Noticias

Noticias y actualidad del Grupo Cuevas

Archivos

Arroz con chícharos

15 Xullo, 2015

Arroz con chícharos

Arroz con chícharos

Información nutricional:

Kcal: 656,6
Proteínas: 32,5%
Hidratos de carbono: 18,1%
Lípidos: 49,4%

Ingredientes

  • 80 g arroz
  • 1/2 vaso (150 mL) caldo polo
  • 5 g salsa tomate
  • 50 g pemento vermello
  • 40 g chícharos
  • 1 dente (4g) allo
  • colorante alimentario
  • perexil
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 20 a 30 minutos

Nunha paelleira refogar o allo, a cebola, o pemento en dados. Engadir o arroz e rustrir un minuto; agregar un pouco de tomate e a continuación o caldo quente e coloreado en dobre volume que de arroz, deixar que levante fervor e poñer os chícharos. Dar o punto de sal e fornear 18 min. Acompañar da salsa de tomate restante.

Vantaxes:
O arroz é rico en almidón, contén vitaminas do grupo B, fósforo e potasio. É un alimento positivo para a prevención e mellora de algunhas patoloxías como a hipertensión e a hipercolesterolemia, debido ao seu baixo contido en sodio. A súa excelente dixestibilidade, ligada a unha acción astrinxente (debida a carencia de fibra), fan do arroz un alimento indicado para recuperar a mucosa intestinal tras unha gastroenteritis.

Costeletas de porco en “piperada”

Costeletas de porco en

Costeletas de porco en "piperada"

Información nutricional:

Kcal: 603,3
Proteínas: 17,9%
Hidratos de carbono: 6,8%
Lípidos: 75,3%

Ingredientes

  • 150 g costeleta porco
  • 75 g tomate
  • 150 g salsa tomate
  • 25 g pemento vermello
  • 25 g pemento verde
  • 25 g cebola
  • 25 mL caldo carne
  • 1 dente (4g) allo
  • 1 cullerada sopeira (10mL) aceite oliva
  • perexil
  • pementa
  • sal ao gusto

Instruccións

Tempo preparación: De 20 a 30 minutos

Cortar as costeletas e salpementar. Pasar por fariña e fritir ata dourar. Separadamente, preparar a salsa refogando en aceite o allo, a cebola e os pementos (todo en xuliana), e engadirlle a salsa de tomate. Verter sobre as costeletas ó caldo e fornear 15 minutos a 180ºC. Acompañar da mesma salsa.

Vantaxes:
A carne de porco contén todas as substancias minerais esenciais para o organismo, excepto o calcio. Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que a carne de vaca ou de cordeiro, sendo o seu consumo pouco adecuado para nenos e persoas maiores. Tampouco é aconsellable para os hipertensos e para aqueles que padecen de exceso de colesterol. Polo seu elevado índice de graxa aconséllase un consumo prudente e medido, xa que o abuso de proteínas de orixe animal e de graxas saturadas ten repercusións nocivas na saúde.

Puré de espinacas con xamón

Puré de espinacas con xamón

Puré de espinacas con xamón

Información nutricional:

Kcal: 232,7
Proteínas: 18,3%
Hidratos de carbono: 23,1%
Lípidos: 58,6%

Ingredientes

  • 125 g espinacas
  • 1 vaso (200mL) auga
  • 50 g pataca
  • 25 g porro
  • 20 g xamón cocido
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 20 a 30 minutos

Refogar en aceite o porro picado. Engadir a pataca e a continuación a auga. Cando comece a ferver engadir as espinacas. Cocer 15 a 20min. Pasar pola turmix e o chinés. Acompañar duns dados de xamón cocido.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, a penas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese máis facilmente que o presente nos vexetais. Polo tanto, para un bo aporte de ferro é necesario o consumo de alimentos de orixe animal.

Peixe espada á bilbaína

Peixe espada á bilbaína

Peixe espada á bilbaína

Información nutricional:

Kcal: 399,1
Proteínas: 27,7%
Hidratos de carbono: 24,6%
Lípidos: 47,8%

Ingredientes

  • 150 g peixe espada
  • 2 dentes (10g) allo
  • 2 culleradas (20mL) aceite oliva
  • 1 (100g) pataca
  • vinagre
  • perexil
  • caiena
  • sal ao gusto

Instruccións

Tempo preparación: De 30 a 40 minutos

Cortar o peixe espada e marcalo na prancha volta e volta. Separadamente, nunha tixola dourar o allo fileteado coa caiena. Cando estea dourado retirar do lume e engadir o vinagre. Verter sobre o peixe, cubrir de perexil e meter ó forno 10min. Acompañar de pataca redonda ó vapor.

Vantaxes:
O peixe espada é un peixe semigraxo. O seu contido en proteínas non é moi elevado, pero son dun alto valor biolóxico, xa que inclúen todos os aminoácidos esenciais. Ademais contén diferentes vitaminas e minerais, entre os que destacan as vitaminas do grupo B e A, e a presenza de fósforo e magnesio, posto que este peixe é o máis rico nestes minerais.

Feixóns verdes estufados

Feixóns verdes estufados

Feixóns verdes estufados

Información nutricional:

Kcal: 218,8
Proteínas: 12%
Hidratos de carbono: 46,4%
Lípidos: 41,6%

Ingredientes

  • 150 g feixóns verdes
  • 100 g salsa tomate
  • 25 g cebola
  • 1 dente (5g) allo
  • 1 cullerada (5mL) aceite oliva
  • sal ao gusto

Instruccións

Tempo preparación: De 20 a 30 minutos

Limpar os feixóns e cortar en dados. Nunha pota quentar o aceite, engadir o allo e a cebola picados, refogar uns instantes. Engadir a salsa de tomate e os feixóns. Cubrir con auga suficiente para a cocción e deixar ferver ata que estean tenros.

Vantaxes:
Os feixóns caracterízanse polo seu baixo aporte calórico, fundamentalmente polo seu escaso contido en graxas e á súa riqueza en fibra; son pobres en sodio e conteñen vitaminas como a vitamina A e B6 (piridoxina).