Lombo de tenreira ao forno

15 Xullo, 2015

Lombo de tenreira ao forno

Plato

Segundo prato

Información nutricional:

Kcal: 807,9
Proteínas: 24,6%
Hidratos de carbono: 12,5%
Lípidos: 62,9%

Ingredientes

150 g lombo tenreira
1 (100g) pataca
1/2 vaso (100mL) caldo carne
50 mL viño tinto
25 g cebola
15 g tomate
15 g porro
15 g cenoria
1 cullerada sopeira (10mL) aceite oliva
3 g maicena
sal ao gusto

Instruccións

Tempo preparación: De 20 a 30 minutos

Asar o lombo no forno ata que ó pinchalo non solte sangue. Acompañar no forno cun picado de verduras. Cando estea asado, retirar da bandexa do forno e engadir viño para aproveitar os mollos. Verter estes mollos coados nunha cacerola e engadir caldo de carne espesando con maicena. A pataca irá nunha rebanda grosa que se frite lentamente en aceite e logo se introduce ó forno con cebola en tiras, previamente pasada en aceite.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta sa e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Macarróns boloñesa

Plato Segundo prato

Información nutricional:

Kcal: 328,6
Proteínas: 22,0%
Hidratos de carbono: 35,5%
Lípidos: 42,5%

Ingredientes

60 g macarróns
20 g carne porco
25 g carne tenreira
60 g salsa tomate
20 mL viño tinto
15 g cebola
15 g cenoria
10 g queixo relado
1 dente (5g) allo
1 cullerada sopeira (10mL) aceite oliva
pementa branca
perexil
sal ao gusto

Instruccións

Tempo preparación: De 20 a 30 minutos

Cocer a pasta en auga abundante con sal o tempo que nos indique o fabricante. Separadamente, no aceite quente rustrir o allo, a cebola e a cenoria, engadir a carne picada e saltear. Engadir o viño tinto, deixar reducir e engadir a salsa de tomate deixando cocer todo xunto. Servir a pasta quente coa salsa enriba e queixo relado.

Vantaxes:
Neste prato hai que ter en conta o aporte calórico da pasta, da carne de tenreira e de porco, e do tomate e os seus derivados, que presentan numerosos beneficios para o organismo, tales como propiedades antioxidantes, debidas ó licopeno ou como efecto diurético, debido ó potasio.

Palometa ao forno

Plato Segundo prato

Información nutricional:

Kcal: 439,7
Proteínas: 45,0%
Hidratos de carbono: 13,5%
Lípidos: 41,6%

Ingredientes

150 g palometa
1/2 vaso (100mL) caldo pescado
50 g pataca
50 mL viño branco
30 g cebola
10 g pemento verde
10 g pemento vermello
1 cullerada sopeira (10mL) aceite oliva
colorante alimentario
perexil
sal ao gusto

Instruccións

Tempo preparación: De 20 a 30 minutos

Limpar o peixe e cortar en rodas. Cortar a pataca en rebandas finas e dar un toque de fritura sen que doure moito. Poñer as patacas nunha placa de forno e enriba as verduras picadas e o viño e introducir no forno 15 minutos a 175ºC. Colocar o peixe, con sal, enriba das patacas, regar co aceite de oliva, deixando 10 minutos máis e engadindo caldo de peixe coloreado. Retirar do forno. Decorar con perexil.

Vantaxes:
A palometa é un peixe semigraxo. Destaca polo seu contido en proteínas, superior ó da grande parte dos peixes, sendo estas de gran valor biolóxico. A palometa tamén aporta diferentes vitaminas e minerais, sendo a vitamina B12 a máis abundante, ata superando os niveis que conteñen ovos e algunhas carnes. Este prato tamén presenta pataca, cuxo principal compoñente despois da auga é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e C. Estas substancias son beneficiosas para o organismo, xa que melloran as doenzas relacionadas cos riles ou cistite, ademais é aconsellable o seu consumo debido a súa acción diurética e depuradora.

Puré de verduras

Plato Primeiro prato

Información nutricional:

Kcal: 340,6
Proteínas: 24,4%
Hidratos de carbono: 23,8%
Lípidos: 51,8%

Ingredientes

90 mL auga
90 mL fondo branco (caldo de polo suave)
70 g pataca
45 g porro
35 g cebola
35 g cenoria
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Refogar en aceite o porro, a cebola e a cenoria sen que tome cor. Engadir a pataca e despois o fondo branco (caldo de polo suave) deixando cocer 20 min. Triturar e pasar por chinés.

Vantaxes:
A combinación de porro, cebola, cenoria e pataca aporta ó organismo importantes cantidades de vitaminas do grupo B, A e C, e minerais tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Torrada de berenxena con atún

Plato Primeiro prato

Información nutricional:

Kcal: 279,9
Proteínas: 21,6%
Hidratos de carbono: 28,0%
Lípidos: 50,4%

Ingredientes

125 g berenxena
35 g atún en aceite
30 g pemento verde
30 g cebola
20 g pan de molde
1 dente (5g) allo
8 g queixo relado
1 cullerada (5mL) aceite oliva
perexil
comiño
sal ao gusto

Instruccións

Tempo preparación: De 20 a 30 minutos

Cortar as berenxenas polo medio lonxitudinalmente e introducir no forno cun chorriño de aceite. Ó cabo de 25 min. extraer a parte interior da berenxena. Nun pouco de aceite rustrir o allo, a cebola e o pemento verde picados. Engadir a berenxena e retirar do lume. Engadirlle o atún esmiuzado e condimentar. Torrar a rebanda de pan de molde e colocarlle enriba o picadiño, poñerlle o queixo relado e gratinar lixeiramente.

Vantaxes:
A berenxena é moi pouco enerxética, o 92% da súa composición é auga. Contén vitaminas do grupo B, A, C e ácido fólico. O mineral máis abundante é o potasio, e, en menor medida, fósforo, calcio, magnesio e ferro. O seu leve sabor amargo é debido á gran cantidade de compoñentes antioxidantes que posúe, por iso é recomendado o seu consumo en dietas de adelgazamento.

Noticias

Archivos