Guiso de coello con arroz

15 Xullo, 2015

Guiso de coello con arroz

Plato

Segundo prato

Información nutricional:

Kcal: 587,2
Proteínas: 36,9%
Hidratos de carbono: 18%
Lípidos: 45%

Ingredientes

150 g coello
1/2 vaso (150 mL) caldo carne
50 mL viño branco
50 g salsa tomate
50 g arroz
40 g cebola
25 g pemento vermello
25 g pemento verde
25 g cenoria
1 dente (5g) allo

Instruccións

Tempo preparación: De 40 a 50 minutos

Cortar o coello en anacos, salpementar e fritir para dourar. Reservar. Nunha cacerola con aceite refogar a cebola, os pementos e o allo. Engadirlle o coello e o viño branco deixando reducir o alcol uns instantes. Engadir a salsa de tomate e cubrir con caldo. Deixar cocer suavemente ata que estea tenro. Acompañar de arroz branco ao forno.

Vantaxes:
Pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Macarróns á napolitana

Plato Primeiro prato

Información nutricional:

Kcal: 321,2
Proteínas: 20,4%
Hidratos de carbono: 26,4%
Lípidos: 53,2%

Ingredientes

70 g pasta (macarróns)
25 g salsa tomate
25 mL caldo carne
30 g xamón cocido
10 g queixo relado
1 dente (5g) allo
1 cullerada (5mL) aceite oliva
pementa branca
sal ao gusto

Instruccións

Tempo preparación: De 20 a 30 minutos

Cocer a pasta en auga abundante con sal o tempo que nos indique o fabricante. Refrescar e escorrer. Separadamente, no aceite quente, rustrir o allo e engadir a salsa de tomate e o mollo de carne así como os dados de xamón cocido. Mesturar a pasta coa salsa e dar o toque de sal e pementa quentando uns minutos. Cubrir con queixo relado.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. Este prato tamén presenta tomate. O principal beneficio deste comestible radica no seu contido en licopeno (responsable da súa coloración, que vai de amarelo a vermello). O licopeno posúe excelentes propiedades antioxidantes que protexen as células da acción dos radicais libres (principais causantes do envellecemento celular, enfermidades cardiovasculares e cancro). Ademais, contén potasio, magnesio, fibra, e vitaminas do grupo B e vitamina C.

Robaliza ao cava

Plato Segundo prato

Información nutricional:

Kcal: 404,2
Proteínas: 48,1%
Hidratos de carbono: 29,1%
Lípidos: 22,7%

Ingredientes

150 g robaliza
1 (100g) pataca
1/2 vaso (100mL) caldo pescado
60 mL cava
6 g fariña
1 cullerada (6mL) aceite oliva
perexil
sal ao gusto

Instruccións

Tempo preparación: De 30 a 40 minutos

Limpar a robaliza e filetear. Sazonar con sal e marcar lixeiramente na prancha. Facer a salsa de cava: refogar a fariña no aceite sen que se queime e engadir o caldo de peixe quente e o cava fervido (para evaporar o alcol). Salgar, debe quedar como unha bechamel lixeira. Cocer a pataca en rebandas a parte, e colocar a robaliza sobre a pataca e cubrir coa salsa. Cubrir con perexil.

Vantaxes:
A robaliza é un peixe branco, cun aporte de lípidos moi baixo. Isto ligado ó subministro de proteínas de alto valor biolóxico, fai deste peixe un dos alimentos con maior valor nutritivo. Destaca o seu contido en vitaminas do grupo B, capaces de regular o aproveitamento dos nutrientes enerxéticos. Aporta minerais como potasio, fósforo, ferro, sodio e magnesio, substancias que interveñen na regulación do sistema nervioso, a actividade muscular, o equilibrio de auga na célula, formación de ósos e dentes, procesos de obtención de enerxía e sistema dixestivo.

Escalope de lombo de porco ao queixo de Arzúa

Plato Segundo prato

Información nutricional:

Kcal: 650,2
Proteínas: 29,8%
Hidratos de carbono: 10,3%
Lípidos: 59,9%

Ingredientes

150 g lombo porco
50 mL caldo carne
50 mL nata
50 g arroz
25 g queixo de Arzúa
1 cullerada (5mL) aceite oliva
perexil
pementa
sal ao gusto

Instruccións

Tempo preparación: De 30 a 40 minutos

Cortar o lombo en escalopíns de 75 gr, salpementar. Mesturar o queixo sen cortiza coa nata e fundir lentamente. Engadirlle o caldo de carne, triturar en túrmix. Pasar a carne na prancha e salsear. Acompañar dun arroz branco ao forno.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que a carne de vaca ou de cordeiro, sendo o seu consumo pouco adecuado para nenos e persoas maiores. Tampouco é aconsellable para os hipertensos e para aqueles que padecen de exceso de colesterol. Polo seu elevado índice de graxa aconséllase un consumo prudente e medido xa que o abuso de proteínas de orixe animal e de graxas saturadas ten repercusións nocivas na saúde.

Patacas con mexillóns en salsa verde

Plato Primeiro prato

Información nutricional:

Kcal: 287,9
Proteínas: 32,5%
Hidratos de carbono: 45%
Lípidos: 22,4%

Ingredientes

1 (125g) pataca
1/2 vaso (100mL) caldo pescado
25 g pemento verde
25 g chícharos
40 g mexillóns
25 g cebola
1 dente (5g) allo
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Refogar o allo, a cebola e o pemento verde picados no aceite sen que tome cor. Engadir a pataca en dados. Engadir o caldo de peixe e os chícharos deixando cocer 10 min. Antes de retirar, engadir os mexillóns sen casca.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora. O mexillón aporta proteínas de boa calidade, contén pouca cantidade de lípidos, polo que o seu valor calórico non é moi elevado. Destaca o seu contido en iodo, ferro, calcio, sodio, fósforo e magnesio. Ademais é fonte de vitaminas do grupo B, especialmente ácido fólico, e vitamina E.

Inconvenientes:
A pesar do seu contido en vitamina C, pérdese a maior parte desta vitamina co pelado, e o resto durante o proceso de cocción.

Noticias

Archivos