Noticias

Noticias y actualidad del Grupo Cuevas

Archivos

Cazón ó allo

15 Xullo, 2015

Cazón ó allo

Cazón ó allo

Información nutricional:

Kcal: 356,8
Proteínas: 46,4%
Hidratos de carbono: 26,8%
Lípidos: 26,7%

Ingredientes

  • 150 g cazón
  • 1 (100g) pataca
  • 20 mL viño branco
  • 2 dentes (10g) allo
  • 1 cullerada sopeira (10mL) aceite oliva
  • pementón doce
  • perexil
  • sal ao gusto

Instruccións

Tempo preparación: De 20 a 30 minutos

Nunha tixola quentar o aceite e poñer o allo. Engadir o peixe cortado en dados grandes (3x3) e refogar con coidado de que non rompa. Poñer pementón doce, viño branco, perexil e retirar. Acompañar de pataca cocida ó vapor ou de ensalada.

Vantaxes:
O cazón pertence á familia dos tiburóns. Os escualos son peixes semigraxos, cun contido elevado de proteínas de alto valor biolóxico. Presenta unha boa textura e sabor, e é de fácil dixestión, sendo adecuado para persoas con estómago delicado. Destaca o seu contido en vitaminas liposolubles, A e E.

Inconvenientes:
Inconvenientes do allo: mal sabor de boca que deixa o seu consumo, aínda que se pode contrarrestar mastigando unha rama de apio ou perexil fresco, ou preparando unha exaugadura bucal con auga morna e zume de limón.

Garavanzos refogados con verduras

Garavanzos refogados con verduras

Garavanzos refogados con verduras

Información nutricional:

Kcal: 383,9
Proteínas: 25%
Hidratos de carbono: 53%
Lípidos: 22,1%

Ingredientes

  • 75 g garavanzos
  • 40 g gambas
  • 25 g espinacas
  • 20 g cebola
  • 20 g pemento vermello
  • 20 g pemento verde
  • 20 g cenoria
  • 1 dente (5g) allo
  • 1 cullerada sopeira (10mL) aceite oliva
  • perexil
  • comiño
  • sal ao gusto

Instruccións

Tempo preparación: De 30 a 40 minutos

Deixar a remollo os garavanzos 12h.en auga morna con sal. Cando case estean tenros, engadirlles as espinacas. Rematar de cocer lentamente e escorrer. Nunha tixola tipo "wok" refogar as verduras en xuliana e as gambas, engadirlle os garavanzos e condimentar.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Peituga de polo á pementa verde

Peituga de polo á pementa verde

Peituga de polo á pementa verde

Información nutricional:

Kcal: 462,2
Proteínas: 43,5%
Hidratos de carbono: 6,1%
Lípidos: 50,5%

Ingredientes

  • 150 g peituga polo
  • 80 g champiñón laminado
  • 75 mL caldo carne
  • 25 mL nata
  • 1 dente (5g) allo
  • 1 cullerada sopeira (10mL) aceite oliva
  • 3 g pementa verde en gran
  • pementa branca
  • sal ao gusto

Instruccións

Tempo preparación: De 20 a 30 minutos

Salpementar a peituga. Dourar enteira na prancha e reservar. Dourar o allo en aceite. Engadirlle os champiñóns, logo a nata e despois o caldo de carne. Dar o punto de pementa branca e sal. Cubrir a peituga coa salsa e deixar cocer 15 minutos, esparexar uns grans de pementa verde por enriba.

Vantaxes:
A carne de polo é unha boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Caldo galego

Caldo galego

Caldo galego

Información nutricional:

Kcal: 245,2
Proteínas: 21,8%
Hidratos de carbono: 31,2%
Lípidos: 47,0%

Ingredientes

  • 50 g pataca
  • 50 g grelos
  • 25 g ósos espiñazo
  • 20 g orella porco
  • 20 g óso galiña
  • 20 g chourizo caseiro
  • 15 g fabas brancas
  • unto
  • sal ao gusto

Instruccións

Tempo preparación: Más de 1 hora minutos

Poñer en auga fría a cocer as fabas remolladas 12h co unto, os ósos e a orella. Ó cabo de 1hora e media, retirar os ósos e carne, engadir as patacas rotas e os grelos deixando cocer 20 min máis.

Vantaxes:
O principal compoñente da pataca, despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora. Os grelos presentan un alto contido en vitamina A, C e ácido fólico, ademais de diversos minerais como calcio, potasio, sodio e ferro. Nesta especie predominan unha serie de substancias relacionadas co seu amargor (glucosinolatos alifáticos), ás que se lle atribúen propiedades anticanceríxenas.

Arroz con salmón

Arroz con salmón

Arroz con salmón

Información nutricional:

Kcal: 417,9
Proteínas: 45,8%
Hidratos de carbono: 27%
Lípidos: 27,2%

Ingredientes

  • 100 g salmón
  • 1 vaso (200mL) caldo peixe
  • 75 g arroz
  • 25 g pemento verde
  • 25 g pemento vermello
  • 25 g cebola
  • 1 dente (5g) allo
  • 1 cullerada (5mL) aceite oliva
  • perexil
  • sal ao gusto

Instruccións

Tempo preparación: De 20 a 30 minutos

Nunha paelleira rustrir o allo picado en aceite e engadir a cebola e os pementos picados. Poñer o arroz e rustrir un momento. Engadir o caldo de peixe. Cocer 18 min, pero ós 10 min engadir o salmón en dados e probar de sal.

Vantaxes:
O arroz é rico en amidón, contén vitaminas do grupo B, fósforo e potasio. É un alimento positivo para a prevención e a mellora dalgunhas patoloxías como a hipertensión e a hipercolesterolemia, debido ó seu baixo contido en sodio. O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, mellorar a función cardíaca e reducir o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis, o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.