Noticias

Noticias y actualidad del Grupo Cuevas

Archivos

Raxo frito

15 Xullo, 2015

Raxo frito

Raxo frito

Información nutricional:

Kcal: 416,4
Proteínas: 32,8%
Hidratos de carbono: 21,6%
Lípidos: 45,5%

Ingredientes

  • 150 g lombo porco
  • 1 (100g) pataca
  • 1 dente (5g) allo
  • 5 mL brandy
  • 1 cullerada sopeira (10mL) aceite oliva
  • perexil
  • pementa branca
  • ourego
  • sal ao gusto

Instruccións

Tempo preparación: De 20 a 30 minutos

Cortar o raxo en dados e deixar en adubo 24h co allo laminado, brandy, sal, pementa, perexil, ourego e parte do aceite. As patacas córtanse en dados e frítense na fritideira. O raxo frítese con pouco aceite e a lume forte para que doure, moi pouca cantidade xunta para que non coza. Servir en cazola sobre as patacas.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Fabas á mariñeira

Fabas á mariñeira

Fabas á mariñeira

Información nutricional:

Kcal: 491,3
Proteínas: 40,8%
Hidratos de carbono: 42,5%
Lípidos: 16,7%

Ingredientes

  • 80 g fabas
  • 25 unidades (sen concha) berberecho
  • 25 g mexillóns (sen concha)
  • 25 g gambas
  • 25 g lura
  • 1/2 vaso (100mL) caldo pescado
  • 20 g salsa tomate
  • 20 g cebola
  • 1 dente (4g) allo
  • 1 cullerada (4mL) aceite oliva
  • pementón doce
  • sal ao gusto

Instruccións

Tempo preparación: De 30 a 40 minutos

Remollar as fabas polo menos 12h en auga fría con sal. Cocelas lentamente ata que estean tenras. Á parte refogar no aceite o allo, a cebola, e engadir o pementón e as luras en dados. Engadir as gambas, mexillóns e berberechos. Introducir as fabas cocidas e poñer o tomate e o caldo deixando cocer todo xunto uns instantes. Dar o punto de sal.

Vantaxes:
As fabas son alimentos ricos en fibra, folatos, potasio e ferro, pero os seus compoñentes principais son os hidratos de carbono. Aportan unha cantidade importante de proteína vexetal, de peor calidade cá de orixe animal, xa que non presentan todos os aminoácidos esenciais. Axudan a previr o estreñimiento, diminuír o colesterol en sangue e manter os niveis de glucosa en sangue grazas ó seu elevado contido en fibra soluble.

Abadexo á vizcaína

Abadexo á vizcaína

Abadexo á vizcaína

Información nutricional:

Kcal: 354,2
Proteínas: 34,1%
Hidratos de carbono: 37,3%
Lípidos: 28,6%

Ingredientes

  • 150 g abadexo
  • 1 (100g) pataca
  • 25 g pemento chouriceiro
  • 25 g cebola
  • 75 g tomate
  • 15 g pan de molde
  • 1 dente (5g) allo
  • 1 cullerada sopeira (10mL) aceite oliva
  • pementón doce
  • sal ao gusto

Instruccións

Tempo preparación: De 20 a 30 minutos

Refogar a cebola e o allo en aceite, engadir o pemento chouriceiro previamente hidratado. Agregar o pementón doce e a continuacón o tomate. Engadirlle o pan de molde fritido. Deixar cocer 20 minutos. Triturar e pasar por chinés. Salgar os lombos e cubrir coa salsa. Metelos no forno sobre 15min. Acompañar dunha ou dúas patacas redondas cocidas.

Vantaxes:
O abadexo é un peixe branco cun baixo contido lipídico. É rico en vitaminas A, D e B12. Aporta proteínas de gran valor biolóxico e graxas insaturadas do tipo omega 3 que protexe ó corazón. Ademais contén cantidades moderadas de substancias antioxidantes, favorables fronte ó envellecemento celular.

Coello ao chilindrón

Coello ao chilindrón

Coello ao chilindrón

Información nutricional:

Kcal: 656,6
Proteínas: 32,5%
Hidratos de carbono: 18,1%
Lípidos: 49,4%

Ingredientes

  • 150 g coello
  • 1 (100g) pataca
  • 50 g salsa tomate
  • 50 g pemento vermello
  • 75 mL caldo carne
  • 25 g cebola
  • 10 g xamón serrano
  • 1 dente (5g) allo
  • 3 culleradas (15mL) aceite oliva
  • pementa
  • perexil
  • sal ao gusto

Instruccións

Tempo preparación: De 30 a 40 minutos

Cortar en anacos o coello. Salpementar e fritir ata dourar. Á parte, nunha pota rustrir en aceite o allo, a cebola e o pemento en xuliana. Deixar pasar sen que tome cor. Engadir o xamón en dados, a salsa de tomate e o caldo. Incorporar o coello e deixar cocer ata que estea tenro. Cortar as patacas en dados grandes e dar un frito exterior e logo deixalas cocer na salsa do coello uns minutos.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Inconvenientes:

Pescada en salsa verde

Pescada en salsa verde

Pescada en salsa verde

Información nutricional:

Kcal: 360,6
Proteínas: 48,7%
Hidratos de carbono: 33,1%
Lípidos: 18,2%

Ingredientes

  • 150 g lombo pescada
  • 1 (100g) pataca
  • 1/2 vaso (100mL) caldo pescado
  • 30 g cebola
  • 20 g chícharos
  • 10 g espárrago branco
  • 5 g fariña
  • 1 dente (5g) allo
  • 1 cullerada (5mL) aceite oliva
  • perexil
  • sal ao gusto

Instruccións

Tempo preparación: De 20 a 30 minutos

Preparar a salsa verde: refogar en aceite o allo e a cebola picados sen que tomen cor. Engadir un pouco de fariña e caldo de peixe. Deixar cocer 10 min e engadir perexil picado. Cocer o lombo de pescada ó vapor e cubrir coa salsa. Acompañar dunhas patacas redondas cocidas, chícharos e espárrago.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12), pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.