cando comece a ferver engadir a acelga limpa cortada. Deixar cocer lentamente 15 minutos. Triturar e pasar por chinés. Acompañar duns taquiños de xamón en dados lixeiramente torrados.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Salmón en salsa verde

Plato Segundo prato

Información nutricional:

Kcal: 446,1
Proteínas: 38,4%
Hidratos de carbono: 26,8%
Lípidos: 34,8%

Ingredientes

150 g lombo salmón
1/2 vaso (100mL) caldo pescado
1 (100g) pataca
30 g cebola
20 g chícharos
10 g espárrago branco
5 g fariña
1 dente (5g) allo
perexil
sal ao gusto

Instruccións

Tempo preparación: De 30 a 40 minutos

Preparar unha salsa verde: refogar en aceite o allo e cebola picados sen que tome cor. Engadir un pouco de fariña e caldo de peixe. Deixar cocer 10 minutos e engadir perexil picado. Marcar o lombo de salmón na prancha e colocar nunha placa de forno, cubrir coa salsa, meter ao forno 5 minutos. Acompañar dunhas patacas redondas cocidas, chícharos e espárrago branco.

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Noticias

Archivos